Aefeso 3:20 - Mawu a Mulluku

²⁰ Vano wa oyo anaphara mutteko mwa hiyaano mwa masivaaye, oyo anawora weera wunchichi ohiyana ni ninavekeehu apaalle ninaganizeehu,

Aefeso 3:20 ပူးပေါင်းရင်းမြစ်များ

2 Akorinto 9:8

Nave Mulluku annawora wuuvahani madaliso manchichi nave muneerokhalla ni ddittheddene munapaalleenyu enthawi ddittheddene naari ddookhwaranya wi mwakavihere va orive mutteko waphaama.

Aroma 4:21

Aasimikiza wi Mulluku ttuuwora weera eyo alonjezilleeye.

Yeremiya 32:27

“Mi tti Apwiya Mulluku a athu attheene. Ethiyo yookhallavo yoohiworeya ni mi?

Yuda 1:24

Nave wa olliye oyo anawora wuutetezani wi muhichimwe ni owiimesani mu ntitimiho naye moohikhalla ni yoochimwa nave moohakallalla ni murimaaye muttheene,

1 Akorinto 2:9

Nave mawu a Mulluku enallota wi, “Eyo muthu ahoonilleeye apaalle wiiwa, eyo muthu ahiganizereeye wi ttuuweereya, tti yeeyo Mulluku aakhozereeye ayo enamukonda.”

Aefeso 1:19

nave opambana wa wunnuwa wa masivaaye onaphara mutteko mwa hiyaano oomukhulupilila. Masiva yaalla enaphwanaphwana ni masiva muullupallaalle

Yeremiya 32:17

“Ha! Nyu Apwiya Mulluku! Nyu sika mwaphatusalle ellapo yavatthi ni eddullu ni masivaayu muullupalli ni muwonwaanyu weekophollo nave kheyiivo muhinaworeenyu weera.

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.

Aefeso 3:7

Kaheeriwa oorumeyella othenga waphaama moollikana ni emphaso ya echisomo ya Mulluku, aakivahilleeye oweella mwa mutteko wa masivaaye mwa miyaano.

Aroma 16:25

Mulluku atitimihiwe! Olliye annawora ollipiha echikhulupilwaanyu moollikana ni othenga waphaama wa Yesu Khrisitu kinallalleyeemi navettho moollikana ni wuupullulla yawoona yookhuweya eyo yavitthiwe miyakha ddinchichi khalle.

1 Mamwene 3:13

Kineerewuuvahattho nnddo ohivekilleewe, eyuuma ni olemu wi khavikhalla mwene oophwanaphwana ni weyaano enthawi ettheene ya okumaawo.

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Daniele 3:17

Mullukwaahu ninamurumeyelleehu aneerowora onaakiha mu eng'anjo yamunllo nave aneeronivullusa mu nnatta nanyu, amwene.

Akolose 1:29

Wi ddenndda ddeereye, kinaphara mutteko moollipihella, voopharihani mutteko masiva uullupalli ayo enavelleelliiwa ni Khrisitu oyo anaphara mutteko mwa miyaano.

2 Epilli 25:9

Amaziya aamukoha muthu a Mulluku wi, “Koma vano nineerena tini makobiri 100 a siliva ayo kaavahilleemi akhoto a Israele?” Olliye ahaakhulla wi, “Apwiya ennawora wuuvahani ddinchichi okhwaranya ddenndda.”

Yohane 10:10

Mullupaawiiya anawa wi iiye, iiphe ni woononga. Koma kaawa wi ddikhalle ni okumi wawaata.

Eksodo 34:6

Apwiya yaavira vakhuviru ni Mose ekhuwaka wi, “Apwiya, Apwiya Mulluku eechifundo ni ooreera murima, oohisha murima mwawaakuva, ooddalla ni echikondi yoohisintheya ni oororomelleya.

Yakobo 4:12

Mulluku sika mmoddave yooyo oovaha malamulo ni aweeruza. Olliye yeekhaaye ttuuwora ovullusa ni woononga. Weyaano tti aani wi omweeruzeke mukhwaawo?

1 Timoteo 1:14

Nave Apwiihu yahiithellella echisomwiiwa yinchichi va miyaano, ekivahattho echikhulupililo ni echikondi nnddo ddiri ddahu oweella mwa Khrisitu Yesu.

Daniele 6:20

Aatamenlle nlliti mwene ahiithana mweethakaraka wi, “We Daniele, oorumeyella a Mulluku Ookumi! Ethiyo Mullukwaawo onamurumeyelleewe moororomelleya enthawi ettheene oowora wuuvullusa o mikango?”

Aheberi 11:19

Sika Abrahamu aakhulupilila wi Mulluku ttuuwora omuvenyiha Isaki wa ookhwa. Vano aamwaakhellattho wonanko oovenyihiwa wa ookhwa.

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

2 Petro 1:11

Mwawi ddiidda muneerewaakhullelliwesesa ovollowa mu omwene woohimalla wa Apwiihu ni Oovullusaahu Yesu Khrisitu.

Yesaya 35:2

Eneerokhalla ni malluwa manchichi, eneerohakallallattho ni wiipa. Eneerovahiwa oriiheya wonanko wa miyaango dda Lebanoni, eneerewooneya mooreera wonanko miyaango dda Karimele ni Sharoni. Arive muthu aneerewoona ntitimiho na Apwiya, ni ottekweene wa Mullukwaahu.

Mateyu 3:9

Nave muhinallotaka weekhiinyu wi, ‘Abrahamu sika nikhollo nahu.’ Kinimuulleellani wi Mulluku ttuuwora otthattusa mallukwaalla okhalla edduullu dda Abrahamu.

2 Samuele 7:19

Nyu Mulluku, ddittheddenenndda ddaari ddooyeva vamiitthoni vanyu. Nyu Apwiya Mulluku, mwaalonjezattho nibanja naka mi oorumeyellaanyu dda enthawi yuullupalli yamuhoollo nave mookooniha mibado ddamuhoollo, nyu Apwiya Mulluku!

Nchipo na Solomoni 5:1

Koovollowa m'matani mwaka, we murokoraka, mwaaraka. Kinamuhata muraaka ni ddawunkhelliha yoocha ddaka. Kinacha enwaaka ni makallaphaaka. Kinamuwirya vinywaaka ni mukakaaka. Anamwalli Nyu ookondana, chani nave wiryani. Nyu ookondana, lezelani ni echikondi!

Genesis 18:4

Asimaaddi vang'ono ewe wi muhuwe manyallo. Mweereke mwiithuuwaka vamuteekhonimva.

2 Epilli 9:12

Nave Solomoni aamuvaha mwene aamutthiyana a o Sheba ddittheddene apaalleeye ni erive ello aavekilleeye oheerengella nnddo avahiweeye khalle moowaakakhana ni emphaso nnddo awiilleeyena wa mwene Solomoni. Vatulli viwa mwene aamutthiyana ni oomurumeyellaaye yaahokollweella o ellapo yoowaniwa.