2 Samuele 7:18 - Mawu a Mulluku

¹⁸ Vano Davide aavollowa mumusasani wowaallapellamo Apwiya. Akeraatthi anavekella allotaka wi, “Nyu Apwiya Mulluku, mi kiri aani nave nibanja naka tti tini wi mooniphiyiha vaava?

2 Samuele 7:18 ပူးပေါင်းရင်းမြစ်များ

Masalimo 8:4

kinniikoha wi, “Muthu ttaani wi mumuupuwelleke? Muthu ttaani wi mumpwatheke?”

1 Epilli 17:16

“Nyu Apwiya Mulluku, mi kiri aani nave nibanja naka tti tini wi mooniphiyiha vaava? Vano mwene Davide aavollowa m'musasani moollapellamo. Ahaamba ollapella vamiitthoni va Apwiya nave aavekella wi miyaano khe ello vooganizellani nnddo mweerilleenyu wa miyaano navettho o nibanja naka.

1 Samuele 18:18

Vano Davide aamukoha Saulo wi, “Mi kiri aani nave miyaano ni nibanja na makhollwaaka nineesiwa aani mu ellapo ya Israeleella wi miyaano kikhalle mukamwene a amwene?”

Genesis 32:10

Miyaano ngiphwanenlle waakhella echikondi yoohisintheya ni echikhulupililo yoororomelleya mukoonihalleenyu mi oorumeyellaanyu. Kamullapuwalle Yordani kihinna erive ello koma kaarina ekopove koma vano kinahokollowa ni milloko miillinndda.

Eksodo 3:11

Koma Mose aakoha wi, “Ethiyo mi kiri aani wi ttuuwora oya wa Farao ni waakhumiha Aisraele o Iguputo?”

1 Samuele 15:17

Samuele aallota wi, “Naari muddoonaka wi muri oohipaalleya wunchichi vamiitthoni va athu koma muri oohoollella malloko mattheene a Aisraele. Apwiya yahuuzozani wi mukhalle mwene owaalamulella Aisraele.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

Oweeruza 6:15

Gideoni ahaakhulla wi, “Nyu Apwiya, kinaawore mwawiidde waavullusa Aisraele? Erukullwaahu tti yoofooka wunchichi mu nlloko na Manase nave miyaano tti mung'onong'ono munibanjani mwahu.”

1 Samuele 9:21

Saulo ahaakhulla wi, “Mi tti a nlloko na Benjamini, nlloko ning'onong'ono variyari va malloko mattheene Aisraele. Nibanja naka tti nibanja ning'onong'ono mu nlloko na Benjamini. Kaambiiwa tini munakillotelleenyu ddawi ddiidda?”

Yesaya 37:14

Hezekiya aamwaakhella kalata ovenyera wa amithengaalle nave aamweerenga. Vaavo aaya o enyumba ya Apwiya amuhiya kalatooyo mwemmo vamiitthoni va Apwiya

2 Samuele 7:17

Natani aallota ni Davide moollikana ni mawaalla nave ni mmo oonilleeye m'masomphenya.

Genesis 32:11

Kinimuuvekani, kivulluseni o masiva a mwanamunnaka Esau. Kinoova wi apaalle anaweella okihella ekhoto nave attheenehi aneeroniipha ni atthiyana ni anamwanaalla.

Rute 2:10

Vano Rute aakokhora, apopheya ekhovaaye vatthi nave aakoha wi, “Kaambiiwa tini mukeerelleenyu echifundo ni opwatha dda miyaano, mulleto?”

2 Samuele 23:5

Vano Mulluku aneerodalisa edduullu ddaka kaambiiwa olliye aheera echipangano yoohimalla ni miyaano. Echipangano yootthopoowa phaama ni yoohimalla. Nndda sika kinakhallelleemi munkhella nave sika ddinaakivulluse, Mulluku sika anaaweere ddenndda.

1 Epilli 29:14

“Koma mi kiri aani nave athwaaka eri aani wi ttuuwora ovelleella mwa opaalla wahu? Valle ddeko ddittheddene ddinavenyera wa nyuwaano nave ninavelleellaahu tti ddaanyu.