Aefeso 2:15 - Mawu a Mulluku

¹⁵ Aheeriha malamulo mattheene a Mose wi ehikhalle ni mutteko ni wi aphatuse mulloko mmodda wanaanweene ovenyera m'millokoni miillinndde mu eyaattano ni olliyooyo wi vikhalle murendelle.

Aefeso 2:15 ပူးပေါင်းရင်းမြစ်များ

Akolose 2:14

Mulluku aafuta mullatu oyo walembiwe moonihumullulla hiyaano ekaamba yoohiiwellella malamulo. Enre ddenndda vootthomeyani vamutandani.

Agalatiya 3:10

Ayo enakhulupilila wiiwellella malamulo tti ootembeleliwa. Vawi mawu a Mulluku enallota wi, “Muthu ahiniiwellella erive ello yoolembiwa mu nibukhu na malamulo tti ootembeleliwa!”

Aheberi 8:13

Voollotani dda echipangano yanaanweeneella, Mulluku anallota wi yawaambeelle tti yoomalla mutteko nave erive ello yakhalla yoomalla mutteko nave yaahuwa eri vakhuviru omalla.

Akolose 3:10

nave moowara makhallello anaanweene. Nyuwaano tti anaanweene, ayo Mulluku oophatusa, anavirellella wuupotokosani mwanaanweene mu maphwanaphwaniho a yeekhaaye wi mumudduwellesese olliyooyo.

Akolose 2:20

Mookhwa ni Khrisitu nave moottaphulliwa wa minepa ddoolamulella dda ellapo yavatthi. Ethiyo vano, munakhallella tini wonanko nyuwaano tti a mu ellapo yeella? Kaambiiwa tini muniiwellellaanyu malamulo awi,

Agalatiya 6:15

Ophaddiwa naari ohiphaddiwa khonna mutteko koma okhalla oophatusiiwa anaanweene sika ori ni mutteko.

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

Aefeso 4:16

Ovenyera mwa muroolla, mwiilli muttheene onnamakellelliwa nimodda nave onallipihiwa ni mookumanella eziwalo. Sika erive echiwalo yaphara mutteko moophwanellella, mwiilli muttheene onunnuwa ni wiillipiha oweella mu echikondi.

2 Akorinto 5:17

Arive muthu ari mu eyaattano ni Khrisitu, tti yoophatuwa yanaanweene, ddakhalle ddoomalla, ddanaanweene ddoophiya.

Aheberi 7:16

Aari mullupa mukutho ohiri ekaamba ya nlloko naye moollikana ni malamulo koma ekaamba ya masiva a okumi woohimalla.

Aheberi 9:23

Ddekonndda tti echisanzo ya ddooddullu nave sika ddinaphwanella ddeellihiwe mwawi ddiidda. Koma ddeko ddooddullu ddineellihiwa mookhwaranya ddenndda.

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Aefeso 2:10

Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.

Aefeso 2:14

Vawi Khrisitu sika murendellaahu ahaapweserera Ayuda ni athu ayo ehiri Ayuda wi ekhalle athu amodda. Voovelleellani mwiillaaye aakumulla esiri eyo yawiitanihalle alliwaayo.

Aefeso 2:16

Okhwa wa Khrisitu vamutandani waamalliha wiitana wiwa. Mutanda wahaattaniha milloko miillinndde okhalla wonanko mwiilli mmodda ni waahokollosella attheene wa Mulluku.

Akolose 3:11

Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.

Akolose 3:15

Murendelle oyo Khrisitu anavaheeye wuuhoollellekeni m'murimani mwanyu vawi Mulluku awiithanani wi mukhalle nimodda mu murendelle yoolla vawi muri mwiilli mmodda. Nave muthokozeke.