2 Samuele 7:8 - Mawu a Mulluku

⁸ Sika vano wamulleelle oorumeyellaaka Davide wi mi Apwiya Amasiva Mattheene kinallota wi, ‘Kahuukusa woochiha enkhosa wi okhalle mwene owaalamulella athwaaka, Aisraele.

2 Samuele 7:8 ပူးပေါင်းရင်းမြစ်များ

2 Samuele 12:7

Natani aallota wa Davide wi, “Muthooyothi tti nyuwaano. Apwiya Mulluku a Israele, enallota wi, ‘Miyaano kahuuzoza wi okhalle mwene a Aisraele nave kahuuvullusa m'mattani mwa Saulo.

2 Samuele 6:21

Davide aamwaakhulla Mikala wi, “Koheera ddenndda mowaatitimiha Apwiya ayo yakitthoollille miyaano waakhwaranya attiittho ni nibanja niwa nittheene. Nave aakeera wi kikhalle mwene a Aisraele, athu a Apwiya. Sika kineerekohakallalla ni waariiha Apwiya.

1 Epilli 17:7

“Sika vano wamulleelle oorumeyellaaka Davide wi mi Apwiya Amasiva Mattheene kinallota wi, ‘Kahuukusa woochiha enkhosa wi okhalle mwene owaalamulella athwaaka Aisraele.

1 Samuele 10:1

Vano Samuele aakusa yookusella makhura, aahella makhuraayo va muru va Saulo amukhupaarella allota wi, “Apwiya ahuuzoza wi okhalle mwene a athwaaye, Aisraele. Oneerewaalamulella athu a Apwiya ni waavullusa wa adaniiwa attheene. Echizindikiro yawi Apwiya ahuuzoza wi okhalle mwene a yoohallanaaye tti yawi,

1 Samuele 9:16

“Osiisello enthawi wonanko yeella kinneerewuurumihella muthu ovenyera o nlloko na Benjamini, omuzoze ni makhura a olivi vamuru vaye wooniha wi anaakhalle mwene aathwaaka, Aisraele. Aneerewaavullusa athu wa Afilisti. Kohoona ollakiwa wiwa nave kohiiwa winlla wiwa.”

Mitteko 7:46

Mulluku aamukonda Davide nave olliyooyo aamukoha Mullukooyo wi amwaakhullelle wi am'makelle enyumba Mulluku a Yakobo.

1 Samuele 2:8

Ennaavenyiha athu oohoowa vaddallani, yaakeraatthiha vamodda ni mamwene, ewinnya mpando woolemu. Matthipellello mattheene a ellapo yavatthi tti a Apwiya, yaakeraatthiha ellapo yavatthi va matthipellellwaayo.

2 Samuele 23:1

Mawu ookomihera a Davide tti awi, nna sika nchipo na Davide, mwaana a Yese, mawu a muthu oyo Apwiya yamweerilliiwa wi akhalle muullupalli oyo Mulluku a Yakobo amuzozilleeye wi akhalle mwene, muthu ooddivelliwa wiipa machipo aphaama a Israele.

2 Samuele 24:17

Davide aamoona mungeloolle nave aallota ni Apwiya wi, “Mi sika kichimwalle nave koheera ddoonanara. Koma enkhosanndda ddilakwille tini? Vano nnatta nanyu nikillake mi ni nibanja na attiitthaaka.”

1 Mamwene 3:6

Nave Solomoni ahaakhulla wi, “Mwaahooniha echikondi yuullupalli ni yoohisintheya wa attiitthaaka Davide, oorumeyellaanyu kaambiiwa yaari oororomelleya, eechilungamo ni aphaama vamiitthoni vanyu. Nave mwaavirellella owooniha echikondi yuullupalli ni yoohisintheya vawaavahani mwaana oyo vano akeraatthille va mpandwiiwa woomwene.

1 Mamwene 8:16

Yaallota wi, ‘Ovenyera nllapo nno kaakhumihalleemi Aisraele, athwaaka mu Iguputo, ngawuutthoonlle orive muzinda variyari va malloko mattheene a Aisraele wi mumakiwe enyumba yoollapellamo nnddina naka. Koma kaamutthoolla Davide wi aalamulelleke athwaaka Aisraele.’ ”

1 Epilli 21:17

Nave Davide aallota wa Mulluku wi, “Ethiyo ngihiyo mi kalamulalle wi aweerenge athu? Mi sika kichimwalle nave koheera ddoonanara. Koma enkhosanndda ddilakwille tini? Kinavekella wa nyu Apwiya Mullukwaaka wi nnatta nanyu nikillake mi ni nibanja na attiitthaaka koma ohiri naallake athwaanywaalla.”

2 Samuele 5:2

Ovenyera khalle naari Saulo aariiye mwenaahu nyuwaano mwaanaahoollella Aisraele okhotoni. Nave Apwiya yaallota ni nyuwaano wi, ‘Oneerokhalla wonanko mbusa a athwaaka Aisraele nave oneerokhalla mwene a Aisraele.’ ”

2 Samuele 14:13

Mutthiyanoolle aakoha wi, “Kaambiiwa tini munaganizeenyu oweerella ddeko ddawi ddiidda athu a Mulluku? Vawi mweera ddiidda munaddiipa mullatu nyookha kaambiiwa khamumwiithanille awiikariwoolle wi ahokollweelle owaniwa.

Amosi 7:15

Apwiya yaarimakikusa ekihiiha muttekwaaka woochiha enkhosa ekilleella wi, ‘Khawe wallotelle wa athwaaka, Aisraele.’