Aefeso 1:3 - Mawu a Mulluku

³ Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

Aefeso 1:3 ပူးပေါင်းရင်းမြစ်များ

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.

2 Akorinto 1:3

Hankoni nimutitimihe Mulluku Attiitthiiwa a Apwiihu Yesu Khrisitu, Attiitthiihu a ethakaraka, Mulluku ookhurumusa murima wunchichi!

Aefeso 2:6

Mu eyaattanwaahu ni Khrisitu Yesu Mulluku aanivenyiha navettho anivaha nipuro oddullu vamodda ni Yesooyo.

Genesis 22:18

Vawi weyaano wookiiwellella navettho mitundu ddittheddene dda va ellapo yavatthi ddineerodalisiwa oyeella mwa edduullu ddawo.’ ”

Aefeso 1:20

ayo aapharihalleeye mutteko voomuvenyihani Khrisitu wa ookhwa nave amukeraatthiha o nnattanatta oddullu.

Masalimo 72:19

Nnddina niwa nootitimiheya nidaliseye wa enthawi yoohimalla, otitimiheya wiwa oddalle ellapo yavatthi ettheene. Amen! Amen!

Aefeso 6:12

Vawi khaninawana ni athu koma ninawana ni minepa ddoonanara, oolamulella ni masiva a epiphi ddooddullu.

Aefeso 3:10

wi va enthawi yeella, oweella mu mpingo, oolamulella ni masiva ooddullu edduwelle dda ezeru ddaye ddoohiyanahiyana.

Agalatiya 3:9

Abrahamu aakhulupilila nave aadalisiwa; sika ookhulupilila attheene ennadalisiwa vamodda ni olliye.

1 Epilli 4:10

Yabezi aavekella wa Mulluku a Israele wi, “Mukidalise nave muyinnuwihe ellapwaaka. Nnatta nanyu namasiva nikhalle ni mi nave mukisunge wi yoonanara ehikimorelle ni okihoosa.” Sika Mulluku aamuvaha nnddo avekilleeye.

Yesaya 61:9

Aniiwa eneerodduwanyeya variyari va mitundu ddimodda, edduullu ddiwattho ddineerovuwa variyari va athu attheene. Arive muthu oowoona aneerowella wi tti athu oodalisiwa ni Apwiya.”

Masalimo 134:3

Apwiya yaphatusalle oddullu ni ellapo yavatthi, yuudalise ovenyera o Ziyoni.

Yohane 17:21

Attiitthaaka, kinavekella wi attheene ekhalle amodda. Wonanko nyuwaano, munakhalla ni miyaano ni miyaano kinakhalla mwa nyuwaano, alliwattho ekhalle mwa hiyaano wi athu ellapo yavatthi yaakhulupilila wi mwaakiruma.

Masalimo 72:17

Nnddina naye nihitiwalliwe naari vang'ono, epillaaye ekhallevove wonanko nndduwa. Athu yaakhelle madaliso ekaamba ya olliye, mitundu dda athu ddittheddene ddimweere oodala.

1 Epilli 29:20

Nave Davide aallota wa mutthukumano muttheenoolle wi, “Atitimiheni Apwiya Mullukwaanyu.” Vano athu attheene yahaatitimiha Apwiya Mulluku a makhollwiiwa nave yaakokhora yaallapella Apwiya ni omuvaha olemu mwene.

Aefeso 1:17

ni omuveka Mulluku a Apwiihu Yesu Khrisitu, Attiitthiihu antitimiho wi uuvaheni Munepa oyo onuuvaheni ezeru yoomuupullulla Mulluku wa nyuwaano wi mumudduwelle.

2 Akorinto 11:31

Mulluku, Attiitthiiwa a Apwiya Yesu ennadduwella wi miyaano nginallota ddawoottha. Nnddina naye nidalisiwe enthawi yoohimalla.

