Aefeso 3:1 - Mawu a Mulluku

¹ Ekaamba ya yeella, miyaano Paulo a mundende ekaamba ya Khrisitu Yesu, kinuuvekellelleemini wa Mulluku nyuwaano athu ayo ehiri Ayuda.

Aefeso 3:1 ပူးပေါင်းရင်းမြစ်များ

Akolose 1:24

Nave vano koohakallalla ni ddoohoosa ddaka ekaamba ya nyuwaano vawi kinnavirellella ohoosiwa wonanko Khrisitu ekaamba ya mwiillaaye, oyo ori mpingo.

Aefeso 4:1

Vano kinimuuvekani nyuwaano, miyaano a mundende kaambiiwa kinaarumeyella Apwiya wi mweeteke moophwanellella wiithaniwa nko Mulluku aawiithannenyuni.

2 Timoteo 1:8

Ohiwulliweke muru ovelleella omboni dda Apwiihu naari dda miyaano kiriimi mundende ekaamba ya Khrisitu koma okawane ni miyaano ddoohoosa ekaamba ya othenga waphaama mu masiva a Mulluku.

Aefeso 6:20

Ekaamba ya othenga yoolla miyaano tti kazembe naari vano kiri mundende. Vekellani wi killoteke moollipa murima dda othenga yoolla wonanko mmo kinaphwanellelleemi.

Filemoni 1:9

Koma ekaamba ya okondana wahu, kinapaalla wuuveka, miyaano Paulo, oomwimellella Khrisitu Yesu navettho a mundende ekaamba ya omurumeyella olliye.

Afilipi 1:7

Kinnawuupuwellani enthawi ddittheddene! Nave vano nginalakwiha oganiza mwawi ddiidda dda nyuwaano attheene kaambiiwa nyuwaano munnakeerengella. Vawi nyuwaano mookikaviherana mutteko yoolla Mulluku akivahilleeye mu echisomwaaye, kiriimi mundende ni enthawi kaariimi oottaphulliwa wi koonihe ddawoona dda othenga waphaama ni owuteteza ni owuukeraatthiha moollipa.

Filemoni 1:1

Ovenyera wa miyaano Paulo, a mundende ekaamba yoomurumeyella Khrisitu Yesu. Navettho ovenyera wa Timoteo mwanamunnihu. Kinuulembella weyaano, mwanamunnihu ookondiwa Filemoni, oyo anamurumeyella Khrisitu wonanko hiyaano.

Mitteko 23:18

Muullupalloolle aamukusa, amuhoollella wa oolamulelloolle nave allota wi, “Mullupa oomakiwa, Paulo aakiithana nave akiveka wi kiweena musomboolla wa nyuwaano kaambiiwa ookhalla ni yawi uulleelleni.”

Luka 21:12

Koma ddihineereye ddittheddenenndda, muneerohoosiwa ni omakiwa, muneerewiipiwa millatu mu enyumba ddamavekello* ni ohiyiwa mundende. Muneerovelleelliwa wa mamwene ni oolamulella kaambiiwa nyuwaano tti oohudderaaka.

Filemoni 1:23

Epafra, oyo ari mundende vamodda ni miyaano ekaamba yoomurumeyella Khrisitu Yesu, annuuvaha mooni.

Mitteko 26:29

Paulo ahaakhulla wi, “Khaya ddinaakuse enthawi yooyeva apaalle yoorekama, nivekello naka wa Mulluku sika nawi nyuwaano ni athu attheene enakiiwellella ollellwaalla ekhalle wonanko miyaano, opatula omakiwave ni onyoloolla!”

2 Timoteo 1:16

Apwiya yeerelle echifundo nibanja na Onesifore kaambiiwa aakihakallalliha wiilliwiilli. Nave khaawulliwe muru naari kaariimi mundende.

Akolose 4:18

Miyaano Paulo kinalemba dda moonoolla meekhaami. Muhitiwalle wi miyaano kiri mundende. Echisomo ya Mulluku ekhalle ni nyuwaano.

Akolose 4:3

Nave munivekellelleke hiyaanottho wi Mulluku anihullelle mullako wi nillalleye othenga wa yoovittheya ya Khrisitu. Vawi miyaano vano kiri mundende ekaamba ya yeeyo.

2 Akorinto 11:23

Ethiyo alliwaayo tti oorumeyella a Khrisitu? Kinallota wonanko ookarangeya koma miyaano tti oorumeyella ookhwaranya alliwaayo! Koophara mutteko moollipa ohiyana ni alliwaayo. Mowaakhwaranya alliwaayo koohiyiwa mundende wiilliwiilli, koowashulliwa wunchichi nave wiilliwiilli kaari vakhuviru okhwa.

2 Akorinto 10:1

Miyaano Paulo, oyo athu enakeera oomaalleya ni oolleva kakhalla ni nyuwaano koma ootokollolla karekamella, kinimuuvekani mwa meekhaaka ekaamba ya wiiyeviha ni oreera murima wa Khrisitu.

Mitteko 21:33

Oolamulellooyo aaya vaari Paulooyo, amuphara nave alamulella wi amakiwe ni onyolo miilli. Nave ahaakoha athu a vamullokonimvo wi, “Muthu yoolla ttaani navettho eerille tini?”

Yawuupullulla 2:10

Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.

Aefeso 3:13

Vano kinimuuvekani wi muhikhupanyeke kaahoosiwaka ekaamba ya nyuwaano vawi tti woopinduliha wa nyuwaano.

Agalatiya 5:11

Nave miyaano, asinnaka ni arokoraka, kavirellella ollalleya wi ophaddiwa tti woopaalleya, kinahoosiwa kaambiiwa tini? Ddaariki ddawoona, sika ollalleya waka wa dda mutanda wa Khrisitu khawaaweerihe ddookatamiha.

Agalatiya 5:2

Ngiiwani! Miyaano Paulo kinuulleellani wi mwaakhullella wi muphaddiwe, ddinattaphullella wi nyuwaano khamunna mutteko ni Khrisitu.

Mitteko 9:15

Koma Apwiya yaallota wi, “Khawe kaambiiwa koomutthoolla wi akhalle echipangizwaaka, allalleye nnddina naka wa athu ayo ehiri Aisraele ni mamwene ni athu a o Israele.

2 Akorinto 1:6

Ninnahoowa wi mukhurumusiwe murima nave muvullusiwe. Hiyaano naakhurumusiwa murima, nyuwaano muneerokhurumusiwattho murima ni ovahiwa masiva oovillella ddoohoosa nnddottho ninavillelleehu.

Agalatiya 5:24

Nave ayo eri a Khrisitu Yesu aatthomeya vamutandani omuthwiiwa ni ddoopaalla ddiwa ni minkhella ddiwa.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

Aefeso 3:11

Mulluku aheera ddenndda moollikana ni yoolinga yakhallekhalle eerilleeye mwa Khrisitu Yesu Apwiihu.