2 Samuele 7:7 - Mawu a Mulluku

⁷ M'mapuroni mattheene keetilleemi ni Aisraele, ethiyo kaambilleke ollota wa mmodda a oweeruza a Aisraele, ayo kaalamulalleemi wi yaawehereke athwaaka wi kaambiiwa tini ehikimakenlliiwa enyumba ya miteekho ddamukunguza?’

2 Samuele 7:7 ပူးပေါင်းရင်းမြစ်များ

1 Epilli 17:6

M'mapuroni mattheene keetilleemi ni Aisraele, ethiyo kaambilleke ollota wa mmodda a oweeruza a Aisraele, ayo kaalamulalleemi wi yaawehereke athwaaka wi kaambiiwa tini ehikimakenlliiwa enyumba ya miteekho ddamukunguza?’ ”

2 Samuele 5:2

Ovenyera khalle naari Saulo aariiye mwenaahu nyuwaano mwaanaahoollella Aisraele okhotoni. Nave Apwiya yaallota ni nyuwaano wi, ‘Oneerokhalla wonanko mbusa a athwaaka Aisraele nave oneerokhalla mwene a Aisraele.’ ”

Mitteko 21:28

Yaakhuwa wi, “Aisraele nyu! Nikavihereni, olla sika muthu olle ayiille virive veko ahuddihaka ddawaavaanyiha Aisraele, malamulo a Mose ni enyumba ya Mulluku. Navettho ohaavollochiha athu ayo ehiri Aisraele mu enyumba ya Mulluku nave anaripiha nipuro noopatuleyanna!”

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Mateyu 2:6

‘We Betelehemu mu echigawo ya Yudeya, ori muullupalli variyari va matawoni a mu Yudeya. Oohoollella anawa avenyera mwa weyaano, oyo anaahoollelle athwaaka Aisraele wonanko mbusa.’ ”

Mika 5:4

Olliye aneerollipihella nave ochiha enkhosa ddaye mwamasiva a Apwiya ni ntitimiho na nnddina na Apwiya Mullukwaaye. Nave eneerokhalla m'murendelleni vawi ottekweenaaye oneerokeraattheya va ellapo yavatthi ettheene.

Ezekiele 34:23

Kineerewakeraatthihella mbusa mmodda, oorumeyellaaka Davide. Olliye sika anaaddipwathe nave aneerokhalla mbusiiwa.

Ezekiele 34:15

Miyaano mwaneenaka kineerokhalla mbusa a enkhosa ddaka. Nave kineeroddivullusa. Mi Apwiya Mulluku koollota.

Ezekiele 34:2

“We mwaana a muthu, llalleya mawu awaavaanyiha abusa a Aisraele. Llotella nave llota waalleelle wi, ‘Nnddo enallota Apwiya Mulluku tti ddawi, otulli wa nyu abusa a Aisraele, nyu muniipwatha nyookha. Ethiyo keesa abusa enaphwanella opwatha enkhosa?

Yeremiya 23:4

Kineeroddihiyera abusa ooddiwehera phaama nave kheddiwa ddoovattho apaalle woopopiheya apaalle ohollowa. Mi Apwiya koollota.”

Yeremiya 3:15

Wenko kineerewuuvahani abusa a vamurimani vaka. Eneerewuuhoollellani mweezeru ni mwawiiwesesa.

Yesaya 40:11

Eneeropwatha enkhosa ddiwa wonanko mbusa, eneerewaatthukumaniha anamwanankhosa ni waakhupaarella, eneeroddihoollella phaama enkhosa ddawaamwiha.

Deuteronomo 23:14

Misasa ddanyu ddikhalleke ddaweella ekaamba yawi Apwiya Mullukwaanyu eneeta variyari va misasannddo wi yuutetezeni ni wuupambanihani wa adanaanyu. Sika m'misasani mwanyu mukhalleke mwaweella wi Apwiya ehoone erive ello yoonanara ni wuunyanyallani.”

1 Petro 5:1

Miyaano, muttekweene, kinaaveka attekweene a mipingo ddanyu. Mi tti mboni a ohoosiwa wa Khrisitu nave kineerewaakhellana ntitimiho nno nnuupullulliwe. Kinuuvekani wi

1 Epilli 11:2

Khalle Saulo aariiye mwene, mwaanaahoollella Aisraele okhotoni ni ohokollowanattho. Nave Apwiya Mullukwaanyu yaallota ni nyuwaano wi, ‘Oneerokhalla wonanko mbusa a athwaaka, Aisraele nave oneerokhalla mwene a athwaaka, Aisraele.’ ”

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?