Aefeso 2:18 - Mawu a Mulluku

¹⁸ Vawi oweella mwa Khrisitu hiyaano attheene, Ayuda ni athu ayo ehiri Ayuda ninnawora owa wa Attiitthiihu mu Munepa Waweella mmoddamoddave.

Aefeso 2:18 ပူးပေါင်းရင်းမြစ်များ

Aefeso 3:12

Mu eyaattano ni Khrisitu ni oyeella mu echikhulupilwaahu mwa olliye, ninnallipa murima oya vamiitthoni va Mulluku moohikayikella.

1 Akorinto 12:13

Emoddamoddave yeeyo, hiyaano attheene naari niri Ayuda apaalle athu nihiri Ayuda naari niri akaporo apaalle nihiri akaporo, noobatiziwa ni Munepa mmodda okhalla mwiilli mmodda nave noovahiwa Munepa mmoddamoddave yooyo.

Aroma 5:2

Kaambiiwa naamukhulupilila Yesu Khrisitu aaneeriha wi noonena echisomo ya Mulluku, eyo eri matthipellellwaahu. Nave vano ninnahakallalla wi ninnatiyera okhalla ni ntitimiho na Mulluku!

Aefeso 4:4

Vookhalla mwiilli mmodda ni Munepa mmodda, wonankottho mmo mwavaheriweenyu otiyera omodda mvo Mulluku aawiithanilleeyeni.

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Yohane 10:9

Mi tti mullako. Ayo enavollweella va miyaano aneerovullusiwa. Eneerekovollowa nave eneerekokhuma nave eneerekophwanya munyepu.

Yohane 10:7

Vano Yesu aallotattho wi, “Ddawoona, kinimuulleellani wi, miyaano tti mullako wa enkhosa.

Agalatiya 4:6

Vawoonihani wi nyuwaano tti anaaye, Mulluku aarumiha Munepa wa mwanaye m'mirimani mwahu, Munepooyo onakhuwa wi, “Abba, Attiitthaaka.”

Aroma 8:15

Vawi Munepa oyo Mulluku uuvahilleeyeni khonaweerani akaporo ayo enakhalla mwawoova koma Munepooyo onaweerani anamwani a Mulluku nave ekaamba ya masiva a Munepooyo ninnamweera Mulluku wi, “Abba” ottaphullella wi, “Attiitthaaka!”

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.

Aefeso 6:18

Mweereke ddenndda mu nivekello. Muvekelleke va ddirive ddaweereya, moohoollelliwa ni Munepa. Mukhalleke oowehera nave muvekelleke moohihiyerera, mwaavekellellekettho athu a Mulluku enthawi ettheene.

1 Akorinto 8:6

wa hiyaano arivo tti Mulluku mmodda. Olliyooyo tti Attiitthiihu, Oophatusa ddeko ddittheddene nave ninnakhalla ni okumi wi nimurumeyelleke. Nave erivo Apwiya amoddave, Yesu Khrisitu. Ddeko ddittheddene ddaaphatusiwa mwa olliye navettho mwa olliye ninnakhalla ni okumi.

Aheberi 7:19

Vawi malamulo a Mose kheyaaworille weeriha ddeko ddittheddene okhalla ddaphaama. Koma vano noovahiwa etiyerello yuullupalli eyo enanaatamelliha vakhuviru ni Mulluku.

Aefeso 3:14

Ekaamba ya yeella kinnaakokhorella Attiitthaaka,

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Yuda 1:20

Koma nyuwaano, akhwaaka ookondiwa, muwumake okumaanyu va matthipello a echikhulupililo yaweella. Nave muvekelleke moohoollelliwa ni Munepa Waweella.

1 Petro 1:21

Oweella mwa olliyooyo, munnamukhulupilila Mulluku oyo aamuvenyihalle wa ookhwa nave amuvaha ntitimiho sika vano echikhulupilwaanyu ni otiyera wanyu tti dda va Mulluku.

1 Petro 1:17

Munamuromolla wi Attiitthiihu, mwaavekellaka wa Mulluku, oyo anaweeruza athu attheene moollikana ni ddaweera ddiwa moohiweha ekhove. Sika vano mu okumaanyu muttheene va ellapo yavatthi mumooveke olliyooyo.

Mateyu 28:19

Sika khaweni wa athu a mitundu ddittheddene mwaarukunuse ekhalle oohudderaaka vawaabatizani mu nnddina na Attiitthaaka ni na Mwaana ni na Munepa Waweella.

Yakobo 3:9

Ni nllumi ninnaathokozana Apwiya ayottho eri Attiitthiihu navettho ni nenno ninnaatembelelana athu ayo Mulluku aaphatusalleeye moophwanaphwana ni olliye.