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

Genesis 14:20

Atitimihiwe Mulluku Amasiva Mattheene oyo aweerihalle wi waagonjihe adanaawo.” Vaavo Abramu aavelleella wa Melkizedeki erive yaneekhumi ya ddeko ddittheddene aakhilleeye.

1 Akorinto 12:12

Khrisitu ari wonanko mwiilli mmodda, wookhalla ni eziwalo ddinchichi ddoohiyanahiyana. Naari woopiwe ni eziwalo ddinchichi onakhalla mwiilli mmodda.

Aroma 12:5

Emoddamoddave yeeyo, hiyaano naari naatille niri wonanko mwiilli mmodda mu eyaattano ya Khrisitu nave noollundellellana.

Daniele 4:34

Koma miyakha mitthanu ni miilli ddamanlliiwa mi Nebukadinezara kaaweha oddullu nave ezeru ddaka ddaahokollowa. Sika kaamutthamalla Mulluku Ooddullu nave kaathokoza ni omutitimiha Mulluku a enthawi yoohimalla. Kaallota wi, “Aneerolamulella wa enthawi yoohimalla, omwenaaye tti wa mibado ddittheddene.

Aefeso 1:10

Enthawi yakwakhwana Mulluku aneerokwakhwaniha yoolinga yeella, vootthukumanihani ddoophatusiwa ddittheddene vamodda, erive ello va ellapo yavatthi ni oddullu, vatthi va oolamulella muullupalli, Khrisitu.

2 Akorinto 5:17

Arive muthu ari mu eyaattano ni Khrisitu, tti yoophatuwa yanaanweene, ddakhalle ddoomalla, ddanaanweene ddoophiya.

Aroma 15:6

Sika nyuwaano attheene vamodda m'mutitimihe Mulluku Attiitthiiwa a Apwiyaahu Yesu Khrisitu.

Nehemiya 9:5

Vano Alevi monga Yeshuwa, Kadimiyele, Bani, Hashabuneiya, Hodiya, Shebaniya ni Petahiya yaallota wi, “Ngavenyani naatitimihe Apwiya Mullukwaanyu enthawi ddittheddene. Nidalisiwe nnddina niwa nootitimiheya nno ninawellihiwa okhwaranya madaliso ni ollapella wutthewene.”

Aheberi 8:5

Mutteko onaphariwa ni allupa mukuthwaayo tti echisanzo ni echizindikiro ya ddeko ddineereya mu enyumba yooddullu. Nndda ddiri wonanko ddeereyille ni Mose aariiye vakhuviru otthipella musasa, Mulluku aamulleella wi, “Weerethi ddittheddene ollikana ni echisanzo woonihiweewe vamwaangoni valle.”

Afilipi 2:11

Nave ddittheddene ddineerewaakhullella wi, “Yesu Khrisitu tti Apwiya,” o ntitimiho na Mulluku Attiitthiihu.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Aheberi 9:23

Ddekonndda tti echisanzo ya ddooddullu nave sika ddinaphwanella ddeellihiwe mwawi ddiidda. Koma ddeko ddooddullu ddineellihiwa mookhwaranya ddenndda.

Yohane 20:17

Yesu aamulleella wi, “Ohikiphare vawi nginawelle wa Attiitthaaka. Koma vano khawe wa oohudderaaka waalleelle wi kinahokollweella wa Attiitthaaka ni wa Attiitthaanyu, wa Mullukwaaka ni Mullukwaanyu.”

Yohane 14:20

Nllapo nenno muneerodduwella wi miyaano kiri mwa Attiitthaaka nave nyuwaano muri mwa miyaano nave miyaano kiri mwa nyuwaano.

Luka 2:28

Simiyoni aamukusa mwaanooyo m'mattani mwaye amutitimiha Mulluku wi,

2 Epilli 31:8

Vano mwene Hezekiya ni enduna ddaye yoonilliiwa mapwiddaalle, yahaatitimiha Apwiya nave yahaathokoza Aisraele athwiiwa.