2 Timoteo 2:7 - Mawu a Mulluku

⁷ Ganizera phaama nndda kinuulleelleemi kaambiiwa Apwiya eneerewuuvaha wiiwesesa mu ddittheddene.

2 Timoteo 2:7 ပူးပေါင်းရင်းမြစ်များ

Yakobo 1:5

Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Luka 24:45

Vano aahulla miru ddiwa wi yiiwesese phaama mawu a Mulluku.

Yohane 14:26

Ookavihera, Munepa Waweella, oyo Attiitthaaka enaamurumiiwa mu nnddina naka, aneerewuuhuddihani erive ello ni owuupusani ddeko ddittheddene kuulleelleemini.

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

1 Timoteo 4:15

Mitteko ddenndda oddeereke mwawiivelleella wi athu attheene yoone wunnuwa wa orumeyella wawo.

Akolose 1:9

Ekaamba ya yeella ninnuuvekellani enthawi ddittheddene, waambeella niiwalleehu dda nyuwaano. Ninamuveka Mulluku wi aweeriheni wi muddalle ni odduwella wa opaalla waye, oweella mwa ezeru ddittheddene ni wiiwesesa ottheene nnddo Munepa anavaheeye.

Yohane 16:13

Koma Munepa oodduwelliha yawoona aphiya, aneerewuudduwellihani ddawoona ddittheddene. Vawi khallotaka mwa olamulello wa yeekhaaye koma anaalloteke nnddo aniiwekeeye nave aneerekewuulleellani dda ddeko ddamuhoollo.

Luka 21:15

Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani.

Aheberi 13:7

Muwuupuwelleke oohoollellaanyu ayo yuuhuddihalleni dda othenga wa Mulluku. Muupuwelleke wi yakhalla mwawiidde. Mweeseeseke ottakihera echikhulupililo eyo yaariiwana.

Aheberi 12:3

Muupuwelleke dda Yesu oyo avilleenlle orive ohoosiwa ekaamba ya athu amodda oochimwa ayo yamuwukilalle wi muhifooke ni otathilla murima.

Aheberi 7:4

Vano mohoona wi aari muthu muullupalli. Abrahamu nikhollo nahu noodduwanyeyanne, aamuvaha yaneekhumi ya ddittheddene akusalleeye okhotoni.

Aheberi 3:1

Asinnaka ni arokoraka, muri athu a Mulluku nave mwiithaniwe ni olliye! Ganizerani dda Yesu, murummwa ni mullupa mukutho muullupalli a echikhulupililwaahu.

Afilipi 4:8

Asinnaka ni arokoraka, voomallihella muhiyeke murimaanyu va erive ello eri yaphaama ni yoolemu. Sika ddeko ddawoona, ddoovahiwana olemu, ddaweella, ddooreera ni ddookondiwa.

1 Akorinto 12:8

Munepa anamvaha muthu mmodda othenga wa ezeru nave Munepa mmoddamoddave yooyo anamuvaha muthu mmodda othenga woodduwelliha.

Mitteko 7:10

Nave aamuvullusa mu ddoohoosa ddittheddene. Yosefe ayiilleeye wi oonane ni Farao, mwene a o Iguputo, Mulluku aamuvaha ezeru nave aamweeriha mwenooyo wi amukonde Yosefe. Nave mwenooyo aamutthoolla Yosefe wi akhalle oolamulella ellapweeyo navettho onyumbani waye otthewene.

Daniele 1:17

Asombwe asesaalla Mulluku ahaavaha ezeru ddawiiwesesa mawu mattheene a m'mabukhuni navettho mahuddero oowallamella. Daniele aakhallattho ni eruso yoottaphullella erive masomphenya ni ddoolloha.

Yesaya 28:26

Vawi Mullukwaaye sika anamulangiza ni omuhuddiha mwawookowa.

Miyambo 24:32

Koonilleemi ni oganizera, kaaweha ni waakhellavo malangizo.

Masalimo 119:125

Mi tti oorumeyellaanyu mukivahe wiiwesesa wi kidduwelleke malamulwaanyu.

Yesaya 5:12

Enakhallella wiipa azeze, magitala, ekoma ni ezitoliro, enamuwirya vinyo va machellellwiiwa. Koma khenapwatha apaalle woona mitteko dda matta a Apwiya.

Masalimo 119:144

Malamulwaanyu tti oolungama wa enthawi yoohimalla, kivaheni ddawiiwesesa wi kikhalle ni okumi.

Masalimo 119:73

Mattaanyu yaakipanga nave yaakoopa, kivaheni wiiwesesa wi kihuddereke malamulwaanyu.

Masalimo 64:9

Sika athu attheene eneerewoova, eneerollota dda mitteko dda Mulluku, eneeroganizella nnddo eerilleeye.

1 Epilli 29:19

Muvaheni Solomoni mwanaka murima wawiivelleella wi asungeke malamulwaanyu, ehuddihwaanyu ni malangizwaanyu navettho opaalla weera erive ello wi amake enyumba eyo kiyikhozekelleemi.”

1 Epilli 22:12

Nave Apwiya yuuvahe odduwella ni ezeru wi yuuvaha olamulello va Israele wi osunge malamulo a Apwiya Mullukwaawo.

Deuteronomo 32:29

Yaariki ni ezeru yeerewiiwesesa, yeerodduwella nnddo ddinaamorelle.

Deuteronomo 4:39

Sika vano dduwellani ollello nave muhitiwalleke wi Apwiya sika Mulluku a oddullu ni ellapo yavatthi nave khaavottho mmodda.

Yakobo 3:15

Ezeru ddenndda khaddinavenyera oddullu koma tti dda vatthi vaava, ohiri ddoovenyera wa Munepa Waweella koma wa minepa ddoonanara.

Luka 9:44

“Muhitiwalle kinapaalleemi wi kuulleelleni vawi mi Mwaana a Muthu kineerovelleelliwa wa athu.”

Yesaya 1:3

Eng'ombe ennamudduwella mwaneena nave bulu annadduwella nko pwinnya anamuchiheeyewo koma Israele khanadduwella. Athwaaka kheniiwa naari vang'ono.”

2 Timoteo 2:6

Mwaneena a emata anaphara mutteko moollipiha sika anaphwanella waamba waakhella ddoohata.

2 Timoteo 2:8

Muupuwelle Yesu Khrisitu, oyo avenyille wa ookhwa oyottho ari edduullu ya Davide wonanko mmo ddinahuddiheriwiiwa mu othenga waphaama kinallalleyeemi.