14 Ekaamba ya yeella kinnaakokhorella Attiitthaaka,
Waawoni naavekelle nave naallapelle, hankoni nikokhore vamiitthoni va Apwiya oophatusaahu.
Sika vano, vootitimihani nnddina na Yesu ddoophatuwa ddittheddene ddooddullu, dda vatthimva ni dda vatthi va ellapo yavatthi ddineeromukokhorella.
Nave mallapwaahwaalle yamanlliiwa, naatimulla voolendonaahu. Attheene vamodda ni awariwa owaaka aniiwa, yaanivelleella okhuma m'muzindani mulle eniphiyiha mukhwipi mwa enyanja, wenko naakokhora attheene nave nivekella.
Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.
Daniele iiwalleeye wi lamulonna nookeraatthihiwa aavollowa mpa mwaye. Mu echipindaaye yavaddullu mwaakhalla mawindo ooweha o Yerusalemu. Nave mwemmo aanakokhora vatthi oraru vanllaponi anavekella ni omutitimiha Mullukwaaye moollikana ni mmo eerelleeye khalle.
“Va enthawi ya mukutho wa misikuwa, kaavenya mvo kakeraatthilleemi moomoriha ethakaraka kiwarille ddoowara ddaka ni mukanjwaaka ddawaahuwanndde kikokhora nave kitukhullella mattaaka wa Apwiya Mullukwaaka,
Killupenlle mu nnddina naakave, eyanwaaka ellotille ddawoona, mawu oohisintheya awi, ‘Nirive nikuttha nineerokikokhorella, athu attheene eneerollupella vooromollani nnddina naka.’
Paulo amallihalleeye ollotanko, aakokhorana athwaalle avekella.
Nave ahaahiya arakamella wookwakhwana ovokha nlluku, wenko aakokhora nave avekella.
Komave o Israele kohaahiyawo athu 7,000 ayo ehinamukokhorella Baala apaalle opsopsona mafanwaaye.”
Solomoni amallihalle ovekella wa Apwiya aavenyawo o nikuwa wulle akokhorilleeye atukhullalle muddullu mattaaye.
Solomoni aamaka nttattha namukuwa, mamita meelli orekama ni okhuveya wiwa ni mita emodda ni hafu oya muddullu nave aanihiya variyaririyari va nthatonno nave aawellavo, akokhora mutthukumano muttheene wa Aisraele woonaka nave aatukhullella mattaaye muddullu.
Petro ahaakhumiha attheenaayo muchipindanimmo, akokhora nave avekella. Vano aarukunuwella waari mutembooyo allota wi, “Tabita, venya!” Aakhunuulla miitthwaaye nave amoonilleeye Petro, aavenya akeraatthi.
Aakokhora nave inlla ni mawu oowella wi, “Apwiya! Muhineerengella ochimwa wiwanngu!” Allotille ddenndda aakhwa.
nko onavenyera okumi wawoona wa arive muthu a o ellapo yooddullu ni yavattheella.
