2 Timoteo 3:3 - Mawu a Mulluku

³ Enaakhalle oohikonda, oohikhululukella, awoonjerera miyaha dda akhwiiwa, oohivillella, oowalli ni awiitana ni ddaphaama.

2 Timoteo 3:3 ပူးပေါင်းရင်းမြစ်များ

Yuda 1:18

Yahuulleellani wi, “Va mallapo oomallihella vineerokhalla athu oovevulla, owiitukhulla voothwarani minkhella ddiwa ddoonanara.”

Aroma 1:31

tti ookarangeya, oohiroromelleya nave khenaweerella athu amodda echifundo naari waakonda.

Mateyu 10:21

“Athu eneerewaakusa yaavelleelle asinniwa wowiiphiwa ni attiitthiiwa eneereweera emoddamoddave yeeyo wa aniiwa. Nave anamwani eneerewaawukila makhollwiiwa wi ewiiphe.

2 Petro 2:14

Enthawi ddittheddene miitthwiiwa enakhalla va weera ddooraruwa nave minkhella ddiwa ddoochimwa khaddinakwakhwanihiwa. Ennaalleka athu oohikeraattheya. Mirima ddiwa ddaahuddihiwa okhalla a nrima. Tti ootembeleliwa ni Mulluku!

1 Timoteo 3:11

Awariwattho ekhalleke oovahiwa olemu, oohillota ddoonanara dda akhwiiwa, ekhalle awiihiiha ni oororomelleya mu ddittheddene.

Mateyu 4:1

Vano Munepa Waweella waamukusa Yesu oya muchipululuni wi eesiwe ni Satana.

Daniele 8:23

Nave vamamallihello va moomwenaalla, machimwiiwa yaatillesese vineerewooneya mwene awumma murima, oochenjera wunchichi.

Yawuupullulla 17:6

Nave kahoona wi mutthiyanooyo aalezela ni nikhame na athu a Mulluku yiiphiwe ekaamba yoovelleella omboni dda Yesu. Kamoonilleemi mutthiyanooyo, kaattikhina wunchichi.

Yawuupullulla 16:6

Yaawiipha athu a Mulluku ni anamallotella nave sika mohaavaha nikhame wi ewirye. Enaakhella nnddo ddinaaphwanella!”

Yawuupullulla 13:17

Yeerille ddiiddo wi ahikhallevo muthu anaakulle apaalle okulliha ahinadindiwe. Yeella sika nnddina na enama yuullupalli yawoopiha apaalle echiwerengero yoottaphullella nnddina naye.

Yawuupullulla 13:15

Enama yuullupalli yawoopiha yaneepiilleella yahaakhullelliwa oviddeellella okumi mwa nifano na enama yuullupalli yawoopiha yawaambeelle wi nifanonno nilloteke ni owiipha athu attheene ayo ehinamullapella.

Yuda 1:16

Athu yaalla ennawinya wunchichi. Nave enathwara minkhella ddiwa ddoonanara. Ennallota mwawiitukhulla nave ennaariiha athu mwawoottha wi epindulevo.

2 Petro 3:3

Yawaambeella, munaphwanella wi mwiiwesese wi mallapo oomallihellaalla athu amodda oolamuliwa ni minkhella ddiwa eneerewooneya. Eneeroweerellani epewe

Yakobo 2:6

Koma nyuwaano munnamuvevulla muthu oohoowa. Ethiyo athu eeyuuma khehiyo ayo enuuhoosani, khehiyo ayo enuukusellani o nthato namillatu?

Tito 2:3

Waalleelle atthiyana awuulluvalla mwawi ddiiddattho wi makhallellwiiwa ekhalle aweella. Ehaalloteke akhwiiwa, ehilloteke ddoonanara dda akhwiiwa apaalle okhalla akaporo oowirya ottheka. Enapaalleya wi ehuddiheke ddaphaama,

Tito 1:8

Akhalle ookonda owaakhella alleto ni ookonda ddaphaama. Akhalle awiiwehera yeekhaaye, oolungama, aweella murima ni awiihiiha.

1 Atesalonika 4:8

Sika vano, oyo anakhoota ehuddiho yeella khanamukhoota muthu koma Mulluku, oyo anuuvahani munepaaye Waweella.

1 Akorinto 7:9

Koma yaahiwora wiihiiha o minkhella ddiwa, eye yatthelle. Tti waphaama otthella ohiyana ni oviha mwiilli.

1 Akorinto 7:5

Muhikhootaneke koma vaavove mwiiwanane wi mweere ddiiddo va enthawi yooyeva wi mwiivelleelle wa Apwiya m'mavekelloni. Nave mweeddiiddo mukhallekettho nimodda wi Satana ahiweeseni ekaamba ya ohiihiiha wanyu.

Yohane 6:70

Yesu ahaakhulla wi, “Kahuutthoollani nyuwaano khumi ni eelli, khe ddiiddo? Koma mmodda a nyuwaano tti Satana!”

Luka 16:14

Afarisi* yiiwalliiwa ddenndda, yaanyindulla eyano ddiwa wa Yesu vawi alliwaayo yaari ookonda makobiri.

Luka 10:16

Vano Yesu ahaalleella athu aarumalleeyaalle wi, “Oyo anawiiwellellani nyuwaano anakiiwellella miyaano nave oyo anuukhootani nyuwaano anakikhoota miyaano nave oyo anakikhoota miyaano anamukhoota oyo akirumalle miyaano.”

Yesaya 60:14

Edduullu dda ayo yuuhoosille eneerewuuwaramella moovelleella olemu. Attheene yuunyaambusallevo eneerewuukokhorella vamanyalloni vawo. Eneerewuuromolla wi ‘Muzinda wa Apwiya,’ ‘Ziyoni a Aweella a Israele.’

Yesaya 53:3

Olliye aavevulliwa ni aakhootiwa ni athu, muthu addoovoreya, ooddollweella ddoowaawa. Aanyaambusiwa wonanko owiipitthihelliwa ekhove ni athu, hiyaano khenaamweesille wonanko muthumuthu.

Masalimo 22:6

Koma miyaano tti wonanko enyambo, ngihiyo muthu naari vang'ono, oyo athu enamuvevulliiwa ni omukhoota.

Genesis 49:7

Otembeleliwe osha murima kaambiiwa tti wawoopiha, otembeleliwettho owalliiwa kaambiiwa wenko tti ohoosa. Kineerewaamwara mu ellapo ettheene ya Yakobo, Kineerewaapallallesa variyari va Israele.”

2 Petro 2:19

Ennaalonjeza ottaphuwa koma alliwaayo tti akaporo a makhallello a woononga. Vawi muthu anakhalla kaporo a erive ello enamulamulella.

Masalimo 15:4

Tti oyo anamunyaambusa ookhootiwa ni Mulluku, oyo anaariiha athu oowoova Apwiya. Tti oyo eneera nnddo allupenlleeye, naari ddiri ddoovoreya mwawiidde.

Aroma 1:29

Mirima ddiwa ddooddalla ni ddoonanara ddoohiyanahiyana wonanko, millilli ni echillu. Yooddalliwa ni nrima wiipha, owana, woottha wiitana ni miseche.