2 Samuele 8:14 - Mawu a Mulluku

¹⁴ Vano aatthipella misasa ddakhoto virive veko mu ellapo ya Edomu. Mu Edomu mutthemwene mwaakhalla misasa ddakhoto, sika Aedomu attheene yaakhalla oomurumeyella Davide. Vano Apwiya yaanampambaniha Davide orive weko ayeeyewo.

2 Samuele 8:14 ပူးပေါင်းရင်းမြစ်များ

Genesis 27:29

Athu yuurumeyelleke, mitundu dda athu dduukokhorelleke. Okhalle oolamulella variyari va abalaawo. Navettho edduullu dda amaayo dduukokhorelleke. Etembeleliwe attheene aawuutembelela weyaano nave edalisiwe attheene anuudalisa weyaano.”

2 Samuele 8:6

Vatulli viwa Davide aatthipella misasa ddakhoto o Damasiko mu ellapo ya Siriya. Nave Asiriya yaakhalla oorumeyella a Davide nave yahaamba okhoma musonkho wa olliye. Sika Apwiya yaanampambaniha orive weko ayeeyewo.

Genesis 25:23

Apwiya yaallota wa oolliye wi, “M'mirimani mwawo muri mitundu miilli dda athu. Oneeroyara mitundu dda athu ddoollipana, mwaana mmodda anaakhalle amasiva omukhwaranya mukhwaaye, muullupalli aneerekomurumeyella mung'onong'ono.”

1 Epilli 18:13

Vano aatthipella misasa ddakhoto mu Edomu virive veko mu ellapo ya Edomu nave Aedomu attheene yaakhalla oomurumeyella Davide. Vano Apwiya yaanampambaniha Davide orive weko ayeeyewo.

1 Mamwene 22:47

Mallapo yaayo o Edomu khewaari mwene koma enduna yuullupallive yookeratthihiwa ni mwene a o Yuda.

2 Samuele 8:15

Vano Davide aalamulella ellapo ettheene ya Israele nave aaneetiha ddittheddene mweechilungamo ni moohiweha ekhove.

1 Mamwene 11:15

Vawi khalle Davide aariiye mu Edomu, Yowabu, akhoto muullupalli aaya wenko wi aavuhelle Aisraele awiiphiwa. Nave aawiipha allopwana attheene a o Edomu

2 Samuele 5:10

Vano Davide aavirellella okhalla ni masiva manchichi vawi Apwiya Amasiva Mattheene yaari ni olliye.

2 Samuele 7:9

Nave kaari ni weyaano orive weko wayeewewo nave kahaagonjiha adanaawo attheene weyaano woonaka. Vano kineerewuuvuwiha wonanko athu oovuwesesa va ellapo yavatthi.

1 Mamwene 22:48

Vano Yehoshafati aapanga esitima dduullupalli ddooyaana o Ofiri woomukusa golide. Koma esitimannddo kheddeetille ekaamba yawi ddahoonongeya o Eziyoni Gebere.

2 Mamwene 14:7

Vano Amaziya aawiiphattho Aedomu 10,000 o ntapo na Mwiinyu, aakha muzinda wa Shela nave aawuromolla nnddina nawi Yokitele nave nnddina niwa tti nenno ophiyera ollello.

2 Mamwene 18:7

Sika ekaambiiwa Apwiya yaariiwa ni olliye nave orive wenko eeteeye, ddaanamweetella phaama. Hezekiya aamuwukila mwene a o Asiriya mwawi khaamurumeyellattho.

Masalimo 60:1

Nyu Mulluku moonitathilla, moonoonongella ooniteteza, moonillutuwella, nihokolloselleni mwakhalle.