3 Yohane 1:8 - Mawu a Mulluku

⁸ Sika, hiyaano ookhulupilila ninaphwanella waakavihera athu yaalla wi niphareke mutteko nimodda voovuwihani yawoona.

3 Yohane 1:8 ပူးပေါင်းရင်းမြစ်များ

3 Yohane 1:10

Sika miyaano kawa kineeromuupusa mitteko aneereeye. Olliye annakillotella ddoonanara. Nave ddenndda khaddinamukwakhwanella, olliyettho khanawaakhella ookhulupilila akhwiihu yawa. Navettho annaahiiha ayo enapaalla owaakhella ookhulupilila akhwiihwaayo ni waachosa mumpingoni.

Filemoni 1:24

Nave Mariko, Aristariko, Dema ni Luka, oomurumeyella Khrisitu akhwaaka, ennuuvahattho mooni.

Filemoni 1:2

Nave kinaalembellattho Afiya murokorihu ni Arkipo mukhwiihu oyo anamurumeyella Khrisitu wonanko akhoto ni mpingo oyo onakumanella mpa mwawo.

1 Atesalonika 3:2

nave naamuruma Timoteo, mwanamunnihu oyo anaphara mutteko wa Mulluku ni hiyaano woollalleya othenga waphaama wa Khrisitu. Naamuruma wi uullipiheni mwiilli ni okavihera echikhulupilwaanyu,

Akolose 4:11

Yoswa, oyottho anaromolliwa Yusuto, annuvahanittho mooni. Athu araru yaalla sika Ayudave ookhulupilila ayo enaphara mutteko ni miyaano wa omwene wa Mulluku nave enakillipiha murima miyaano.

Afilipi 4:3

Nave weyaanottho, mukhwaaka oororomelleya, kinapaalla wi waakavihereke atthiyanaalla; vawi aallipihella ophara mutteko woovuwiha othenga waphaama ni miyaano, vamodda ni Kilementi ni allupa mutteko akhwaaka attheene, ayo manddiniiwa eri mu nibukhu na akumi.

2 Akorinto 8:23

Ollota dda Tito, yoolla tti mukhwaaka oopharana mutteko ni miyaano wuukaviherani nyuwaano. Asinnaka amodda ayo eneeta ni olliyooyo erumiwe ni mipingo nave enamutitimiha Khrisitu.

2 Akorinto 6:1

Sika voopharani mutteko vamodda ni Mulluku, ninnuuvekani nyuwaano mwaakhenlle echisomo ya Mulluku wi ehikhalle yoohikhalla ni mutteko.

Luka 11:7

Nave ngaganizerani wi mukhwiinyu awaakhullani wi, ‘Ohikihoose! Mullako tti woowalla khalle nave anaaka aakona, sika ngiwora ovenya wi kuuvahe weyaano ello.’

Mateyu 10:40

“Oyo anawaakhellani nyuwaano anakaakhellattho miyaano, oyo anakaakhella miyaano annamwaakhellattho Mulluku oyo akirumalle.

Mateyu 10:14

Arive muthu aahiwaakhellani apaalle owiiwellellani, venyanivoni vanipuronimvo nave muttatthe nthupi omanyalloni wanyu.

3 Yohane 1:7

Vawi yaatimulla olendwiiwa ekaamba ya nnddina na Khrisitu ehaakhullenlle nikavihero ovenyera wa athu oohikhulupilila.

3 Yohane 1:9

Kaawulembella mpingo kalata koma Diotrefe oyo anapaalla okhalla oohoollelliiwa, khaniiwellella kinalloteemi.

Masalimo 94:16

Ethiyo ttaani anaallipe murima wi akivaddere ekhoto ni oonanara? Ethiyo ttaani anaakhalle o embalaaka wi allipane ni aweera ddoonanara?