2 Samuele 7:14 - Mawu a Mulluku

¹⁴ Miyaano kinaakhalle attiitthinnya nave olliye anaakhalle mwanaka. Aachimwaka wiilliwiilli kineerekomullaka wonanko mmo attiitthi enaallakelliiwa aniiwa.

2 Samuele 7:14 ပူးပေါင်းရင်းမြစ်များ

Aheberi 1:5

Vawi Mulluku khaallotille naari wa mmodda a angelwaaye wi, “We tti Mwanaka, ollello kohuuyara weyaano.” Naari Mulluku khaallotille wa mungelo wi, “Kineerokhalla Attiitthinnya, nave olliye aneerokhalla Mwanaka.”

Yawuupullulla 3:19

Kinnaahumullulla ni waallaka attheene kinaakondeemi. Vano llipihellani wi murukunuwe murima.

1 Epilli 28:6

“Yaakilleella wi, ‘Tti mwanawo Solomoni anaakimakelle enyumba ni mathatwiiwa vawi koomutthoolla wi akhalle mwanaka nave kineerokhalla attiitthinnya.’

1 Epilli 17:13

Miyaano kinaakhalle attiitthinnya nave olliye anaakhalle mwanaka. Sika ngivenyiha echikondaaka yoohisintheya wa olliye wonanko kamuvenyihelleemi oyo aarivo weyaano ohinakhallevo.

Deuteronomo 8:5

Dduwellani wi Apwiya Mullukwaanyu ennuullakani wonanko attiitthi enaallakelliiwa aniiwa.

1 Akorinto 11:32

Koma ninneeruziwa ni ollakiwa ni Apwiya wi nihiipiwe mullatu vamodda ni ellapo yavatthi.

Yeremiya 30:11

Miyaano kiri ni nyuwaano, Kineerewuuvullusani, mi Apwiya koollota. Kineerowoononga mitundu ddittheddene dda athu nko kupallalleselleemini, koma nyu nguutthollosani. Nguuhiyani oohillakiwa koma kinuullakeni mweechilungamo.”

Mateyu 3:17

Vano mawu yahiiweya ovenyera oddullu wi, “Olla sika Mwanaka ookondiwa, kinnahakallallana ni murimaaka muttheene.”

Yobu 5:17

Oodala tti muthu oyo Mulluku anamuhumullulla. Sika ohivevulle aawuullakaka Amasiva Mattheene.

2 Akorinto 6:18

Kineerokhalla Attiitthaanyu, nave muneerokhalla anaaka aallopwana ni aatthiyana. Apwiya Mulluku Amasiva Mattheene sika enallota ddenndda.”

Yawuupullulla 21:7

Enaapambanaayo eneerewaakhella yeella ovenyera wa miyaano, kineerokhalla Mullukwiiwa nave eneerokhalla anaaka.

1 Mamwene 9:6

“Koma we apaalle anaawo mwahokollweella mutulli ohiya okithwara, ohisunga malamulwaaka ni malangizwaaka ayo kuuvahilleemini nave mwaamba orumeyella ni oddillapella milluku ddimodda,

1 Mamwene 11:34

Komave ngimwaakha omwene, aneerokhallave oolamulella mallapo mattheene a okumaaye ekaamba ya Davide oorumeyellaaka oyo kaamutthoonlleemi, oyo asunga malamulwaaka.

1 Epilli 22:10

Olliye sika anaakimakelle musasa miyaano. Anaakhalle mwanaka nave kinaakhalle attiitthinnya. Nave kineerokeraatthiha omwenaaye mu Israele wa enthawi yoohimalla.’ ”

Masalimo 2:7

Vano mwenooyo anallota wi, “Kineerollalleya nnddo Apwiya evuwihalliiwa. Yaakilleella wi, ‘Weyaano tti mwanaka, ollello kohuuyara.