Aefeso 3:21 - Mawu a Mulluku

²¹ wa olliye okhalle ntitimiho mu mpingo ni mwa Khrisitu Yesu enthawi ddittheddene, ophiyera enthawi ddoohimalla. Amen.

Aefeso 3:21 ပူးပေါင်းရင်းမြစ်များ

Yuda 1:25

wa Mulluku mmoddave yooyo, Oovullusaahu mwa Yesu Khrisitu Apwiihu, okhalle ntitimiho, ottekweene, masiva ni olamulello ovenyera ehinaambe enthawi, ollello ni mallapo mattheene a muhoollo. Amen.

Aroma 11:36

Vawi ddeko ddittheddene ddaaphatusiwe ni olliyooyo nave oyeella mwa olliyooyo navettho ekaamba ya olliyooyo. Ntitimiho nikhalle wa olliyooyo wa enthawi yoohimalla! Amen.

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.

1 Petro 5:11

Wa olliye okhalle masiva wa enthawi yoohimalla! Amen.

Yesaya 6:3

Aserafaayo yaanakhuwellana wi, Aweella, aweella, aweella tti Apwiya Amasiva Mattheene! Ntitimiho niwa nooddalla ellapo yavatthi ettheene.

1 Epilli 29:11

Nyu Apwiya tti muullupalli, amasiva, antitimiho, oopambana ni oolemu vawi ddittheddene ddiri oddullu ni va ellapo yavatthi tti ddaanyu. Apwiya, omwene tti waanyu nave muri oolamulella ddittheddene.

Masalimo 72:19

Nnddina niwa nootitimiheya nidaliseye wa enthawi yoohimalla, otitimiheya wiwa oddalle ellapo yavatthi ettheene. Amen! Amen!

Afilipi 4:20

Ntitimiho nikhalle wa Mulluku Attiitthiihu enthawi ddoohimalla! Amen.

Aroma 16:27

Oweella mwa Yesu Khrisitu, ntitimiho nikhalle wa Mulluku oyo tti yooyove eezeru enthawi yoohimalla. Amen.

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.

Yesaya 42:12

Yaatthamalle Apwiya, ellalleye olemwiiwa o ellapo ddawaatamella enyanja.

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

Afilipi 2:11

Nave ddittheddene ddineerewaakhullella wi, “Yesu Khrisitu tti Apwiya,” o ntitimiho na Mulluku Attiitthiihu.

Agalatiya 1:5

Ntitimiho nikhalle wa Mulluku enthawi yoohimalla! Amen.

2 Timoteo 4:18

Nave Apwiya eneerokaakiha o erive yoonanara navettho eneerokivollochiha phaama mu omwene wooddullu. Wa olliye okhalle ntitimiho wa enthawi yoohimalla. Amen.

Afilipi 1:11

Nave makhallellwaanyu ekhalleke oolungama oweella mwa Yesu Khrisitu wi Mulluku atitimihiwe.

Aefeso 1:6

Mulluku aheera ddenndda wi nititimihe echisomwaaye yoovahiwa wa hiyaano oweella mwa mwanaye ookondiwa.

Luka 2:14

“Ntitimiho nikhalle wa Mulluku Muullupalli, nave murendelle okhalle va athu ayo anahakallalleeyena vatthimva!”

Masalimo 115:1

Wa hiyaano iyaayi, Apwiya, wa hiyaano iyaayi, koma nnddina nanyuve nititimihiwe, ekaamba ya echikondi yoohisintheya ni oororomelleya.

Aefeso 2:7

Enre ddenndda wi oonihe opambana wawunnuwa wa echisomwaaye enthawi ettheene ya muhoollo mu echikondi ananooniheeye mwa Khrisitu Yesu.

Mateyu 6:13

Muhinikuselle woweesiwa, koma munivulluse wa Oonanarooyo.

Aefeso 4:1

Vano kinimuuvekani nyuwaano, miyaano a mundende kaambiiwa kinaarumeyella Apwiya wi mweeteke moophwanellella wiithaniwa nko Mulluku aawiithannenyuni.