2 Yohane 1:8 - Mawu a Mulluku

⁸ Vano muchenjere wi muhitathille eyo napharelleehu mutteko sika wi muneerothuviwa wamututha.

2 Yohane 1:8 ပူးပေါင်းရင်းမြစ်များ

Aheberi 10:35

Sika muhinatathilla ollipa wanyu murima vawi muneerothuviwa wuullupalli.

Yawuupullulla 3:11

Koma ophiyera kiwiille, nyuwaano munaphwanella muphare moollipiha eyo muriinyuna wi ahikhallevo mmodda anawaakheni emphaswaanyu.

1 Akorinto 3:14

Eyo yaamakiwe va matthipello yaahisha ni munllo, oomakooyo aneerothuviwa.

1 Akorinto 3:8

Ohiyana khawiivo variyari va oomidda ni oohellella maaddi. Nave Mulluku aneeromuthuva arive muthu moollikana ni mutteko aphanreeye.

Aheberi 12:15

Chenjerani wi arive muthu ahihokollweelle mutulli ni otathilla echisomo ya Mulluku. Chenjerani wi arive muthu ahikhalle wonanko echipaso yoowaawa ni awaambiha ddoohoosa wa athu akhwaaye.

Mariko 13:9

“Sika nyuwaano chenjerani. Muneeromakiwa ni okuselliwa m'mathatoni a millatu nave muneerewuukuthiwa mu enyumba ddamavekello.* Muneerewiimella vamiitthoni va oolamulella ni mamwene kaambiiwa nyuwaano tti oohudderaaka wi mwakhalle amboni a othenga waphaama wa yaayo.

Agalatiya 3:4

Ethiyo ddeko ddittheddene ddeereyille wa nyuwaano khaddinna mutteko? Khe ddiiddo!

Yohane 4:36

Oohata annallivelliwa nave annatthukumaniha ezipaso o okumi woohimalla. Vano awaalla ni oohata eneerohakallalla vamodda.

Agalatiya 4:11

Kinnakhupanya dda nyuwaano! Ethiyo muttekwaaka muttheene va nyuwaano tti woohipindula?

Luka 21:8

Yesu ahaalleella wi, “Chenjerani wi muthu ahiwoottottheni. Vawi athu anchichi eneerophiya mu nnddina naka ni ollota wi, ‘Mi tti Mesiya,’* nave ‘Enthawi yookwakhwana’ koma muhaathware.

Aheberi 10:32

Koma upuwellani ddaweereyelleninndde, enthawi elle mwaakhenlleenyu owala wa Mulluku, mwaavillella voowanani ekhoto moollipana ni ddoohoosa ddittheddene.

Afilipi 3:16

Naari ddeerevedde, hankoni nivirerelle moollikana ni ehuddiho ninathwareehu ophiyera ollello.

Mariko 13:23

Chenjerani, kohuulleellani erive ello enthawi ehinaphiye.

Mateyu 24:4

Yesu ahaakhulla wi, “Chenjerani wi muthu ahiwoottottheni.

Daniele 12:3

Athu eezeru eneerowala wonanko muddullu. Nave ayo yaahoollelle athu anchichi mu ettilla ya echilungamo eneeronyezimella wonanko etheneeri wa enthawi yoohimalla.

1 Akorinto 15:8

Voomallihella ahooneyattho wa miyaano naari kaphwanaphwanaka ni muthu ooyariwa mallapo ehinakwakhwane.

Luka 19:19

Mwenoolle aallotattho wi, ‘Oneerokolamulella mizinda mitthanu.’