2 Timoteo 4:2 - Mawu a Mulluku

² ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

2 Timoteo 4:2 ပူးပေါင်းရင်းမြစ်များ

1 Atesalonika 5:14

Asinnihu ni Arokorihu, ninuuvekani wi mwaahumullulleke athu oohipaalla ophara mutteko, mwaallipiheke murima athu awoova, mwaakavihereke athu oofooka navettho mumuvillelleke arive muthu.

Tito 2:15

Ohuddihe ddeko ddenndda navettho opharihe mutteko olamulellwaawo vawaallipihani murima ni waahumullulla. Vihikhalle muthu anuuvevulleke.

1 Timoteo 4:13

Ophiyera enthawi kinaaweemi, oweerengelleke athu mawu a Mulluku, ollalleyeke ni ohuddiha.

Yawuupullulla 3:19

Kinnaahumullulla ni waallaka attheene kinaakondeemi. Vano llipihellani wi murukunuwe murima.

Tito 1:13

Omboni yoolla tti wawoona. Sika waahumullulle moosimwa wi ekhalle mu echikhulupililo yawoona,

2 Timoteo 2:21

Mmodda addeelliha yeekhaaye voohiyani ddeko ddoonanara ddittheddene eneerokhalla wonanko yookusella yoolemu, yaweellihiwa ni yoopharihiwa mutteko ni mwaneena a enyumbeeyo, yookhozekella mitteko ddaphaama ddittheddene.

Agalatiya 6:6

Ayo enahuddihiwa othenga wa Khrisitu enaphwanella ekawanena ddeko ddaphaama eriiwana ni ahuddihiiwa.

Aroma 12:12

Muhakallalleke ekaamba ya otiyera wanyu. Muvillelleke mwaahoosiwaka nave muvekelleke moohihiyerera.

2 Timoteo 3:10

Koma weyaano waathwara phaama ehuddihwaaka, makhallellwaaka, yoolingaaka, echikhulupililwaaka, olleva waka, echikondaaka, ovillella waka,

1 Timoteo 5:20

Attekweene ayo enavirellella ochimwa, waahumullulleke vamiitthoni va attheene wi amoddaayo yooveke.

Akolose 1:25

Nave koheeriwa oorumeyella a mpingo ni Mulluku oyo aakivahille mutteko yoolla wi kiphare variyari vanyu. Yoolla tti mutteko woollalleya othengaaye muttheene,

Aroma 10:15

Nave othengooyo onaallalleyiwe mwawiidde athu ehirumiwe? Mawu a Mulluku eni, “Tti woohakallalliha owa wa oollalleya othenga waphaama”

Yona 3:2

“Khawe o Nineve, o muzinda muullupalloolle. Waahumullulle ni othenga olla kinawinnyeemi.”

Mitteko 20:7

Va Nllapo Namulungu naatthukumana vamodda wi namumeyemeye buledi. Paulo aallota wa athu ophiyera variyari va mahiiyu vawi atiyerella wi wasawo atimulle.

Mitteko 16:13

Va nllapo na Sabata naavenyawo omuzindaninko niya omuhinjeni, nko neesahu wi wookhalla nipuro nawi Ayuda ennatthukumanawo enavekella. Sika naakeraatthi ninallota ni atthiyana yatthukumane wenko.

Luka 9:60

Koma Yesu ahaakhulla wi, “Waahiye ookhwa yaavittheke ookhwa akhwiiwa. Koma khawe waallalleye dda omwene wa Mulluku.”

Luka 7:4

Yaphiyalliiwa wa Yesu, yaamuveka moollipihella wi, “Muthu anirumalloolla anaphwanella wi mumukavihere.

1 Atesalonika 5:20

Muhivevulleke ollotella.

Luka 7:23

Nave oodalisiwa tti ayo ehinakhumuwa ni dda miyaano!”

Masalimo 40:9

Koollalleya dda echilungamwaanyu vamutthukumanoni muullupalli. Nyu Apwiya, ngaawanlle vayanoni, moollikana ni mmo munadduwellelleenyu,

2 Timoteo 2:25

owaalangiza oovaanyihanana mwawiithaalla vawi apaalle Mulluku ttuuwaavaha ekari yawi erukunuwe murima wi edduwelle yawoona,

Aheberi 13:22

Kinimuuvekani, asinnaka ni arokoraka wi muwaakhelle phaama mawu oollipiha murimaalla vawi kuulembelleni moophadda.

Mitteko 28:16

Naphiyalleehu o Roma, Paulo ahaakhullelliwa okhalla mu echipinda yayeekha vamodda ni akhoto oomuweherooyo.

Mitteko 13:5

Yaphiyalliiwa o muzinda wa Salamisi, yaallalleya mawu a Mulluku mu enyumba ddamavekello.* Yaarittho ni Yohane Mariko oyo aakavihera mutteko.

Akolose 4:3

Nave munivekellelleke hiyaanottho wi Mulluku anihullelle mullako wi nillalleye othenga wa yoovittheya ya Khrisitu. Vawi miyaano vano kiri mundende ekaamba ya yeeyo.

1 Atesalonika 1:6

Mwaanittakihera hiyaano ni Apwiya. Nave naari mwahoosiwe wunchichi, mwahaakhella othenga ni ohakallalla woovenyera wa Munepa Waweella.