Aefeso 2:2 - Mawu a Mulluku

² Va enthawi yeeyo mwaanathwara ettilla ddoonanara dda va ellapweella. Nave mwaanamwiiwellella oolamulella a minepa ddittheddene ddoonanara ddamuddullu, munepa oyo onalamulella athu oohimwiiwellella Mulluku.

Aefeso 2:2 ပူးပေါင်းရင်းမြစ်များ

Aefeso 6:12

Vawi khaninawana ni athu koma ninawana ni minepa ddoonanara, oolamulella ni masiva a epiphi ddooddullu.

1 Yohane 5:19

Ninnadduwella wi niri a Mulluku naari ellapo yavatthi ettheene elamuliwaka ni Oonanarooyo.

Aefeso 2:3

Hiyaano attheene naari wonanko yaayo nave naaniiwellella minkhella dda omuthwaahu, weera ddoopaalla ddittheddene dda miilli ddahu ni maganizwaahu. Kaambiiwa hiyaano niri wonanko arive muthu, naaphwanella ohoosiwa ni osha murima wa Mulluku.

Yohane 12:31

Vano ella sika enthawi yaweeruza ellapo yavattheella nave oolamulella a ellapo yavattheella aneerovokhiwa otte.

Aefeso 5:6

Ahikhallevo muthu anaawukarangeyiheni ni mawu oolleka kaambiiwa ddeko ddenndda ddinnawiiha owalli wa Mulluku va ayo ehinamwiiwellella.

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Aefeso 4:22

Sika muhiye makhallellwaanyu akhalle ayo yaweerihalleni wi mukhalleke mwawi ddiiddo, makhallellwaanyu akhalle ayo yuntihiwe ni minkhella ddoolleka.

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

1 Yohane 5:4

kaambiiwa ayariwe wa Mulluku annawora ogonjiha ellapo yavatthi. Nave ninnagonjiha ellapo yavatthi ni echikhulupililo.

1 Yohane 3:10

Nngu sika ohiyana wa anamwani a Mulluku ni anamwani a Satana, attheene ehineera echilungamo apaalle ehinaakonda amodda khe anamwani a Mulluku.

1 Petro 1:14

Mumwiiwellelleke Mulluku, okumaanyu ohilamulelliweke ni minkhella mwathwareenyu khalle moohidduwella.

Yawuupullulla 20:2

Aaphara enowa yuullupalleelle, enowa yakhalleelle yooromolliwa mdiyerekezi apaalle Satana, amumaka ni onyoloolle wa miyakha 1,000.

1 Yohane 4:4

Koma nyuwaano, anaaka, tti a Mulluku nave mohaagonjiha anamallotella awoottha kaambiiwa Munepa Waweella oyo ari mwa nyuwaano tti amasiva ohiyana ni munepa oyo ari mu ayo enakhalla mu ellapo yavatthi.

1 Petro 4:3

Mootathilla enthawi yinchichi khalle vaweerani nnddo eneera athu oohimullapella Mulluku. Okhalla wanyu waari wa oraruwa, minkhella ddoonanara, olezela, machellello ni olezela nave ollapella mafano moonanariha.

Akolose 1:21

Khalle nyuwaano mwaarekamellana ni Mulluku nave mwaari adanaaye ekaamba ya machimo mweenreenyu ni mwaaganizalleenyu.

Agalatiya 1:4

Khrisitu ahiivelleella ekaamba ya machimwaahu voomwiiwellellani Mulluku, Attiitthiihu wi anoopolle ovenyera o ellapo yoonanareella.

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

1 Akorinto 5:10

Vano nginaaka wi mwaathawe athu a ellapo yavatthi, ooraruwa apaalle anrima apaalle awiiya apaalle oollapella mafano. Kaambiiwa wi mwaathawe athu yaalla munaphwanella wi mukhumemo mu ellapo yavattheella.

Mitteko 5:3

Petro aallota wi, “Ananiya kaambiiwa tini Satana addanlleeye m'murimani mwawo wi woottotthe Munepa Waweella voovukullani makobiri waakhenlleewe okullihalle emataawo?

Yohane 15:19

Mwakhanlleke a ellapo yavatthi, athu a ellapo yavatthi yaawerewuukondani wonanko weekhiiwa. Koma nyuwaano khamuhiyo a mu ellapo yavatthi kaambiiwa kahuutthoollani ovenyera mu ellapo yavatthi sika kaambiiwa athu a mu ellapo yavatthi enawiitellaniiwa.

