2 Samuele 9:7 - Mawu a Mulluku

⁷ Davide aamulleella wi, “Ohoove. Kinapaalla wi kiweerelle echifundo ekaamba ya Yonatani, attiittho. Kineerewuuhokollosella ellapo ettheene ya apwiiyo Saulo. Onaacheke ni miyaano mallapo mattheene.”

2 Samuele 9:7 ပူးပေါင်းရင်းမြစ်များ

2 Samuele 9:1

Nllapo nimodda Davide aakoha wi, “Ethiyo ookhallawo oyo ahanlle ovenyera mu nibanja na Saulo? Kinapaalla wi kimweerelle echifundo ekaamba ya Yonatani.”

1 Mamwene 2:7

“Koma oweerelle echifundo anamwani a Barizilai a o Giliyadi nave owaakhullelle wi alliwattho echeke ni weyaano vawi yaakeerella echifundo kikumannena kamuthaweemi mwanamunno Abishalomu.

2 Samuele 9:3

Vano mwenooyo aamukoha wi, “Ethiyo ookhallavo oyo ahanlle ovenyera mu nibanja na Saulo? Kinapaalla wi kimweerelle echifundo moollikana ni mmo kalonjezelleemi wa Mulluku.” Ziba ahaakhulla wi, “Ookhallawo mwaana aamullopwana a Yonatani. Olliyoolla tti ookhwa meto.”

2 Samuele 19:28

Vallethi athu attheene a munibanjani na attiitthaaka yaari oophwanella wiiphiwa ni nyu apwiyaaka amwene. Koma mi oorumeyellaanyu mwaakitthoolla wi kicheke nimodda ni nyuwaano. Vano ehanlle tti tini wi kuuvekeni mukeerelle echifundo, nyu amwene?”

Luka 22:30

Vano muneerocha ni owirya ni miyaano mu omwenaaka nave muneerokeraatthi vampandoni woomwene wi muweeruze malloko khumi ni meelli a Israele.

Masalimo 41:9

Naarittho mukhwaaka a vamurimani, oyo kamuroromelleemi, oyo kacheemina, ookiwukila.

2 Mamwene 25:29

Sika Yehoyakini aarulla ddoowara ddaye ddoondende nave nllapo ni nllapo aanacha ni mwene va okumaaye muttheene.

Yawuupullulla 3:20

Ngoonani, kiimenlle vamullakoni nave kinnookotha. Muthu iiwa mawaaka nave ahulla nchiwi, kineerovollowa kichena vamodda.

2 Samuele 12:8

Kahuuvaha nibanja na apwiiyo owaaka awariwa a apwiiyo wi ekhalle m'mattani mwawo nave kahuuvaha mutundu wa Aisraele ni nlloko na Yuda. Vano ddenndda dduuyevenlleke keerowoonjerera ddimodda ddinchichi.

1 Samuele 12:24

Muwooveke Apwiya nave mwaarumeyelleke mookhulupilileya ni murimaanyu muttheene. Enthawi ddittheddene muupuwelleke ddeko dduullupalli nnddo eweerelleewani.

Genesis 43:23

Kaporooyo ahaakhulla wi, “Muhitathille murima nave muhoove iyaayi. Mullukwaanyu, Mulluku a attiitthiinyu, sika uuhiyereni makobiri m'mathumbani mwanyummo. Makobiraanyu awaambaalle kahaakhella.” Enre ddiiddo ahaakhumihella Simeonoolle.

Mateyu 6:11

Munivahe ollello, yoocha yoollello.

2 Samuele 19:33

Sika mwenooyo aamulleella Barizilai wi, “Hanko nillapuwe, wakhalleke ni miyaano o Yerusalemu.”

2 Samuele 9:11

Vano aamulleella wi, “Mi oorumeyellaanyu, kineereweera ddittheddene moothwarana ni nnddo nyu apwiyaaka mulamulalleenyu.” Sika Mefibosheti aanacha ni Davide wonanko mmodda a anamwani a mwene.

Genesis 43:18

Alliwaayo yahoova wunchichi vawoonani wi anaakusella o enyumba ya Yosefe. Nave yaganiza wi, “Ananivollochiha mmu ekaamba ya makobiri alle yahokolloselliwe m'mathumbani mwahu va enthawi yawaambeelle. Anaasha voonihellellavo ekhoto moorurumusa wi anitthattuse akaporwaaye nave wi anaakhe abulwaalla.”

2 Samuele 9:10

Vano weyaano ni anaawo ni oorumeyellaawo mumullimelleke olliyoolla nave muweekena ddoohata ddoomata wi nibanja na apwiiyo mukhalle yoocha. Koma Mefibosheti anaacheke ni miyaano mallapo mattheene.” Ziba aari ni anamwani aallopwana khumi ni atthanu nave oorumeyellaaye yaari 20.

2 Samuele 9:13

Sika Mefiboshetooyo akhalla o Yerusalemu vawi aanacha mu enyumba ya mwene mallapo mattheene. Koma aari oorakalla manyallo meelliine.

Yeremiya 52:33

Sika Yehoyakini aarulla ddoowara ddaye ddoondende nave nllapo ni nllapo aanacha ni mwene va okumaaye muttheene.

Zekariya 7:9

“Mi Apwiya Amasiva Mattheene kinallota wi, ‘Mweeruzaneke moolungama, mumorellaneke ethakaraka ni weerellana echifundo.

1 Samuele 20:15

Apwiya yaawiiphaka adani attheene a Davide va ellapo yavatthi,

1 Samuele 22:23

Koma weyaano okhalleke ni miyaano, ohinoovaka vawi oyo anapaalla owiipha weyaano tti yooyo anapaalla okiipha miyaano. Waakhallaka ni miyaano kineerekewuuteteza.”

2 Samuele 19:29

Mwenoolle aallota wi, “Kohiiwa ohinoonjereravottho mawu mamodda. Miyaano kinapaalla wi weyaano ni Ziba mukawane eyuuma ya Saulo.”

2 Samuele 21:7

Koma mwenooyo aamuvittha Mefibosheti, mwaana a Yonatani, mwaana a Saulo ekaamba ya ollupella wulle Davide eerilleeye ni Yonatani mwaana a Saulo vamiitthoni va Apwiya.