Aefeso 1:15 - Mawu a Mulluku

¹⁵ Sika waambeella mvo kiiwalleemi dda echikhulupilwaanyu mwa Apwiya Yesu ni echikondaanyu wa athu a Mulluku attheene.

Aefeso 1:15 ပူးပေါင်းရင်းမြစ်များ

Filemoni 1:5

Vawi kinniiwa wi onnaakonda athu a Mulluku ni wi onnaakhulupilila Apwiya Yesu.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

2 Atesalonika 1:3

Asinnihu ni arokorihu, ninaphwanella wi nimuthokozeke Mulluku ekaamba ya nyuwaano enthawi ddittheddene. Tti woopaalleya weera ddiiddo kaambiiwa echikhulupilwaanyu ennunnuwannuwa navettho okondana wanyu onnaata.

1 Yohane 4:21

Lamulo nno Khrisitu anivahilleeye tti nawi, attheene enamukonda Mulluku enaphwanella emukondeke mwanamunniwa ni murokoriwa.

1 Yohane 3:17

Athu eeyuuma yamoona mwanamunniwa apaalle murokoriwa oohoowa nave emummella murima, kheworattho ollota wi ennamukonda Mulluku.

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

1 Timoteo 1:14

Nave Apwiihu yahiithellella echisomwiiwa yinchichi va miyaano, ekivahattho echikhulupililo ni echikondi nnddo ddiri ddahu oweella mwa Khrisitu Yesu.

1 Timoteo 1:5

Yoolinga ya wuulamula waka tti yawi waahuddihe athu okondana ovenyera m'murimani waweella ni yawuupusella murima yooreera ni echikhulupililo yawoona.

1 Atesalonika 4:9

Khonapaalleyattho wi nuulembelleni ddawaakonda akhwiinyu ookhulupilila. Nyuwaano nyookha moohuddihiwa ni Mulluku mmo munakondellaneenyu.

1 Atesalonika 1:3

Vawi ninnuupuwella vamiitthoni va Mullukwaahu ni Attiitthiihu ezipaso dda mitteko dda echikhulupilwaanyu ni mitteko dda echikondaanyu nave ovillella wa etiyerellwaanyu mwa Apwiihu Yesu Khrisitu.

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

Masalimo 16:3

Naaka dda athu aweella murima, ayo eri vatthimva tti ooriiheya! Alliwaayo ennakihakallalliha.

Mitteko 20:21

Wa Ayuda ni athu ayo ehiri Ayuda kahaachenjeza wi erukunuwe murima ewe wa Mulluku nave ekhulupilile mwa Apwiihu Yesu.

Aroma 1:8

Vawaamba, kinnamuthokoza Mullukwaaka oweella mwa Yesu Khrisitu ekaamba ya nyuwaano vawi ellapo yavatthi ettheene enniiwa dda echikhulupilwaanyu.

Aefeso 1:1

Ovenyera wa miyaano Paulo, murummwa a Khrisitu Yesu mu opaalla wa Mulluku. Kinalembella wa athu a Mulluku o Efeso ookhulupilila ni ayo eri mu eyaattano ni Yesu Khrisitu.

Aefeso 3:18

wi nyuwaano vamodda ni athu attheene a Mulluku muwore wiiwesesa oramballalla ni orekama navettho owella ni owallamella wa echikondi ya Khrisitu.