Aefeso 2:19 - Mawu a Mulluku

¹⁹ Sika vano nyuwaano athu ayo ehiri Ayuda khamuhiyottho alleto apaalle athu oovenyera waamodda wene. Nyuwaano tti amodda ni athu a Mulluku navettho nyuwaano tti a nibanja na Mulluku.

Aefeso 2:19 ပူးပေါင်းရင်းမြစ်များ

Afilipi 3:20

Koma hiyaano owanihu tti oddullu nave nnamutiyera oovullusaahu, Apwiya Yesu Khrisitu wi awe ovenyera wenko.

1 Yohane 3:1

Ngoonani mmo Attiitthiihu enanikondelliiwa wawi ninnaromolliwa anamwani a Mulluku. Ddawoona hiyaano tti anaaye. Ellapo yavatthi khenanidduwella kaambiiwa khenamudduwella Mulluku.

Agalatiya 6:10

Sika vano nakhalla ni enthawi ninaphwanella neereke ddaphaama wa arive muthu nave makamaka ayo eri a mu nibanja nahu na echikhulupililo.

Aefeso 2:12

Va enthawi yeeyo khamwaarina Khrisitu. Mwaari alleto nave khamwaari mmodda a athu ootthoolliwa a Mulluku. Nyuwaano khamwaapwesereriwemo mu echipangano eyo yaalonjeziwe ni Mulluku wa athwaaye. Nave mwaakhalla mu ellapo yavattheella muhinna otiyera navettho muhinna Mulluku.

Aefeso 3:6

Yoovittheyeeyo tti yawi mwa othenga waphaama athu ayo ehiri Ayuda ni Ayuda eneerewaakhellana madaliso a Mulluku, yaayo tti mwiilli mmodda nave ennattakanyiherana mu lonjezo nno Mulluku ennreeye oweella mwa Khrisitu Yesu.

Aheberi 11:13

Athu attheene yakhulupililallaalla yaakhwa ehinaakhelle ddeko nnddo Mulluku aalonjezilleeye. Koma yaaddoonella voorekama ni ohakallallana. Yahaakhullella wi yaari alleto a ellapo yavattheella.

Aefeso 3:15

nko onavenyera okumi wawoona wa arive muthu a o ellapo yooddullu ni yavattheella.

Mateyu 10:25

Tti wookwakhwanella wa oohuddera okhalla wonanko muhuddihaaye nave wa kaporo okhalla wonanko apwinnya. Mwaneena a nibanja aneeroromolliwa wi Belezebulu,* muullupalli a minepa ddoonanara, athu amodda a munibanjanimmo eneeroromolliwa manddina oonanara ohiyana ni nnddina nenna.

Aheberi 13:14

Valle vatthimva khaninna muzinda woohimalla koma ninnatiyera muzinda woohimalla oyo onawooyo.

1 Petro 2:11

Kinimuuvekani nyuwaano ookondiwaaka wi muhaakhullelleke minkhella dda mwiilli nnddo ddinawana ni Munepa vawi nyuwaano mu ellapweella muri wonanko alleto ni oothawa owaniwa.