Aefeso 3:16 - Mawu a Mulluku

¹⁶ Kinamuveka Mulluku wi ovenyera mwa waata wa ntitimiho naye, uuvaheni masiva oweella m'Munepanaaye wi mukhalle oollipa mu echikhulupilwaanyu.

Aefeso 3:16 ပူးပေါင်းရင်းမြစ်များ

Akolose 1:11

Mullipihiweke ni masiva mattheene oovenyera o masiva antitimiho naye wi muwore ovillella ni olleva erive ello. Mwaathokozeke Attiitthaanyu moohakallalla, ayo yaweerihalleni wi mukhallena eyo Mulluku aasungenlleeye athwaaye mu omwene woowala.

Afilipi 4:13

Kinneera ddeko ddittheddene oyeella mu masiva ayo Khrisitu akivahilleeye.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Zekariya 10:12

Kineerewaallipiha athwaaka, eneereweeta moollapella mu nnddina naka, mi Apwiya koollota.”

2 Timoteo 4:17

Koma Apwiya yaakhalla ni miyaano ekillipiha murima sika kaawora ollalleya othenga ottheene wa athu attheene ayo eri oohikhulupilila. Nave kahaakihiwa muwano mwa mikango.

2 Akorinto 4:16

Ekaamba ya yeella hiyaano khaninatathilla murima. Naari miilli ddahu dduntaka vang'ono vang'ono, mirima ddahu ddinnakhallihiwa ddanaanweene nllapo ni nllapo.

Aefeso 6:10

Voomallihani, mwiillipiheke mu eyaattano ni Apwiya ni masiviiwa uullupalli.

2 Akorinto 12:9

Koma ahaakhulla wi, “Echisomwaaka sika enapaalleya mwa weyaano vawi masivaaka enunnuwa wakhalla oofooka.” Vano koohakallalla ni murimaaka muttheene wi kikotelleke dda ofooka waka wi masiva a Khrisitu enooneya mwa miyaano.

Afilipi 4:19

Oyeella mwa Khrisitu Yesu Mullukwaaka aneerewuuvahani ddoopaalla ddanyu ddittheddene ovenyera mu eyuumaaye yawaata.

Masalimo 28:8

Apwiya sika masiva a athwiiwa woothawella nko oozoziwiiwa* anavulluwelliiwawo.

Aroma 7:22

Murimaaka muttheene onnahakallalla ni malamulo a Mulluku.

1 Akorinto 16:13

Chenjerani, khallani oohitikheya mu echikhulupililo, khallani oohoova nave khallani amasiva.

Masalimo 138:3

Va nllapo nne kawiitthanneemini mwaakaakhulla, munnakillipiha murima ni masivaanyu.

Aroma 9:23

Nave apaallattho wuupullulla waata wa ntitimiho naye, nno niithellelliwe va hiyaano aneerelleeye echifundo, ayo ekhoziwe moovallallella wi yaakhelle ntitimiho naye.

Akolose 1:27

Yoolinga ya Mulluku tti yawi athwaaye edduwelle yookhuweyaaye yawaata ni yootitimiheya variyari va athu oohimullapella Mulluku. Nave yookhuweyeeyo tti yawi Khrisitu ari mwa nyuwaano nave wi olliye tti yootiyerellaanyu wi mwaakhelle ntitimiho na Mulluku.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

Aefeso 1:18

Kinaveka wi miitthwaanyu ehulleye wi moone owala wi mudduwelle yootiyera eyo awiithanelleeyeni nave waata wa madaliso ootitimiheya ayo athwaaye enaawaakhelliiwa,

Mateyu 6:13

Muhinikuselle woweesiwa, koma munivulluse wa Oonanarooyo.

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

Aheberi 11:34

Amodda yaathiimiha munllo woowalli, amodda yaavulluwa wowiiphiwa ni masupada, yaari oofooka koma yaavahiwa masiva, yaari oollipa okhotoni nave yaawiikariha akhoto eelleto.

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

1 Petro 3:4

Koma oreera wanyu onaphwanella okhalleke wa muwari mwanyu, oreera wa murima, wawiithaalla ni woomaalleya vawi nndda sika ddoopaalleya wunchichi ni ddoohimalla vamiitthoni va Mulluku.

Aefeso 2:7

Enre ddenndda wi oonihe opambana wawunnuwa wa echisomwaaye enthawi ettheene ya muhoollo mu echikondi ananooniheeye mwa Khrisitu Yesu.

Aroma 2:29

Koma Muyuda awoona tti muthu oyo ari Muyuda muwari, oophaddiwa m'murimani mwaye. Nave ella eneereya ni Munepa a Mulluku, ohiri ni malamulo oolembiwa. Muthu yooyo annatetheelliwa ni Mulluku, ohiri ni athu.

Yobu 23:6

Ethiyo eerollipana ni miyaano ni masivaaye mattheene? Iyaayi, eerewiiwesesa mawaaka.

Aefeso 3:15

nko onavenyera okumi wawoona wa arive muthu a o ellapo yooddullu ni yavattheella.

Akolose 2:2

Kineera ddenndda wi ellipihiwe murima ni wi yaattaneke mu echikondi nave wi ekhallena eyuuma ya osimikizella wookwakhwana nko onawa ni wiiwesesa wawoona. Mwawi ddiidda eneerodduwella yookhuweya ya Mulluku wi tti Khrisitu yooyo.