Aefeso 1:11 - Mawu a Mulluku

¹¹ Ddeko ddittheddene ddineereya moollikana ni yoolinga ni opaalla wa Mulluku. Nave mulluku aanitthoolla hiyaano wi nikhalle athwaaye mu eyaattano ya Khrisitu ekaamba ya yoolingaaye moollikana ni eyo aaganizalleeye ovenyera vawaamba.

Aefeso 1:11 ပူးပေါင်းရင်းမြစ်များ

Aroma 8:28

Ninnadduwella wi mu ddeko ddittheddene Mulluku annaphara mutteko va athu ayo enamukonda wi ddaakhallelle phaama. Athu yaayo tti ayo aawiithanneeye moollikana ni yoolingaaye.

1 Petro 1:4

Sika vano ninatiyera waakhella madaliso ayo Mulluku anaasungelleeye athwaaye. Anuusungellani nyuwaano oddullu, wenko khenuunta apaalle woonongeya apaalle omalla.

Aefeso 1:14

Munepa yoolla tti echikole ya madaliso ayo Mulluku aanilonjezilleeye wi nineerovullusiwa. Ottekweenaaye otitimihiwe!

Aefeso 3:11

Mulluku aheera ddenndda moollikana ni yoolinga yakhallekhalle eerilleeye mwa Khrisitu Yesu Apwiihu.

Aefeso 1:5

Mulluku aari aganizalle khalle wi oweella mwa Yesu Khrisitu aneere hiyaano nikhalle anaaye. Ella sika yaari yoopaallaaye yaphaama.

Agalatiya 3:18

Madaliso a Mulluku yavahiweke ekaamba ya malamulo nave kheyaavahiwettho ekaamba ya lonjezo. Koma Mulluku aamuvaha Abrahamu madaliso yaalla ekaamba ya malonjezanwaaye.

Aheberi 6:17

Mulluku aapaalla wi awoonihelle ayo yatiyera waakhella lonjezonno wi aneerokwakhwaniha opaalla waye, sika ahaanjerera ollupella waye va lonjezonno.

Tito 3:7

Sika wi mwa echisomwaaye nilungamihiwe ni Mulluku navettho wi naakhellena okumi woohimalla oyo ninatiyereehu.

Aroma 8:17

Vawi hiyaano tti anaaye, nineerewaakhella madaliso anaasungelleeye athwaaye, ninaakhelle ddenndda nimodda ni Khrisitu vawi noona ddoohoosa ni Khrisitu, nineerewaakhellattho ntitimiho naye.

Akolose 3:24

Upuwellani wi Apwiya eneerewuuvahani madaliso ayo aasungenlleeye athwaaye. Vawi Khrisitu sika Apwiya munaarumeyelleenyu.

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Mitteko 20:32

“Nave vano kinuuhiyani mwa Mulluku ni wa mawu a echisomwaaye. Annawora owunnuwihani ni wuuvahani madaliso ayo anaavaheeye athwaaye.

Mitteko 2:23

Yesu yoolla aavelleelliwa moollikana ni opaalla wa Mulluku vawi aadduwella khalle wi mwaamutthomeya vamutandani nave mumwiipha voomuvelleellani wa athu oonanara.

Mitteko 20:27

Vawi ngiwiipitthihelleni ello kallalleyeemi yoopaalla ya Mulluku wa nyuwaano.’

Mitteko 4:28

Yaatthukumana wi yeere ddittheddene nnddo mwakhozilleenyu khalle ni masivaanyu ni opaalla wanyu.

Yeremiya 32:19

Ddoolinga ddanyu tti dduullupalli nave mitteko ddanyu tti ddamasiva. Miitthwaanyu ennoona ddaweera ddittheddene dda athu nave munnamullivella arive muthu moollikana ni mitteko ddaye.

Masalimo 37:18

Apwiya ennapwatha okumi wa athu oohilakwa, yoohallaniiwa enaakhalle wa enthawi yoohimalla.

1 Petro 3:9

Muhimuhokolloselleke mukhwiinyu yoonanara aweerellani yoonanara apaalle omutembelela olliye uutembelelani koma mumuhokolloselleke madaliso wi Mulluku uudaliseni wonanko alonjezilleeye awiithanneeyeni.

