Aefeso 3:5 - Mawu a Mulluku

⁵ Khalle yoovittheya yeella kheyaadduwellihiwe wa athu koma vano Mulluku ohuupullulla wa amurummwa ni anamallotellaaye aweella oweella mwa Munepa.

Aefeso 3:5 ပူးပေါင်းရင်းမြစ်များ

Yuda 1:17

Koma nyuwaano akhwaaka ookondiwa, muupuwelle ddallotiwe ni amurummwa a Apwiya Yesu Khrisitu.

2 Petro 3:2

Kinapaalla wi muupuwelle mawu yaallotiwe khalle ni anamallotella aweella navettho malamulo oovenyera wa Apwiya ni Oovullusa ayo yaavahiwe wa nyuwaano oweella mwa amurummwaanyu.

Aefeso 2:20

Nyuwaano moomakiwattho va matthipello a amurummwa ni a anamallotella, ayo Khrisitu Yesu ariiye nlluku noopalleeya wunchichi.

Aefeso 3:9

nave owoonihella athu attheene mmo yoolinga yoovittheya ya Mulluku eneeriiwa yeereyelle. Mulluku oyo tti oophatusa ddeko ddittheddene aakhuwa yoovittheyaaye enthawi ettheene yakhalle,

Mitteko 10:28

Allota wi, “Nyu nyookha munnadduwella phaama wi Muyuda khanaakhullelliwa ni malamulwaaye oweetella apaalle waattana ni athu ayo ehiri Ayuda. Koma Mulluku ookooniha miyaano wi kihimweere arive muthu oonanara apaalle ooheellihiwa.

Luka 10:24

Vawi kinimuulleellani wi, anamallotella anchichi akhalle ni mamwene manchichi akhalle yaapaalla woona munooneenyundda koma khayaawoonille nave wiiwa muniiweenyundda koma kheyaawiiwalle.”

Yohane 14:26

Ookavihera, Munepa Waweella, oyo Attiitthaaka enaamurumiiwa mu nnddina naka, aneerewuuhuddihani erive ello ni owuupusani ddeko ddittheddene kuulleelleemini.

Mateyu 13:17

Ddawoona kinimuulleellani ddawoona wi, anamallotella anchichi akhalle ni athu oolungama anchichi akhalle yaapaalla woona munooneenyundda koma khayaawoonille nave wiiwa muniiweenyundda koma kheyaawiiwalle.

Aroma 16:25

Mulluku atitimihiwe! Olliye annawora ollipiha echikhulupilwaanyu moollikana ni othenga waphaama wa Yesu Khrisitu kinallalleyeemi navettho moollikana ni wuupullulla yawoona yookhuweya eyo yavitthiwe miyakha ddinchichi khalle.

Yohane 16:13

Koma Munepa oodduwelliha yawoona aphiya, aneerewuudduwellihani ddawoona ddittheddene. Vawi khallotaka mwa olamulello wa yeekhaaye koma anaalloteke nnddo aniiwekeeye nave aneerekewuulleellani dda ddeko ddamuhoollo.

Mateyu 23:34

Ekaamba ya yeella kineerewuurumihellani anamallotella ni athu eezeru ni ahuddihi. Amodda a yaayo muneerowiipha, amodda muneerewaatthomeya vamutandani nave amodda muneerewaawashulla mu enyumba ddanyu ddamavekello ni waathamakiha ovenyera o etawoni emodda ophiya o etawoni emoddeeyo.

Luka 11:49

Ella sika ekaambiiwa Mulluku aallotilleeye mweezeru wi, ‘Kineerewaarumihella anamallotella ni amurummwa nave amodda a yaayo eneerewiiphiwa amodda eneerohoosiwa.’

Yesaya 52:15

Emoddamoddavettho athu a mitundu ddittheddene eneerottikhina, naari mamwene eneerorama yoollota, vawi ddeko ehinalleelliwekiiwa eneeroddoona, ddeko ehiniiwekiiwa eneeroddiiwesesa.”

1 Akorinto 2:10

Koma Mulluku ahuupullulla wa hiyaano yoovittheyaaye mwa munepaaye. Munepa annoona erive ello naari owallamella wa maganizo a Mulluku.

Mateyu 20:7

Vano yahaakhulla wi, ‘Khaavo anilembille mutteko.’ Ahaalleella wi, ‘Khaweni nyuwaano mwapharettho mutteko m'matani mwaka.’