2 Samuele 9:10 - Mawu a Mulluku

¹⁰ Vano weyaano ni anaawo ni oorumeyellaawo mumullimelleke olliyoolla nave muweekena ddoohata ddoomata wi nibanja na apwiiyo mukhalle yoocha. Koma Mefibosheti anaacheke ni miyaano mallapo mattheene.” Ziba aari ni anamwani aallopwana khumi ni atthanu nave oorumeyellaaye yaari 20.

2 Samuele 9:10 ပူးပေါင်းရင်းမြစ်များ

2 Samuele 9:7

Davide aamulleella wi, “Ohoove. Kinapaalla wi kiweerelle echifundo ekaamba ya Yonatani, attiittho. Kineerewuuhokollosella ellapo ettheene ya apwiiyo Saulo. Onaacheke ni miyaano mallapo mattheene.”

2 Samuele 19:28

Vallethi athu attheene a munibanjani na attiitthaaka yaari oophwanella wiiphiwa ni nyu apwiyaaka amwene. Koma mi oorumeyellaanyu mwaakitthoolla wi kicheke nimodda ni nyuwaano. Vano ehanlle tti tini wi kuuvekeni mukeerelle echifundo, nyu amwene?”

Luka 14:15

Mmodda a athu ayo yacha ni Yesu iiwalleeye mawaalla aallota ni Yesu wi, “Oodalisiwa tti muthu anaawe akhallevo vamachellelloni mu omwene wa Mulluku.”

2 Mamwene 25:29

Sika Yehoyakini aarulla ddoowara ddaye ddoondende nave nllapo ni nllapo aanacha ni mwene va okumaaye muttheene.

2 Samuele 16:3

Vano mwenooyo aakoha wi, “Ethiyo mwaana a apwiiyo ahanlle wuuwi?” Ziba ahaakhulla wi, “Ahanlle o Yerusalemu vawi anallota wi, ‘Vano Aisraele aakihokollosella omwene wa attiitthaaka.’ ”

2 Samuele 21:7

Koma mwenooyo aamuvittha Mefibosheti, mwaana a Yonatani, mwaana a Saulo ekaamba ya ollupella wulle Davide eerilleeye ni Yonatani mwaana a Saulo vamiitthoni va Apwiya.

1 Mamwene 2:7

“Koma oweerelle echifundo anamwani a Barizilai a o Giliyadi nave owaakhullelle wi alliwattho echeke ni weyaano vawi yaakeerella echifundo kikumannena kamuthaweemi mwanamunno Abishalomu.

Yeremiya 52:34

Nllapo ni nllapo mwene a o Babiloni aanamuvaha Yehoyakini erive ello apaalleeye ophiyera okhwa waye.

2 Samuele 19:18

Vano yahaallapusa attheene a mu nibanja na mwene nave yaheera ddittheddene ddoomuhakallalliha mwenooyo. Vano mwenooyo ariiye vakhuviru ollapuwa muhinje wa Yordani, Shimei mwaana a Gera, ahiivokhella vatthi vamiitthoni va Davide.