Aroma 11:34

Mawu a Mulluku enallota wi, “Ethiyo anadduwella maganizo a Apwiya ttaani? Ethiyo ttaani anaawore omulangiza?

Zekariya 6:13

Olliye sika anaamake enyumbaaka nave aneerovahiwa olemu woophwanella mwene. Vakhuviru ni mpandwaaye woomwene vineerokhalla mullupa mukutho nave eellaayo enaapharelleke mutteko nimodda mwamurendelle ni mwawiiwanana.

Yeremiya 23:18

Mi kaallota wi, “Mwa anamallotellaayo, ttaani akhanlle mu mutthukumano wa Apwiya? Ttaani awoonille ni wiiwa mawiiwa? Ttaani mwa alliwaayo apwathille mawiiwa ni owiiwellella?

Yesaya 28:29

Ezeru ddenndda ddinavenyera wa Apwiya Amasiva Mattheene. Malangizwiiwa tti oottikhiniha nave ezeru ddiwa tti ddoopambana.

Yesaya 5:19

Alliwa enallota wi, “Apwiya yaakuve, ephare muttekwiiwa moohiselliwa wi noone. Nnddo ddinapaalla weera Aweella a Israele ddeereye wi niddidduwelle.”

Deuteronomo 4:20

Koma nyuwaano tti athu ayo Mulluku aakhumihalleeye mu ellapo ya Iguputo, mu eng'anjo yooviheelle wi mukhalle yoohallanaaye wonanko mukhallelleenyu ollellova.

Miyambo 8:14

Kookhalla ni malangizo ni odduwella, wiiwesesa ni masiva.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Aefeso 1:8

eyo anivahilleeye mwawaata ddiidda! Mu ezeru ddaye ddittheddene nave wiiwesesa waye,

Yobu 12:13

Koma Mulluku ookhalla ni ezeru ni masiva, ookhallattho ni odduwellesesa ni mwambo.

Yobu 33:29

Ddawoona, Mulluku anneera ddittheddenenndda, opiilli naari oraru, wa muthu,

Yesaya 25:1

Nyu Apwiya, nyuwaano sika Mullukwaaka, kineerewuuvahani olemu ni otitimiha nnddina nanyu. Moheera ddeko ddoottikhiniha, mookeraatthiha moororomelleya mwasimikizalleenyu khalle.

Mitteko 13:48

Athu ayo ehiri Ayudaayo yiiwalliiwa ddenndda, yaahakallalla nave etitimiha mawu a Apwiya nave ayo yatthoolliwe wi yaakhelle okumi woohimalla, yaakhalla ookhulupilila.

Aroma 8:29

Athu ayo Mulluku aatthoonlleeye khalle, aaweera wi ekhalle wonanko Mwanaye wi Mwaanooyo akhalle awaamba mu nibanja nuullupalli.

Aroma 8:30

Nave ayo yatthoolliwe ni Mulluku, aawiithana nave awiithaniwaayo, ahaalungamiha nave ahaavaha ntitimiho naye.

Aroma 9:11

Nave wi otthoolliwa wa mwaana mmodda wooneye wi yaari yoolinga ya Mulluku, Mullukooyo aallota wi, “Muullupallooyo aneerekomurumeyella mung'onong'onooyo.” Aallotille ddenndda ehinayariwe, ehineere erive ello naari yaphaama apaalle yoonanara. Sika otthoolla wa Mulluku waari moollikana ni wiithaniwa wa mmoddooyo, ohiri moollikana ni erive ello yenriiwa.

Aefeso 1:9

Mulluku aheera yoolinga eyo apaalleeye weera nave aanilleella yoolinga yoovittheya eyo aganizalleeye wi amallihe mwa Khrisitu.

Aefeso 1:18

Kinaveka wi miitthwaanyu ehulleye wi moone owala wi mudduwelle yootiyera eyo awiithanelleeyeni nave waata wa madaliso ootitimiheya ayo athwaaye enaawaakhelliiwa,

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.