Aefeso 1:20 - Mawu a Mulluku

²⁰ ayo aapharihalleeye mutteko voomuvenyihani Khrisitu wa ookhwa nave amukeraatthiha o nnattanatta oddullu.

Aefeso 1:20 ပူးပေါင်းရင်းမြစ်များ

Aheberi 10:12

Koma Khrisitu ahiiheraatthi mukutho mmoddave woweelliha machimo mattheene. Aheraatthilleeye, aakeraatthi o nnattanatta na Mulluku.

Mariko 16:19

Apwiya Yesu yamanlliiwa ollotanko, yaawellihiwa oya oddullu yakeraatthi o nnattanatta na Mulluku.

Masalimo 110:1

Apwiya yahaalleella apwiyaaka wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

Akolose 3:1

Moovenyihiwa mukhalla akumi ni Khrisitu, sika mukeraatthihe mirima ddanyu va ddeko ddooddullu, nko Khrisitu akeraatthilleeye va mpando wa omwene onnattanatta na Mulluku.

Afilipi 3:10

Kinapaalleemi tti yawi kimudduwelle Khrisitu nave masiva a ovenya waye wa ookhwa navettho kikhallena mu ddoohoosa ddaye nave kikhalle wonanko olliye mu okhwa waye,

Aroma 8:34

Ttaani vano anaaweeruze wi tti oochimwa? Khaavo. Vawi Khrisitu Yesu, aakhwa nave aavenyihiwa wa ookhwa nave annakhalla o nnattanatta na Mulluku, olliyettho annanivekella hiyaano attheene!

Mitteko 5:31

Yooyo Mulluku aamuwelliha akhalla onnattanatta naye wi akhalle Oohoollella navettho Oovullusa wi aavahe athu a o Israele ekari yoorukunuwa murima ni okhululukelliwa machimwiiwa.

Mariko 14:62

Yesu ahaakhulla wi, “Tti meene nave muneerokoona mi, Mwaana a Muthu, kikeraatthille onnattanatta na Mulluku Amasiva Mattheene kiwaaka vamiraponi ddooddullu!”

Mateyu 26:64

Yesu ahaakhulla wi, “Mullotillethi nyookha. Koma kinimuulleellani attheene wi waambeella vaavo muneerokoona mi, Mwaana a Muthu, kikeraatthille o nnattanatta na Mulluku Amasiva Mattheene nave kiwaaka vamiraponi ddooddullu.”

Yawuupullulla 1:17

Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

Aheberi 2:9

Koma ninnamoona Yesooyo va enthawi yooyeva avevulliwe, akhwaranyiwe ni angelo wi mwa echisomo ya Mulluku aakhwa munipuroni mwa athu attheene. Nave ekaamba ya okhwa oonilleeye, aavahiwa oriiheya ni olemu woomwene.

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

Aroma 1:4

Moollikana ni Munepa Waweella, Mulluku aamutthoolla olliye ni masiva uullupalli wi akhalle mwanaye, Yesu Khrisitu, Apwiihu voomuvenyihani wa ookhwa.

Mitteko 26:8

Kaambiiwa tini, nyuwaano athu muri vaava khamunakhulupilila wi Mulluku annawora waavenyiha athu wa ookhwa?

Mitteko 10:40

Koma Mulluku aamuvenyiha wa ookhwa viviralle mallapo mararu navettho aamweeriha wi ooneye,

Mitteko 4:10

vano attheenenyu mudduwelle ni athu attheene a o Israele edduwelle wi muthoolla ohiimella achirihiwe ekaamba ya masiva a nnddina na Yesu Khrisitu a o Nazareti, oyo mwamutthomeyilleenyu vamutandani nave oyo Mulluku aamuvenyihalleeye wa ookhwa.

Yohane 10:30

Miyaano ni Attiitthaaka niri amodda.”

Yohane 10:18

Khaavo muthu anaakaakhe okumaaka. Kinawuvelleella moopaalla meekhaaka. Kookhalla ni olamulello wowuuvelleella navettho kookhalla ni olamulello woowaakhella. Ella sika Attiitthaaka yaakilamulalliiwa wi keere.”

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Akolose 1:16

Vawi oweella mwa olliye Mulluku aaphatusa erive ello oddullu ni va ellapo yavatthi, ddeko ddoohooneya ni ddawooneya, oolamulella attheene ni masiva mattheene ooddullu. Mulluku aaphatusa erive ello oweella mwa olliye ni wa yooyo.