2 Samuele 8:6 - Mawu a Mulluku

⁶ Vatulli viwa Davide aatthipella misasa ddakhoto o Damasiko mu ellapo ya Siriya. Nave Asiriya yaakhalla oorumeyella a Davide nave yahaamba okhoma musonkho wa olliye. Sika Apwiya yaanampambaniha orive weko ayeeyewo.

2 Samuele 8:6 ပူးပေါင်းရင်းမြစ်များ

2 Samuele 8:14

Vano aatthipella misasa ddakhoto virive veko mu ellapo ya Edomu. Mu Edomu mutthemwene mwaakhalla misasa ddakhoto, sika Aedomu attheene yaakhalla oomurumeyella Davide. Vano Apwiya yaanampambaniha Davide orive weko ayeeyewo.

Masalimo 140:7

Nyu Apwiya, Apwiyaaka, oovullusaaka amasiva, mooteteza okumaaka va nllapo neekhoto.

2 Epilli 17:2

Aahiya milloko dda ekhoto mu mizinda dda mipanda ddittheddene dda Yuda nave aatthipella misasa ddakhoto mu ellapo ya Yuda ni o mizinda dda Efuremu nnddo attiitthinnya yaakhilliiwa.

2 Samuele 7:9

Nave kaari ni weyaano orive weko wayeewewo nave kahaagonjiha adanaawo attheene weyaano woonaka. Vano kineerewuuvuwiha wonanko athu oovuwesesa va ellapo yavatthi.

Miyambo 21:31

Kavalo annakhozekelliwa nllapo noowana ekhoto koma Apwiya sika enamupambaniha.

1 Epilli 18:13

Vano aatthipella misasa ddakhoto mu Edomu virive veko mu ellapo ya Edomu nave Aedomu attheene yaakhalla oomurumeyella Davide. Vano Apwiya yaanampambaniha Davide orive weko ayeeyewo.

2 Samuele 23:14

Enthawi yeeyo Davide aari munikhunguni mulle nave mulloko wakhoto wa Afilisti waari o Betelehemu.

2 Samuele 8:2

Davide ahaagonjihattho Amowabu. Ahaalamula wi ekonaatthi vatthi m'mizereni miraru orive mulloko. Nave orive mulloko aanawiipha athu ayo yaari m'mizereni miilli ddawaamba anaahiya athu a muzere waneeraru. Sika Amowabu attheene yaakhalla akaporo a Davide nave yahaamba okhoma musonkho wa olliye.

2 Samuele 3:18

Vano enthawi yaweera ddennddo tti yeella. Valle Apwiya yaamulonjeza Davide wi, ‘Kineerewaavullusa athwaaka Aisraele m'mattani mwa Afilisti oweella mwa oorumeyellaaka ni m'mattani mwa adaniiwa attheene.’ ”

1 Samuele 14:15

Vano Afilisti attheene yahaapheella miru ni woova wuullupalli. Akhoto a omisasani wulle ni awoononga yaatthukumella wunchichi. Ellapo yaatikheya nave otikheyanko wahoonjerera woova wa Afilistaalle.

1 Samuele 14:6

Yonatani aamulleella musombwaayoolle wi, “Hanko nillapuwe niye omisasani dda akhoto a Afilisti oohiphaddiwaalla. Apaalle Apwiya ttuunikavihera. Vawi kheyiivo yowaavaanyiha Apwiya onikavihera wi naagonjihe naari nihaatille.”

1 Samuele 14:1

Nllapo nimodda Yonatani mwaana a Saulo, aamulleella musombwe oyo atukhulla ezipangizo ddaye ddakhoto wi, “Hanko nillapuwe niye omisasani dda akhoto a Afilisti okhopella wulle.” Koma khaawaalleelle attiitthinnya.

1 Samuele 13:3

Yonatani aamwiipha akhoto muullupalli a Afilisti oyo aari o Geba nave Afilisti yahiiwa ddenndda. Saulo ahaaruma athu wi yiipe nipallapata ellapo ettheene waallella Aheberi wi yiiwe yeereyilleeyo nave eye okhotoni.

2 Samuele 8:7

Nave Davide aayaana o Yerusalemu ezishango ddagolide nnddo ddatukhulliwa ni oorumeyella a Hadadezere.

2 Samuele 10:19

Vano mamwene mattheene ayo yamurumeyella Hadadezere, yoonilliiwa wi aagonjihiwa ni Aisraele, yaakeraatthiha murendelle nave yahaamba waarumeyella Aisraelaayo. Sika Asiriya yaanoova waakavihera Aamoni.

1 Mamwene 4:21

Solomoni aanalamulella moomwene mattheene ovenyera o muhinje wa Yufurate ophiya o ellapo ya Afilisti, o malire a Iguputo. Moomwene mattheene yaanakhoma misonkho ni omurumeyella Solomoni mallapo mattheene a okumaaye.

2 Samuele 5:10

Vano Davide aavirellella okhalla ni masiva manchichi vawi Apwiya Amasiva Mattheene yaari ni olliye.

2 Mamwene 1:1

Mwene Ahabu a o Israele akhwille, Amowabu yahaawukila Aisraele.

2 Mamwene 3:4

Khalle Mesha, mwene a o Mowabu aanaweta enkhosa. Nave orive muyakha aanakhoma musonkho wa mwene a o Israele voovelleellani asaanaankhosa 100,000 ni mapururu a anankhoro ankhosa 100,000.

2 Mamwene 14:28

Vano mitteko ddimodda dda Yerobowamu ni ddittheddene enreeye dda masivaaye mmo awanelleeye ekhoto navettho mmo agonjihelleeye mizinda dda Damasiko ni Hamati aahokollosella Aisraele, ddittheddenennddo ddoolembiwa mu nibukhu na epilli ya mamwene a o Israele.

2 Mamwene 18:7

Sika ekaambiiwa Apwiya yaariiwa ni olliye nave orive wenko eeteeye, ddaanamweetella phaama. Hezekiya aamuwukila mwene a o Asiriya mwawi khaamurumeyellattho.

Masalimo 60:10

Khemuhiyo nyu Mulluku oyo munitathillalle? Tti nyu Mulluku muhiyalle waavelleella akhotwaahu.