2 Timoteo 4:4 - Mawu a Mulluku

⁴ Eneerohiya wiiwellella yawoona nave enawiiwellelleke miyaha ddoohikhalla ni mutteko.

2 Timoteo 4:4 ပူးပေါင်းရင်းမြစ်များ

Zekariya 7:11

“Koma alliwa yaakhoota waapella maaru, yaakireya etulli ni yaatiyella maarwiiwa wi ehiiwe.

1 Timoteo 1:4

Waalleelle wi ehiye miyaha ddoohikhalla ni mutteko ni weerenga ntthopoollo noorekama na manddina a makhollo. Ddenndda sika ddinaambiha okangana nave khaddinakavihera mutteko wa Mulluku oyo onadduwanyeya mu echikhulupililove.

2 Petro 1:16

Hiyaano khanithwanre miyaha ddawiiwa vawuulleellani dda owa wuullupalli wa Apwiihu Yesu Khrisitu. Koma nahoona ottekweenaaye ni miitthwaahu.

1 Timoteo 4:7

Nave okhooteke miyaha ddoohikhalla ni mutteko ni ddoohikhalla ni omulluku. Oddollweelle weera ddoomutitimiha Mulluku.

Mitteko 7:57

Attekweene a va nthato namillatu yaakhuwa ni mawu oowella nave yaatiyella m'maaruni mwiiwa ni matta. Vano attheenaayo vamodda yaamuthamakella.

Tito 1:14

ehitthuperiweke ni miyaha dda Ayuda apaalle malamulo a athu ookhoota yawoona.

2 Timoteo 1:15

Onnadduwella wi attheene a mu echigawo ya Asiya* yaakikhoota miyaano, mwa yaayo mmodda aari Figelo ni mmodda aari Heremogene.

1 Timoteo 6:20

Timoteo, wehera phaama eyo ohiyeriweewe. Ohiiwelle miyaha ddoohikhalla ni mutteko ni ddoohikhalla ni omulluku, nnddo mwawoottha, ddineeriwa odduwella.

Miyambo 1:32

Athu eenamwani eneerewiiphiwa ekaamba ya ohollowa wiwa. Nave ookarangeya eneerewoonongeya ekaamba ya ohipwatha wiwa.

Aheberi 13:25

Echifundo ya Mulluku ekhalle ni nyuwaano attheene.

Yesaya 30:10

Ennaalleella oollohella wi, ‘Muhoonettho.’ Ennaalleellattho anamallotella wi, ‘Muhinillotellettho ddawoona koma munilleelle ddooniddivella, munillotelleke ddam'muruni mwanyu.

Mateyu 13:15

Umiha mirima dda athwaalla, khoowiha maarwiiwa, minyalliha miitthwiiwa wi ehoone ni miitthwiiwa, ehiiwe ni maarwiiwa, ehidduwelle ni murimiiwa nave ehirukunuwe murima wi echirihiwe.”

2 Atesalonika 2:11

Sika Mulluku aneerewaarumihella masiva awoottottha wi ekhulupilile ddawootthannddo.