Yohane 14:30

Ngillotattho ddinchichi ni nyuwaano vano kaambiiwa oolamulella a ellapweella animawa. Koma olliye khanna olamulello va miyaano.

Yesaya 30:1

Apwiya enallota wi, “Otulli wa anamwani ookiwukila mi vaweerani ddawiipangella ohiri dda mi. Enakeraatthiha echipangano yayiwayayiwa oohithwara opaalla waka nave ennavirellella ochimwa.

Yobu 1:7

Apwiya yaamukoha Satana wi, “Ethiyo onavenyera wuuwi?” Olliye ahaakhulla wi, “Kinimoona waapheella ellapo yavatthi.”

2 Petro 2:14

Enthawi ddittheddene miitthwiiwa enakhalla va weera ddooraruwa nave minkhella ddiwa ddoochimwa khaddinakwakhwanihiwa. Ennaalleka athu oohikeraattheya. Mirima ddiwa ddaahuddihiwa okhalla a nrima. Tti ootembeleliwa ni Mulluku!

Yohane 16:11

Alliwaayo tti oolakwa va dda echiweruzo kaambiiwa oolamulella a va ellapo yavattheella oheeruziwa khalle.

Yohane 13:27

Nave Yudasi amwaakhenlle buledoolle, Satana aavollowa mwa olliye. Vano Yesu aamulleella wi, “Yeeyo, onapaalleewe weera, erathi mwawaakuva.”

Yohane 13:2

Nave enthawi ya mugonelo ehinaphiye, Satana aari ahiyalle khalle maganizo m'murimani mwa Yudasi, mwaana a Simoni Isikariyoti wi amuvelleelle Yesu wi iiphiwe.

Yohane 8:23

Yesu ahaakhulla wi, “Nyu munavenyera va ellapo yavatthimva nave miyaano kinavenyera oddullu. Nyuwaano tti a ellapo yavatthimva koma miyaano khe a ellapo yavatthimva.

Yohane 7:7

Athu a ellapo yavattheella khewiitani nyuwaano koma ennakiita miyaano kaambiiwa kinnavelleella omboni wawi mitteko ddiwa tti ddoonanara.

Mateyu 13:38

emateelle tti ellapo yavatthi. Mmiddo waphaamoolle tti athu ayo eniiwellella malamulo a mu omwene wa Mulluku koma nansongoloolle tti athu ayo eniiwellella malamulo a Oonanarooyo.

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.

1 Yohane 3:8

Oyo anavirellella ochimwa anakhalla a Satana kaambiiwa Satana aachimwa ovenyera vawaamba. Mwaana a Mulluku ahooneya ekaamba ya yeella wi oononge eyo yeeriwe ni Satana.

Yakobo 1:7

Muthu yoolla aheeseke wi aneerewaakhella erive ello ovenyera wa Apwiya,

2 Timoteo 4:10

Dema aakonda dda ellapo yavatthi nave ookihiya miyaano aya o Tesalonika. Kresike akelle o Galatiya nave Tito akelle o Dalamatiya.

Mitteko 19:35

Nave namalembella a m'muzindanimmo sika aworille waamaalliha athwaalle nave allota wi, “Aefeso akhwaakanyu, ttaani ahinadduwella wi o Efeso wookhalla enyumba yoomullapellamo Artemi muullupalli ni ddawi mookhalla ni nlluku nno namonre ovenyera oddullu nave ninnallapelliwa?

Luka 22:31

“Simoni, Simoni, ngiiwa! Satana ooveka wi aweeseni attheenenyu, wonanko muthu anamuveetha tirigu omuhiyaniha ni madeya.

Luka 16:8

“Voomallihella apwiya a mullupa mutteko oohiroromelleyooyo yaamuthokoza ekaamba ya weera ello moochenjera mwawi ddiidda. Athu a va ellapo yavatthi tti oochenjera vaweerellana ddeko ddiwa waakhwaranya athu ookhalla mu owala wa Mulluku.”

Mateyu 11:19

Mi, Mwaana a Muthu, kiwiille kaacha ni omuwirya vinyo nave athu yaallota wi, ‘Ngamooneni, muthoolla tti oottutthuwa, oolezela, akhwaayettho tti ookhomiha misonkho ni amodda oochimwa!’ Komave ezeru dda Mulluku ddinooneya wi tti ddawoona oweella m'mittekoni ddiwa.”

Yeremiya 23:10

Ellapo yooddalla ni athu ooraruwa ekaamba ya tembelelo na Apwiya. Mwiillaponi moovollowa ettalla, mapuro oochihellawo enama muhakani ahumma. Enathamakella ddoonanara, enallipihella ddoohilungama.

