2 Samuele 7:2 - Mawu a Mulluku

² Vano aallota wa namallotella Natani wi, “Mi kinakhalla mu enyumba yoomwene yoomakiwa ni miteekho ddamukunguza koma nibokosi na echipangano na Apwiya ninakhalla m'musasani.”

2 Samuele 7:2 ပူးပေါင်းရင်းမြစ်များ

2 Samuele 5:11

Nave Hiramu, mwene a o Tiro, ahaarumiha amithenga wa Davide ni miteekho ddamukunguza vamodda ni athu eeruso yoodduwella omaka voopharihellani mutteko malluku ni matabwa wi yamumakelle enyumba yoomwene.

2 Samuele 12:1

Vatulli viwa Apwiya yaamuruma namallotella Natani wa Davide, aamulleella niphwanaphwaniho nawi, “M'muzindani mmodda mwaakhalla athu eelli, mmodda eeyuuma, mmodda oohoowa.

Mitteko 7:46

Mulluku aamukonda Davide nave olliyooyo aamukoha Mullukooyo wi amwaakhullelle wi am'makelle enyumba Mulluku a Yakobo.

Yohane 2:17

Vano oohudderaaye yahuupuwella wi mawu a Mulluku enallota wi, “Echikondaaka va enyumbaanyu oneerokoononga miyaano.”

Hagai 1:4

“Ethiyo ddenndda tti ddaphaama wi nyuwaano mukhalleke mu enyumba ddoomakiwa phaama, enyumbaaka eri ntepe ddiidda?

1 Epilli 29:29

Vano mitteko dda mwene Davide ovenyera vawaamba ophiyera omamallihello wiwa ddoolembiwa mu nibukhu na epilli ya namallotella Samuele ni mu nibukhu na epilli ya namallotella Natani ni mu nibukhu na epilli ya namallotella Gadi.

1 Epilli 16:1

Vano athu yaawaana nibokosi na Mulluku nave yaanihiya va nipuro niwa muwari mwa musasa atthipenlle Davide. Vano yaavelleella mikutho ddooshellelliha ni dda eyaattano wa Mulluku.

Masalimo 132:5

ophiyera kaaphwanyenlle Apwiya nipuro, mookhalla Amasiva Mattheene a Yakobo.”

2 Epilli 1:4

Koma Davide aawaana nibokosi na echipangano na Apwiya ovenyera o Kiriyati Yearimu aphiyana o nipuro nko akhozilleeye vawi aanitthipellella musasa o Yerusalemu.

1 Epilli 14:1

Nave Hiramu, mwene a o Tiro ahaarumiha amithenga wa Davide ni miteekho ddamukunguza vamodda ni athu eeruso yoodduwella omaka voopharihellani mutteko malluku ni matabwa wi yamumakelle enyumba yoomwene.

2 Samuele 7:17

Natani aallota ni Davide moollikana ni mawaalla nave ni mmo oonilleeye m'masomphenya.

2 Samuele 6:17

Vano athu yaawaana nibokosi na Apwiya nave yaanihiya va nipuro niwa muwari mwa musasa atthipenlle Davide. Vano yaavelleella mikutho ddooshellelliha ni dda eyaattano wa Mulluku.

Eksodo 40:21

Nave aahiya nibokosinno m'musasanimmo nave aatthomeya ekatani yootchingella. Mwawi aatchinga nibokosi na echipangano moollikana ni mmo Apwiya yamulamulelliiwa.

2 Samuele 11:11

Uriya aamulleella Davide wi, “Nibokosi na echipangano, Aisraele ni Ayuda eri m'musasani. Nave apwiyaaka Yowabu ni akhoto a mwene enakona ohakani. Vano miyaano kiye owaani wi kache ni owirya nave kakone ni mwaaraka? Kinimallupella miyaano ngini keere ddennddo.”

1 Mamwene 1:22

Vano Batesheba allotaka ni mwene, namallotella Natani aaphiya.

1 Mamwene 8:17

Nave Solomoni aavirellella wi, “Attiitthaaka Davide yaaganiza ddoomaka enyumba ya Apwiya mowaallapellellamo Apwiya Mulluku a Aisraele.

1 Epilli 22:7

Davide aallota wa Solomoni wi, “Mwanaka, mi kaganiza m'murimani mwaka wi kaamakelle enyumba Apwiya Mullukwaaka.

2 Epilli 9:29

Ethiyo vano mitteko ddimodda ddittheddene dda Solomoni ovenyera vawaamba ophiyera omakuthullello, kheddilembiwe mu epilli ya namallotella Natani ni mu nibukhu na oollohella Ahiya Mushiloni navettho mu nibukhu ninallota nnddo oollohella Ido addoonilleeye masomphenya dda Yerobowamu mwaana a Nebati?

2 Epilli 29:25

Vano ahaahiya Alevi o enyumba ya Apwiya ni ezida ddawiipella machipo moollikana ni lamulo na Davide ni namallotella Gadi, oollohella a mwene, ni namallotella Natani. Vawi lamulo nenno tti na Apwiya oyeella mwa anamallotelliiwa.

1 Mamwene 1:8

Koma mullupa mukutho Zadoki, Benaya mwaana a Yehoyada, namallotella Natani, Shimeyi, Reyi ni akhoto amasiva a Davide kheyaamuthwanre Adoniya.

1 Mamwene 4:5

Azariya mwaana a Natani aari muullupalli a athu oolamulella ezigawo. Zabudu mwaana a Natani aari mullupa mukutho ni mulangizi a mwene Solomoni.

Masalimo 132:2

Aallupella wa Apwiya, aalonjeza wa Amasiva Mattheene a Yakobo wi,