2 Samuele 7:12 - Mawu a Mulluku

¹² Mallapwaawo yakwakhwana wi okhwe, kineeromutthoolla mmodda a anaawo wi akhalle mwene nave kineerokeraatthiha omwenaaye.

2 Samuele 7:12 ပူးပေါင်းရင်းမြစ်များ

Mitteko 2:30

Vallethi aarittho namallotella nave aadduwella wi, Mulluku aallupella wi mmodda a edduullu ddaye aneeroowa avollowe omwenaaye.

1 Mamwene 8:20

Solomoni aallota wi, “Vano Apwiya aakwakhwaniha nnddo yalonjezilliiwa vawi koovollowa omwene wa attiitthaaka Davide nave kiri mwene a Aisraele. Nave koomaka enyumba yoollapellellamo nnddina na Apwiya Mulluku a Aisraele.

1 Mamwene 2:1

Davide ari vakhuviru okhwa, aamwiithana mwanaye Solomoni amulangiza wi,

Mitteko 13:36

Vawi Davide amallihalle orumeyella ddoopaalla dda Mulluku mu mallapwaaye aakhwa. Nave aavitthiwa vamodda ni makhollwaaye nave mwiillaaye wahuntella mu mahame.

1 Epilli 17:11

Mallapwaawo yakwakhwana wi okhwe, kineeromutthoolla mmodda a anaawo wi akhalle mwene nave kineerokeraatthiha omwenaaye.

Deuteronomo 31:16

Apwiya yaallota ni Mose wi, “Enthawi ya okumaawo ehanlle vang'ono. Sika vatulli viwa athwaalla eneerotathilla echipangano kikeraatthihalleemi ni alliwa vookihiyani miyaano ni waamba ollapella milluku dda ellapo enaayaakhiiwa.

1 Atesalonika 4:14

Vawi ninnakhulupilila wi Yesu aakhwa nave aavenyattho. Mwawi ddiiddattho ninnakhulupilila wi athu ayo yakhwille ekhulupililaka mwa yooyo, Mulluku aneerewaavenyiha nave aneerewaakusa vamodda ni Yesu wa olliye.

1 Akorinto 15:51

Ngiiwesesani, kinawuupullullellani yookhuweya yawoona ella. Khanikhwa attheene koma nineerotthattusiwa,

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

1 Mamwene 1:21

Mwaaheera ddiiddo nyu apwiyaaka amwene, mi ni mwanaka Solomoni ninooniwe wonanko oowukila mwakhwa.”

Daniele 12:2

Anchichi mwa ookona mu nthupi navatthi eneerovenya. Amodda enaaye o okumi woohimalla, amodda o owulliha muru ni o ollaka woohimalla.

Masalimo 89:29

Kineerokeraatthiha edduullu ddaye wa enthawi yoohimalla, mpandwaaye woomwene wonanko mallapo ooddullu.

Genesis 15:4

Vano Apwiya yaamulleella wi, “Eliyezere khahallana eyuumaawo koma mwaana aawaawo sika anaahallena eyuumaawo.”

Mateyu 1:1

Nna sika ntthopoollo na makhollwaaye a Yesu Khrisitu, edduullu ya Davide, oyottho aari edduullu ya Abrahamu.

Luka 1:32

Olliye aneerokhalla muullupalli nave aneeroromolliwa Mwaana a Mulluku Muullupalli. Apwiya Mulluku eneeromweera akhalle mwene wonanko nikhollo naye, Davide.

Luka 24:27

Nave Yesu ahaatthopoollella dda ddittheddene ddalembiwe mu mawu a Mulluku ddayeekha, waamba malamulo a Mose ophiyera ddoolembiwa dda anamallotella attheene.

1 Mamwene 1:48

‘Kinnuutitimihani nyu Apwiya Mulluku a Israele ayo mweerihalle wi mmodda a anaaka avollowe omwenaaka ollello mi kiri mukumi.’ ”

1 Mamwene 2:4

Sika Apwiya eneerokwakhwanihella nnddo yallotilliiwa dda miyaano wi, ‘Anaawo yasunga phaama ettilla ddiwa ni weeta vamiitthoni vaka moororomelleya ni murimiiwa muttheene ni okumiiwa muttheene, khaviwa virama edduullu va mpando woomwene wa Israele.’ ”

1 Mamwene 5:5

Sika kinapaalla kaamakelle enyumba Apwiya Mullukwaaka moollikana ni mmo yaalleellelliiwa attiitthaaka Davide wi, ‘Mwanawo oyo kinaamukeraatthiheemi va mpando woomwene munipuroni mwawo sika anaakimakelle enyumba.’

1 Mamwene 8:15

Nave aallota wi, “Etitimihiwe Apwiya Mulluku a Aisraele, ayo ekwakhwanihalle ni masiviiwa nnddo yalonjezilliiwa wa Davide attiitthaaka.

1 Mamwene 8:19

Vano weyaano khomaka enyumbeeyo koma mwanawo sika anaamake enyumbaakeeyo.’ ”

1 Mamwene 9:5

vaavo kineerokeraatthiha mpandwaawo woomwene wowaalamulella Aisraele wa enthawi yoohimalla monga kalonjezilleemi wa Davide attiittho wi, ‘Khaviwa virama muthu a mu nibanja nawo oyo anaakhalleke va mpando woomwene nave analamulella Israele.’

2 Mamwene 8:19

Komave Apwiya kheyaapanlle omoononga Yuda ekaamba ya Davide oorumeyelliiwa vawi Apwiya yaalonjeza wi eneeromwinnya Davide omwene woohimalla.

2 Epilli 1:9

Nyu Apwiya Mulluku, akhullellani wi mwalonjezilleenyu wa attiitthaaka Davide ekwakhwanihiwe vawi mookikhalliha mwene owaalamulella athu awaata wonanko nthupi na va ellapo yavatthi.

2 Epilli 13:5

Ethiyo khemunadduwella wi Apwiya Mulluku a Israele aavelleella omwene wa Israele wa Davide ni anaaye wa enthawi yoohimalla vaweerani echipangano yoohitathiya?

2 Epilli 21:7

Komave Apwiya kheyaapanlle omoononga Yuda ekaamba ya echipangano ni Davide oorumeyelliiwa vawi Apwiya yaalonjeza wi eneeromwinnya Davide omwene woohimalla.

2 Epilli 23:3

Nave mutthukumano muttheene waakeraatthiha echipangano ni mwene mu enyumba ya Mulluku. Vano Yehoyada ahaalleella wi, “Ngamooneni mwaana a amwene! Muhiyeni alamulelle moollikana ni mmo Apwiya yallotilliiwa dda anamwani a Davide.

2 Samuele 22:51

Mulluku annamupambaniha wunchichi mwenaaye, annooniha echikondaaye yoohisintheya wa oozoziwaaye,* wa Davide ni edduullu ddaye wa enthawi yoohimalla.

1 Mamwene 2:10

Vano Davide aakhwa aavitthiwa mu muzinda wa Davide.

2 Epilli 6:9

Vano weyaano khomaka enyumbeeyo koma mwanawo sika anaamake enyumbaakeeyo.’ ”

2 Epilli 6:15

Moosunga lonjezo mweerilleenyu ni attiitthaaka Davide. Ollello mookwakhwaniha echipangano mweerilleenyu ni alliwa.

Yeremiya 33:17

Ddawoona, miyaano Apwiya kinalonjeza wi Davide khawa arama edduullu yoovollowa munipuroni mwaye va mpandwaaye woomwene wa Israele.