2 Samuele 8:18 - Mawu a Mulluku

¹⁸ Benaya mwaana a Yehoyada, aari enduna yowaawehera Akereti ni Apeleti. Anamwani a Davide yaari allupa mukuthwaaye.

2 Samuele 8:18 ပူးပေါင်းရင်းမြစ်များ

1 Samuele 30:14

Naahella ekhoto omwera wa ellapo ya Yuda ni ellapo dda Akereti owaaka ni echigawo ya Akalebe. Nave naahella munllo etawoni ya Zikilagi.”

1 Epilli 18:17

Benaya, mwaana a Yehoyada, aari enduna yowaawehera Akereti ni Apeleti. Nave anamwani a Davide yaari enduna dduullupalli ddoomurumeyella mwene.

2 Samuele 20:23

Yowabu aanalamulella mulloko muttheene wa wakhoto wa Israele. Nave Benaya, mwaana a Yehoyada, aanalamulella Akereti ni Apeleti.

2 Samuele 20:7

Sika Abisayoolle ni akhoto a Yowabu, Akereti ni Apeleti ni athu attheene amasiva yaakhuma mu Yerusalemu omuthwara Sheba, mwaana a Bikiri.

2 Samuele 15:18

Davide ahiimella anawoona athu akhoto ayo aariiyena eviraka vamiitthoni vaye nave oomuweheraaye, Akereti ni Apeleti, owaakattho Agiti 600 ayo yamuthwanre ovenyera o Gati, yaanavira vamiitthoni vaye.

1 Mamwene 1:44

Ahaarumiha mullupa mukutho Zadoki, namallotella Natani, Benaya mwaana a Yehoyada, Akereti ni Apeleti emuwellihe va bulu a mwene.

1 Mamwene 1:38

Vano Zadoki, Natani, Benaya mwaana a Yehoyada, Akereti ni Apeleti, yaamuwelliha Solomoni va bulu a Davide emuvelleella o Gihoni.

Zefaniya 2:5

Otulli nyu okhalla ellapo ya o enyanja, nyu mutundu wa Akeretinu! Nyu athu a o Kanani, ellapo ya Filisti, mawu a Apwiya ennuuhumullullani wi “Kineerowoonongani attheene khavihalla naari muthu mmodda.”

Ezekiele 25:16

Ekaamba ya yeella Afilistaayo kineerewaallaka ni nnatta naka. Kineerewaatthollosa Akereti ni amodda attheene ookhalla mukhwipi mwa enyanja.

1 Mamwene 4:4

Benaya mwaana a Yehoyada aari akhoto muullupalli, Zadoki ni Abiyatara yaari allupa mukutho,

2 Samuele 20:26

Nave Ira Muyairi olliyettho aari mullupa mukutho a Davide.

1 Mamwene 1:8

Koma mullupa mukutho Zadoki, Benaya mwaana a Yehoyada, namallotella Natani, Shimeyi, Reyi ni akhoto amasiva a Davide kheyaamuthwanre Adoniya.

1 Mamwene 2:25

Sika mwene Solomoni aamurumiha Benaya mwaana a Yehoyada nave aamuukutha Adoniya akhwa.

1 Epilli 11:22

Nave Benaya mwaana a Yehoyada a o Kabizeele aari muthu oollipa murima nave aphara mitteko dduullupalli. Olliye aawiipha akhoto eelli oovuwa a o Mowabu nave ahiipha mukango mu nlliti enthawi yooriirya.

1 Mamwene 4:5

Azariya mwaana a Natani aari muullupalli a athu oolamulella ezigawo. Zabudu mwaana a Natani aari mullupa mukutho ni mulangizi a mwene Solomoni.

2 Mamwene 11:4

Koma muyakha waneetthanu ni piilli, mullupa mukutho nnddina naye Yehoyada aawiithaniha oohoollella a akhoto oomuwehera mwene ni a alonda a o enyumba yoomwene. Nave Yehoyada aakumana mu enyumba ya Apwiya. Vano aakeraatthiha echipangano, ahaallupelliha mu enyumba ya Apwiya. Sika aawooniha mwaana a mwene.