Yesaya 57:4

Ethiyo munattheella ni aani, munamwaaka aani, munamuvevulla aani? Ethiyo anamwani a oochimwa, edduullu dda awoottha, khe nyuwaano? Ethiyo oochimwa khe nyuwaano, awoottha khe nyuwaano?

Masalimo 17:14

Nyu Apwiya ni nnatta nanyu mukaakihere wa adani, wa athu ayo okumiiwa ori ni erive ello eyo enapaalliiwa. Mwaallake ni ddoohoosa nnddo mwaasungenlleenyu, aniiwa ekhallena ddinchichi, alliwattho yaahiyere aniiwa.

Yobu 31:7

Manyallo yahiya ettilla, murimaaka wasilila moonanara, mattaaka yaripihiwa ni ddoonanara,

Yawuupullulla 16:17

Mungelo aneetthanu ni piilli aahella embalaaye muddullu nave kahiiwa mawu oowella oovenyera o mpando woomwene wa mu enyumba ya Mulluku ellotaka wi, “Woomalla!”

Yawuupullulla 13:14

Yahaalleka athu attheene a va ellapo yavatthi ni ddoottikhiniha yaakhullelliwiiwa weera vamiitthoni va enama yuullupalli yawoopiha yawaambeelle. Yaanaalleellattho athu a va ellapo yavatthi wi eseme nifano nootitimiha enama yuullupalli yawoopiha yakakathiwe ni nsupada koma ekhalla ni okumeelle.

Yawuupullulla 12:9

Enowa yuullupalleeyo yaavokhelliwa vatthi, enowa yakhalleeyo, nnddina niwa mdiyerekezi apaalle Satana, oyo allekille ellapo yavatthi ettheene. Aavokhelliwa vatthi vamodda ni angelwaaye attheene.

Hoseya 10:9

Apwiya enallalleya wi, “Aisraele aakhalla echimwaka waambeella mvo yachimwalliiwa o Gibea. Sika eneerogonjihiwa o Gibea wenko.

Yobu 1:19

Moorurumusa ephevo yawoopiha yaawa ovenyera o echipululu yoopella embali ddittheddene ddisese dda enyumba mwawi yookumuwa nave yohaaphitteera anamwanaayo. Attheene ahiiphiwa nave meekhave sika kivulluwalle wi kuulleelleni.”

Yobu 1:16

Ahinamallihe ollota, amithenga mmodda aaphiya ni mawu awi, “Munllo wa Mulluku waamora ovenyera oddullu nave wooshellelliha enkhosa ddittheddene ni abuseene. Nave meekhave sika kivulluwalle wi kuulleelleni.”

Mateyu 13:22

Mmiddo wamorenlle variyari va miiwa onaphwanaphwana ni athu ayo eniiwa othenga. Koma kaambiiwa ennaviheeriwa ni dda va ellapo ni okonda eyuuma, othengooyo onnakhuneelliwa sika khoniimma ezipaso.

Mariko 4:19

vawi ennaviheeriwa ni dda va ellapo ni okonda eyuuma ni minkhella dda ddoohiyanahiyana. Othengooyo onnakhuneelliwa sika khonakhalla ni ezipaso.

Aefeso 1:21

Khrisitu ohaakhwaranya oolamulella attheene, masiva mattheene ni manddina mattheene ooddullu mu enthawi yeella ni yamuhoollo.

Aefeso 2:11

Nyu athu ayo ehiri Ayuda, ooromolliwa ni Ayuda wi, “Oohiphaddiwa”, Ayuda ayo eniiromolla weekhiiwa wi, “Oophaddiwa”, upuwellani mmo mwakhallelleenyu khalle.

Aefeso 2:13

Koma vano, mu eyaattano ni Khrisitu Yesu, nyuwaano ayo mwaari voorekamella ni nikhame na Khrisitu mookuselliwa vakhuviru.

Aefeso 4:17

Vano mu nnddina na Apwiya, kinimuuchenjezani wi muhivirellelle okhalla wonanko athu oohimullapella Mulluku, ookhalla ni maganizo ohikhalla ni mutteko.

Aefeso 5:8

Khalle mwaari mwiipiphini koma vawi mootthattusiwa athu a Apwiya, muri mu owala. Sika munaphwanella mukhalleke wonanko athu a mu owala,

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.

Levitiko 11:16

enthiwatiwa, eddiiddi, akakowa, orive mutundu wa neekhwaambe,