2 Timoteo 3:2 - Mawu a Mulluku

² Vawi athu enaakhalle awiikonda, ookonda makobiri, ookota, awiinyarulla, oonyaambusa, oohiwiiwellella makhollwiiwa, oohithokoza ni ooheella murima.

2 Timoteo 3:2 ပူးပေါင်းရင်းမြစ်များ

Afilipi 2:21

Amoddaayo attheene enallipihella ddeko ddawaaddivella weekhiiwa ohiri ddeko dda Yesu Khrisitu.

Masalimo 10:3

Muthu oonanara anniitukhulla ni ddoopaalla ddaye, oottutthuwa ennaatembelela ni waakhoota Apwiya.

Yuda 1:16

Athu yaalla ennawinya wunchichi. Nave enathwara minkhella ddiwa ddoonanara. Ennallota mwawiitukhulla nave ennaariiha athu mwawoottha wi epindulevo.

2 Timoteo 3:4

Enaakhallettho oohiroromelleya, oohoova erive ello, awiitukhulla, ookonda minkhella dda vatthimva ohikhalla oomukonda Mulluku.

1 Timoteo 6:10

Vawi ddinaambiha ddoonanara ddittheddene tti echikondi ya makobiri. Ekaamba ya yeella, amodda yaatathilla echikhulupililwiiwa ni wiikusella ddoovoreya ddinchichi m'murimani mwiwa.

2 Petro 2:18

Enallota ddookota ni ddookarangeya nave ennaalleka athu ayo ethawille wene ovenyera variyari va ayo enakhalla mu machimo voopharihani mitteko minkhella ddiwa dda omuthu.

Yakobo 4:6

Koma echisomo ya Mulluku tti yuullupalli wunchichi. Sika mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Akolose 3:5

Vano mwiiphe minkhella dda vatthimva nnddo ddiri m'mwiillini mwanyu, ddooraruwa, ddoonanara, minkhella ddoonanara, opaalla ddoonanara ni okhallella nrima (vawi nrima tti mafano).

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

1 Timoteo 6:4

yooyo ttawiitukhulla nave khanadduwella erive ello. Nave murimaaye tti woonanara woopaalla ddoovaanyana, wenko onavenyera ehache, owana, ollotellana epewe, oganizerana ddoonanara,

Luka 12:15

Nave aallota wi, “Chenjerani, muhikhalle a nrima vawi okumi wa muthu khonallikana ni waata wa ddeko ariiyena naari arina eyuuma yinchichi.”

Daniele 11:36

Mwene oompoto aneereweera ddoopaalla ddaye nave aneeroddunnuwiha ni oddeesa muullupalli okhwaranya milluku ddittheddene naari Mulluku a milluku. Ddittheddene ddineeromweetella phaama ophiyera enthawi eyo Mulluku anaamullakeeye moowalli ekaamba yawi nnddo ddisimikiziwe ddineereweereya.

Yawuupullulla 16:11

Nave yaamullotella epewe Mulluku Muullupalli ekaamba ya ovoreya wa makhwataayo. Koma kheyaahiyalle weera machimwiiwa.

2 Petro 2:12

Nave athu yaalla eneera ni ezeru ddooyariwana, wonanko enama ddamuhakani nnddo ddaayariwe wi ddiphariweke ni wiiphiwa, enallotella epewe erive ello ehiniiwesesiiwa. Eneerewoonongiwa wonanko enama ddamuhakani,

2 Petro 2:3

Ekaamba ya nrima ahuddihi awoottha yaalla eneerewuullekani vawuulleellani miyaha ddawoottha. Ollakiwa wiwa wookhozeka khalle nave oowoonongiiwa khanakona!

Yakobo 4:16

Koma vano munnakota ni wiitukhulla. Wiitukhulla wenko tti woonanara.

2 Atesalonika 2:4

Aneerovaanyiha ddittheddene ddineeriwa mulluku naari ddoollapelliwa navettho aneeroddeera wi olliye tti ookhwaranya ddittheddene. Aneerovollowa nave aneerokeraatthi mu enyumba ya Mulluku niwiiromolla yeekhaaye wi tti Mulluku.

Aroma 11:18

Sika muhaavevulleke ayo yinttakeye wonanko enthambi. Mwaawiitukhullaka, muupuwelleke wi khamuhiyo nyuwaano munaphareella misisi koma misisi sika ddinuuphareellani nyuwaano.

