2 Samuele 7:16 - Mawu a Mulluku

¹⁶ Vano kineerokeraatthiha nibanja nawo ni omwenaawo wa enthawi yoohimalla vamiitthoni vaka. Ddawoona, kinallota wi omwenaawo oneerokhalla wa enthawi yoohimalla.’ ”

2 Samuele 7:16 ပူးပေါင်းရင်းမြစ်များ

2 Samuele 7:13

Yooyo sika anaakimakelle enyumba nave kineerokeraatthiha mpando wa omwenaaye wa enthawi yoohimalla.

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Masalimo 45:6

Nyu Mulluku, mpandwaanyu woomwene tti wa enthawi yoohimalla, munneeruza moolungama mu omwenaanyu.

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Aheberi 1:8

Dda Mwanaye, Mulluku allotille wi, “Nyu tti Mulluku, omwenaanyu onaakhalle wa enthawi yoohimalla! Munalamulella va athwaanyu mwa echilungamo.

Yohane 12:34

Athwaalle yaamwaakhulla wi, “Nahiiwa hiyaano m'malamuloni wi Mesiya* aneerokhalla ni okumi woohimalla. Sika kaambiiwa tini nyuwaano munallotelleenyu wi Mwaana a Muthu anaphwanella otthomeyiwa vamutandani? Mwaana a Muthu yoolla ttaani?”

2 Mamwene 19:34

Kineerowaakihera ni owuteteza muzindoolla ekaamba ya ntitimiho naka navettho echipanganwaaka ni Davide oorumeyellaaka.”

Masalimo 72:5

Athu eneerewuullapellani wa mibado ddittheddene, erive enthawi nndduwa naawoopaka ni mweeri waawalaka muddullu.

Mateyu 16:18

Sika kinuuvaha nnddina nawi Petro ottaphullella wi, ‘nlluku’. Vanllukuni vaava kineeromakavo mpingwaaka nave masiva a okhwa khewugonjiha.

1 Samuele 25:28

Pepaani mukhululukelle machimo a miyaano kaporwaanyu. Ddawoona, Apwiya eneerokeraatthiha nibanja nanyu mu omwene vawi munnamuwanella ekhoto. Nave yoonanara khephwanyeya mwa nyuwaano okumaanyu muttheene.

2 Samuele 7:17

Natani aallota ni Davide moollikana ni mawaalla nave ni mmo oonilleeye m'masomphenya.

1 Mamwene 9:5

vaavo kineerokeraatthiha mpandwaawo woomwene wowaalamulella Aisraele wa enthawi yoohimalla monga kalonjezilleemi wa Davide attiittho wi, ‘Khaviwa virama muthu a mu nibanja nawo oyo anaakhalleke va mpando woomwene nave analamulella Israele.’

Masalimo 89:4

‘Kineerokeraatthiha edduullu ddawo wa enthawi yoohimalla, kineerosungella mpandwaawo woomwene mibado ddittheddene.’ ”

Yeremiya 17:25

Mwathwara ddenndda va millako ddenndda vinaavollewelleke mamwene ookhalla va mpando woomwene wa Davide. Enaavolloweke ewenlle va magareta ni va akavalo vamodda ni enduna ddiwa navettho athu a o Yuda ni a o Yerusalemu. Nave athu eneerokeraattheya mu muzinda yoolla wa enthawi yoohimalla.

Yeremiya 33:17

Ddawoona, miyaano Apwiya kinalonjeza wi Davide khawa arama edduullu yoovollowa munipuroni mwaye va mpandwaaye woomwene wa Israele.

2 Samuele 22:51

Mulluku annamupambaniha wunchichi mwenaaye, annooniha echikondaaye yoohisintheya wa oozoziwaaye,* wa Davide ni edduullu ddaye wa enthawi yoohimalla.

1 Mamwene 2:4

Sika Apwiya eneerokwakhwanihella nnddo yallotilliiwa dda miyaano wi, ‘Anaawo yasunga phaama ettilla ddiwa ni weeta vamiitthoni vaka moororomelleya ni murimiiwa muttheene ni okumiiwa muttheene, khaviwa virama edduullu va mpando woomwene wa Israele.’ ”

2 Mamwene 8:19

Komave Apwiya kheyaapanlle omoononga Yuda ekaamba ya Davide oorumeyelliiwa vawi Apwiya yaalonjeza wi eneeromwinnya Davide omwene woohimalla.

2 Epilli 6:16

Sika vano nyu Apwiya Mulluku a Aisraele, upuwellani nndde mwalonjezilleenyu wa Davide oorumeyellaanyu voollotani wi, ‘Khaviwa virama edduullu va nibanja nawo ookhalla vamiitthoni vaka va mpando woomwene wa Israele, vaavove anaawo yaapwathaka makhallellwiiwa ni weeta vamiitthoni vaka monga weyaano weetelleewe.’

Yobu 36:7

Khanavenyihavo miitthwaaye va oolungama annaakhullella wi elamulelle monga mamwene, annaweeriha wi evahiweke olemu wa enthawi yoohimalla.

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Ezekiele 37:25

Eneerokhalla mu ellapo eyo kamuvahilleemi oorumeyellaaka Yakobo nko wakhalla makhollwaanyu. Alliwaayo, aniiwa ni edduullu ddiwa eneerokhalla wenko wa enthawi yoohimalla. Nave oorumeyellaaka Davide aneerokhalla oohoollelliwa wa enthawi yoohimalla.