Aefeso 2:13 - Mawu a Mulluku

¹³ Koma vano, mu eyaattano ni Khrisitu Yesu, nyuwaano ayo mwaari voorekamella ni nikhame na Khrisitu mookuselliwa vakhuviru.

Aefeso 2:13 ပူးပေါင်းရင်းမြစ်များ

Mitteko 2:39

Vawi olonjeza wenko tti wa nyuwaano ni wa aniinyu ni athu attheene ayo eri woorekama, attheene ayo Mulluku Apwiihu anaawiithaneeye.”

Yesaya 57:19

Athu attheene a woorekama ni a vakhuviru kineerewaavaha murendelle ni waachiriha.

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

Yesaya 43:6

Kineerewaalleella oompoto wi, ‘Ahiyeni!’ Kineerewaalamula oomwera wi, ‘Muhaawanddeellelle!’ Anaaka aallopwana ehokollowe ovenyera o ellapo ddawoorekama, anaaka aatthiyana ewe ovenyera wookomella ellapo yavatthi,

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Aefeso 2:12

Va enthawi yeeyo khamwaarina Khrisitu. Mwaari alleto nave khamwaari mmodda a athu ootthoolliwa a Mulluku. Nyuwaano khamwaapwesereriwemo mu echipangano eyo yaalonjeziwe ni Mulluku wa athwaaye. Nave mwaakhalla mu ellapo yavattheella muhinna otiyera navettho muhinna Mulluku.

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

2 Akorinto 5:17

Arive muthu ari mu eyaattano ni Khrisitu, tti yoophatuwa yanaanweene, ddakhalle ddoomalla, ddanaanweene ddoophiya.

Yesaya 66:19

Kineerohiya echizindikiro vamiitthoni viwa. “Koma vineerokhalla amodda oovulluwa ayo kinaawaarumeemi wa athu a mitundu ddimodda wonanko a o Tarishishi, a o Puti, a o Ludi vamodda ni eeruswiiwa dda miira, a o Tubala, o Yavani ni o ellapo ddawoorekama ayo ehiniiweke dda epillaaka apaalle woona ntitimiho naka. Alliwa eneerollalleya dda ntitimiho naka variyari va athu a mitundu ddimodda.

Masalimo 22:7

Attheene ookoona ennakittheya, ennakinyindulla ni otikha miru ddiwa.

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.

Aheberi 9:18

Nikhame naapharihiwattho mutteko wi echipangano yawaambeelle yaambe ophara mutteko.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Aroma 8:1

Vano athu ayo enakhalla mu eyaattano ni Khrisitu Yesu khenna mullatu vamiitthoni va Mulluku.

Mitteko 22:21

Apwiya yaallota wa miyaano wi, ‘Venya vawi kineerewuurumiha woorekama wa athu ayo ehiri Ayuda.’ ”

Mitteko 15:14

Simoni ootthopoolla phaama mmo Mulluku vawaamba oonihalleeye wi ohaatthoolla athu ayo ehiri Ayuda wi ekhalle athwaaye.

Yesaya 60:9

Ddenndda tti esitima ddoovenyera o ellapo ddawoorekama, dda o Tarishishi ddiri vahoollo. Ddinaakitthiha aniinyu ayo emukusalle siliva ni golide wi atitimihe nnddina na Apwiya Mullukwaanyu, ekaamba yawi Aweella Aisraele ahuuriihani.

Yesaya 60:4

Tukhulla miitthwaawo owehewehe nave woone nnddo ddineereya, attheene ahuutthukumanella. Anaawo aallopwana eneerovenyera woorekama, anaawo aatthiyana eneeroyaariwa otulli.

Yesaya 49:12

Ngoonani, athwaaka eneerovenyera woorekama, amodda ompoto, amodda woovollowa nndduwa, amoddattho o Asuwani, omwera.”

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Masalimo 73:27

Attheene ayo eri wuuteete ni nyuwaano eneerewoonongeya, oohuuroromellani muneerowoononga.

Yohane 10:16

Nave kookhallattho ni enkhosa ddimodda ddoohikhalla dda nikhollanna. Kinaphwanella kiddikusettho ddenndda nave ddineerewiiwa mawaaka. Ddineerokhalla mulloko mmodda ni ddimoddannddo ni mbusa mmodda.

1 Akorinto 12:13

Emoddamoddave yeeyo, hiyaano attheene naari niri Ayuda apaalle athu nihiri Ayuda naari niri akaporo apaalle nihiri akaporo, noobatiziwa ni Munepa mmodda okhalla mwiilli mmodda nave noovahiwa Munepa mmoddamoddave yooyo.

Aefeso 1:1

Ovenyera wa miyaano Paulo, murummwa a Khrisitu Yesu mu opaalla wa Mulluku. Kinalembella wa athu a Mulluku o Efeso ookhulupilila ni ayo eri mu eyaattano ni Yesu Khrisitu.

Aefeso 2:2

Va enthawi yeeyo mwaanathwara ettilla ddoonanara dda va ellapweella. Nave mwaanamwiiwellella oolamulella a minepa ddittheddene ddoonanara ddamuddullu, munepa oyo onalamulella athu oohimwiiwellella Mulluku.

Aefeso 2:6

Mu eyaattanwaahu ni Khrisitu Yesu Mulluku aanivenyiha navettho anivaha nipuro oddullu vamodda ni Yesooyo.

Aefeso 2:10

Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.