Daniele 7:25

Aneerollota mawu oomuhumullulla Mulluku Amasiva Mattheene nave aneerewaahoosa aweella. Aneereweeseesa osintha mallapo a ehakallallo ni malamulo a mallapello. Nave aweella enaakhalle m'mattani mwa omwene yoolla wa miyakha miraru ni hafu.

Yawuupullulla 16:21

Marallalla muullupalli, nimodda noollemella makilogaramu 50, yahaamorella athu ovenyera oddullu. Nave athu yaamullotella epewe Mulluku kaambiiwa mullillooyo waari wawoopiha.

Yakobo 2:8

Vano munneera phaama mwaarimi muthwaraka malamulo a omwene ayo enaphwanyeya mu mawu a Mulluku awi, “Omukondeke mukhwaawo wonanko mmo oniikondelleewe weekha.”

1 Timoteo 3:3

Ahikhalle muthu oolezela apaalle amaraapwa koma oomaalleya ni ookonda murendelle nave ahikhalle ookonda makobiri.

1 Timoteo 1:20

Amodda a yaayo tti Himeneo ni Alekizandro ayo kaallakilleemi vawaavelleellani wa Satana wi ehiye omullotella epewe Mulluku.

Mitteko 5:36

Munnuupuwella wi Teyudasi aawa khalle valle allotaka wi olliye tti muthu awiiweya nave athu vakhuviru 400 yaamuthwara. Koma iiphiwe, attheene yamuthwanraalle yaapallalleya nave mullokwaayooyo waamallavo.

Luka 16:14

Afarisi* yiiwalliiwa ddenndda, yaanyindulla eyano ddiwa wa Yesu vawi alliwaayo yaari ookonda makobiri.

Yawuupullulla 16:9

Athu yahaavulliwa ni oviha wawoopihanngu nave yahaamba ollotella epewe nnddina na Mulluku oyo arina olamulello va millillinndda. Koma kheyaarukunuwalle murima wi emutitimiheke Mulluku.

Yawuupullulla 13:1

Nave kahoona enama yuullupalli yawoopiha ekhumaka mu enyanja. Yaari ni manyaka khumi ni miru mitthanu ni miilli, va nirive nnyaka vaakhalla korona* ni va orive muru vaalembiwa nnddina noomweerella epewe Mulluku.

2 Akorinto 5:15

Nave Khrisitu aakhwa ekaamba ya attheene wi ayo eri ni okumi khenaphwanella ekhalleke ni okumi mwaweekhiiwa koma wa oyo aakhwille ni ovenyihiwa wa ookhwa ekaamba ya alliwaayo.

Mateyu 15:6

khanaphwanella waavaha olemu makhollwaaye. Mwawi ddiidda munnavevulla mawu a Mulluku vawi muniiwellella ehuddihwaanyu.

Yesaya 10:15

Koma Apwiya enallota wi, “Ethiyo kottokwa ttuuwiitukhulla omukhwaranya oyo anatthallana apaalle saha ttuuwiiriiha omukhwaranya oyo anachekella? Valle ekoonda khenamutukhulla muthu koma muthu sika anatukhulla ekoonda.”

Miyambo 6:17

miittho awiitukhulla, nllumi nawiisha, matta oowiipha athu oohilakwa,

Masalimo 49:6

Athu awi ddiidda ennaroromella eyuumiiwa, ennakota kaambiiwa aakhalla ni eyuuma.

Masalimo 52:1

We amasiva kaambiiwa tini onakotelleewe ddoonanara, echikondi yoohisintheya ya Mulluku tti yoohimalla?

Luka 6:35

Akondeni adanaanyu vooweerellani ddaphaama, kongolihani koma muhitiyere waakhella ello. Muneerothuviwa wuullupalli nave muneerokhalla anamwani a Mulluku muullupalli. Vawi tti aphaama wa athu oohithokoza ni oonanareene.

1 Timoteo 1:9

Nave ninnadduwellattho wi malamulo khenapangelliwa athu oolungama koma a etiyamaaru ni oohiiwellella, oohimullapella Mulluku, oochimwa, oonanara ni oomwiita Mulluku ni oowiipha attiitthiiwa, ameewa ni oowiipha akhwiiwa,

2 Petro 2:10

Makamaka ayo enathwara minkhella ddiwa ddoonanara dda omuthu nave enavevulla olamulello wa Mulluku. Ahuddihi awoottha yaalla tti awiitukhulla ni awiiwa ddayiwave nave khenavelleella olemu wa ootitimiheya ooddullu koma enamullotella epewe.