2 Timoteo 4:3 - Mawu a Mulluku

³ Vawi enthawi enimawa yawi athu eneerokhoota ehuddiho yawoona koma enaathwareke ddoopaalla ddiwa nave eneerewiitthukumanihella weekhiiwa ahuddihi anchichi ayo enaalleelleke nnddo enapaalliiwa wiiwa.

2 Timoteo 4:3 ပူးပေါင်းရင်းမြစ်များ

1 Timoteo 1:10

ooraruwa, ookonana ni allopwana akhwiiwa, oowaakulla athu, oowoottha, oovelleella omboni wawoottha nave ni arive muthu aneera erive ello yoovaanyana ni ehuddiho yawoona.

Agalatiya 4:16

Ethiyo vano miyaano vawuulleellani yawoona kootthattuwa mudanaanyu?

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Luka 6:26

“Ootulli tti nyuwaano athu attheene yaallotaka ddaphaama dda nyuwaano vawi makhollwiiwa yaallota ddennddo wa anamallotella awoottha.

Mika 2:11

“Muthu mmodda eetaka ni murima wawoottha ni woolleka anallotella wi, ‘Ddawoona, muneerokhalla ni vinyo ni ddoowirya ddoowalli ddinchichi,’ namallotella yoolla athwaalla eneeromukonda.

Yohane 8:45

Koma miyaano kaambiiwa kinallota ddawoona, khamunakikhulupilila.

1 Mamwene 18:22

Vano Eliya ahaalleella athwaalle wi, “Kihanlle meekha mwa anamallotella a Apwiya koma anamallotella a Baala erivo 450.

1 Akorinto 2:1

Asinnaka ni arokoraka, kawiilleemi wa nyuwaano wi killalleye yookhuweya yawoona ya Mulluku, ngaallotille wonanko muthu aruso ni oodduwella dduullupalli.

Mitteko 17:21

(Vawi athu attheene a mu Atene ni alleto yakhalla wenko yaanakonda wiiwa ddeko ddanaanweene erive enthawi.)

Yeremiya 29:8

Apwiya Amasiva Mattheene, Mulluku a Israele, enallota wi, ‘Anamallotella ehuullekeni naari awoombesa ayo eri variyari vanyu nave muhiiwellelleke ddoolloha ddiwa.

Yesaya 28:12

Yahuulleellani wi, “Nipuro nawiithuuwellavo tti nenna, ootopa yiithuuwe, nipuro noovumellavo tti nenna.” Koma nyuwaano khemwiiwalle.

Yeremiya 27:9

Sika muhiwiiwellelle anamallotellaanyu, awoombesaanyu, oottaphullellaanyu ddoolloha, amavuwaanyu ni amasengaanyu, yaawuulleellakani wi muhimurumeyelle mwene a o Babiloni.

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

1 Akorinto 2:4

nave ohuddiha waka ni othengaaka ngawuuvellelle ni mawu ootthopoowa eezeru dda muthu koma ni woonihella wa masiva a Munepa a Mulluku.

Luka 20:19

Ahuddihi a malamulo ni allupa mukutho uullupalli enthawi yeeyo yaapaalla wi emmake Yesu kaambiiwa yaadduwella wi ahaalleella niphwanaphwaniho nowaavaanyiha. Koma yawoova athwaayo.

1 Mamwene 22:18

Mwene a o Israele aamukoha Yehoshafati wi, “Ethiyo Nguulleelle wi yoolla khawa akillotella ddaphaama koma ddoonanarave?”

1 Mamwene 22:8

Ahabu aamulleella Yehoshafati wi, “Ookhallavo Mikaya mwaana a Imila. Koma kinniitanana kaambiiwa khanallotella ddaphaama dda miyaano, erive enthawi ddoonanarave.” Yehoshafati aamwaakhulla wi, “Ohilloteke ddiiddo.”

Eksodo 32:33

Koma Apwiya yaamulleella Mose wi, “Yooyove akichimwelle miyaano, sika kinaavenyiheemi nnddina naye munibukhuni mwaka.

Yesaya 30:10

Ennaalleella oollohella wi, ‘Muhoonettho.’ Ennaalleellattho anamallotella wi, ‘Muhinillotellettho ddawoona koma munilleelle ddooniddivella, munillotelleke ddam'muruni mwanyu.

2 Timoteo 1:13

Thwara echisanzo ya mawu awoona ayo wiiwalleewe wa miyaano, mwa echikhulupililo ni echikondi eyo eri mwa Khrisitu Yesu.

Yuda 1:18

Yahuulleellani wi, “Va mallapo oomallihella vineerokhalla athu oovevulla, owiitukhulla voothwarani minkhella ddiwa ddoonanara.”