2 Samuele 6:2 - Mawu a Mulluku

² Aatimulla ni akhoto attheene ayo aariiyena ovenyera o Baala a o Yuda wi yakuse nibokosi na echipangano na Apwiya. Nibokosinno nadduwanyeya moollikana ni nnddina nawi Apwiya Amasiva Mattheene ayo yakhalla va akerubi* wonanko va mpando woomwene.

2 Samuele 6:2 ပူးပေါင်းရင်းမြစ်များ

1 Samuele 4:4

Vano yahaaruma athu oya o Shilo wookusa nibokosi na echipangano na Apwiya Amasiva Mattheene ayo enakhalla va akerubi.* Anamwani a Eli, Hofini ni Finehasi yaaya nimodda ni nibokosinne omisasani ddakhotonndde.

Masalimo 80:1

Nyu mbusa a Israele, ngiiwani nyu oyo munaahoollella athu a Yosefe wonanko mulloko wa enkhosa, nyu oyo munakhalla va akerubi* wonanko mpandwaanyu woomwene,

1 Samuele 7:1

Athu a o Kiriyati Yearimu yaaya yakusa nibokosi na echipangano na Apwiya eyaana o enyumba ya Abinadabu vamwaangoni. Yaamupatula mwanaye, Eleazara wi akhalle oowehera nibokosinno.

1 Petro 1:12

Mulluku ahuupullulla wa anamallotella yaalla wi muttekwiiwa khawaari wawi epindulevo weekhiiwa koma nyuwaano. Vawi yaallota dda ddeko ddennddo mwiiwalleenyu vano ovenyera wa murummwa ayo yavuwihalle othenga waphaama ni masiva a Munepa Waweella woorumihiwa ovenyera oddullu. Nndda tti ddeko ddawi naari angelo yaapaalla wiiwesesa.

Yesaya 54:5

Oophatusaawo ari wonanko mamuno, Apwiya Amasiva Mattheene sika nnddina naye. Aweelloolle a Israele sika Oowoopollaawo, nnddina naye tti Mulluku a ellapo yavatthi ettheene.

Yesaya 47:4

Aweella a Israele sika Oonoopollaahu, nnddina naye tti Apwiya Amasiva Mattheene.

Yoswa 15:60

Vaakhallattho Kiriyati Baala (sika wi Kiriyati Yearimu) ni Raba. Mizinda ddittheddene vamodda ddaari miilli ni matawoni oowaapheella.

2 Samuele 22:11

Aawella va akerubi* avava, aheeta ni ephevo mwawaakuva.

1 Samuele 6:21

Vano yaarumiha othenga wa athu a o Kiriyati Yearimu waalleella wi, “Afilisti aahokollosa nibokosi na echipangano na Apwiya, waawoni munikuse muyeena owaninyunko.”

Masalimo 99:1

Apwiya tti mwene, mitundu dda athu dditthukumelle! Ennakeraatthi variyari va akerubi,* ellapo yavatthi etikheye!