Aefeso 1:12 - Mawu a Mulluku

¹² Sika eerille ddiidda wi hiyaano naari awaamba otiyerella mwa Khrisitu, nitetheella nave nititimihe ottekweene wa Mulluku!

Aefeso 1:12 ပူးပေါင်းရင်းမြစ်များ

Aefeso 1:6

Mulluku aheera ddenndda wi nititimihe echisomwaaye yoovahiwa wa hiyaano oweella mwa mwanaye ookondiwa.

2 Atesalonika 2:13

Asinnihu ni arokorihu ookondiwa ni Apwiya, hiyaano ninaphwanella omuthokoza Mulluku enthawi ddittheddene ekaamba ya nyuwaano. Vawi Mulluku ahuutthoollani wi mukhalle awaamba ovullusiwa oweella mwamasiva a munepaaye ni mwa echikhulupilwaanyu mu yawoona wi mukhalle athwaaye aweella.

Aefeso 3:21

wa olliye okhalle ntitimiho mu mpingo ni mwa Khrisitu Yesu enthawi ddittheddene, ophiyera enthawi ddoohimalla. Amen.

Yeremiya 23:6

Va enthawi yoomwenaaye, Yuda aneerovulluwa nave Israele aneerokhalla vamurendelleni. Mwenooyo anaaromolliweke wi ‘Apwiya sika echilungamwaahu.’

Yesaya 45:23

Killupenlle mu nnddina naakave, eyanwaaka ellotille ddawoona, mawu oohisintheya awi, ‘Nirive nikuttha nineerokikokhorella, athu attheene eneerollupella vooromollani nnddina naka.’

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Yakobo 1:18

Moollikana ni opaalla waye mwaneena, aanivaha okumi oweella mwa mawaaye awoona wi hiyaano nikhalle wonanko ezipaso ddawaamba dda ddoophatusiwa ddaye.

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Masalimo 2:12

Mukokhorelleni moomugonjella mwanaye, wi ahuunanariwelleni, wi muhoonongeye, vawi khanallekella osha murima. Oodalisiwa tti ayo enathawella wa olliye.

Aefeso 2:7

Enre ddenndda wi oonihe opambana wawunnuwa wa echisomwaaye enthawi ettheene ya muhoollo mu echikondi ananooniheeye mwa Khrisitu Yesu.

Yohane 14:1

Yesu ahaalleella oohudderaaye wi, “Muhikhupanyeke, mukhulupilileni Mulluku, kikhullupililenittho miyaano.

Yesaya 45:25

Mwa mi Apwiya edduullu dda Israele ddineerolungamihiwa ni ohakallallihiwa.”

1 Petro 1:21

Oweella mwa olliyooyo, munnamukhulupilila Mulluku oyo aamuvenyihalle wa ookhwa nave amuvaha ntitimiho sika vano echikhulupilwaanyu ni otiyera wanyu tti dda va Mulluku.

2 Timoteo 1:12

Ekaamba ya yeella kohoona ddoohoosanndda. Nave nginawulliwa muru kaambiiwa kinnamudduwella oyo kinamukhulupilileemi nave kinnasimikiza wi annawora osunga phaama eyo aakinnyenreeye ophiyera nllapo noomallihella.