2 Samuele 6:19 - Mawu a Mulluku

¹⁹ Vano ahaakawella Aisraele attheene, allopwana ni atthiyana arive muthu mwitthi wa buledi, enthuli ya enama navettho keke ampesa. Vano athu attheene yaavenyawo arive muthu anaya owaniwa.

2 Samuele 6:19 ပူးပေါင်းရင်းမြစ်များ

Nehemiya 8:10

Sika aallota wi, “Khaweni mwache machellello ni omuwirya vinyo ooddiva. Mukawanena athu ayo ehinna ddookwakhwanella vawi ollello tti nllapo naweella wa Apwiya Mullukwaahu. Vano muhimoriwe ethakaraka vawi ehakallallo ya Apwiya sika masivaanyu.”

Aefeso 4:8

Moollikana ni mawu a Mulluku awi, “Awenlleeye oddullu, ahaaphara athu anchichi monga amundende, ahaavaha athu emphaso.”

Mitteko 20:35

Koowoonihellani mwa ddeko ddittheddene wi voopharani mutteko moollipiha ddiidda ninaphwanella wi naakavihereke oohoowa, vawuupuwellani mawu yallotille Apwiya Yesu weekhiiwa wi, ‘Oovaha sika anadalisiwa ohiri owaakhella.’ ”

Ezekiele 45:17

Nave mwene avelleelleke ddoopaalleya va mikutho ddooshellelliha, mikutho dda yoocha, mikutho dda ddoowirya va mallapo a Ehakallallo ya Wooneya wa Mweeri, a Sabata ni mamodda ayo Aisraele enaasungiiwa. Mwene avelleelleke ddoopaalleya va mikutho ddoopepesella, mikutho dda yoocha, mikutho ddooshellelliha ni mikutho ddeeyaattano wi ddivenyihe machimo a Aisraele.”

2 Epilli 30:24

Hezekiya mwene a o Yuda aavelleella anankhoro eeng'ombe 1,000 ni eenkhosa 7,000 nave enduna ddaye ddaavelleella anankhoro 1,000 eeng'ombe ni eenkhosa 10,000 o mutthukumanonko. Nave allupa mukutho anchichi yaaddeelliha.

2 Epilli 7:10

Va nllapo na 23 na mweeri waneetthanu ni piilli Solomoni ahaarumiha athwaayo owaniwa eri oohakallalla m'murimani mwiwa ekaamba ya ddaphaama ddittheddene nnddo Apwiya yamweerelliiwa Davide oorumeyelliiwa ni athwiiwa Aisraele.

1 Epilli 16:3

Vano ahaakawella Aisraele attheene, allopwana ni atthiyana arive muthu mwitthi wa buledi, enthuli ya enama navettho keke ampesa.

1 Mamwene 8:66

Va nllapo naneetthanu ni raru, Solomoni ahaalleella athwaayo wi eroweke. Yaamuthokoza mwenooyo nave yaarowa ni murima woohakallalla ni woothapella ekaamba ya ddaphaama ddittheddene nnddo Apwiya yamweerelliiwa Davide oorumeyelliiwa ni athwiiwa Aisraele.

2 Samuele 6:18

Amallihalle ovelleella mukutho wooshellelliha ni wa murendelloolle, Ahaadalisa athu mu nnddina na Apwiya Amasiva Mattheene.

2 Samuele 6:20

Davide ahokollweelleeye owaniwa wi adaliseke nibanja naye, Mikala, mwaara a Davide, mwaana aamutthiyana a Saulo aamuchingamella allota wi, “Mhu! Nyu mwene a Aisraele mohiivevulla nyookha ollello! Ophiya voorullani vamiitthoni va allupa mutteko aatthiyana a allupa muttekwaanyu wonanko mullupaanepa, oohiwulliwa muru naari vang'ono!”

1 Epilli 16:43

Vatulli viwa athu attheene yaavenyawo, arive muthu aya owaniwa. Navettho Davide aaya owaniwa wi adalise nibanja naye.

Nchipo na Solomoni 2:5

Mukillipihe ni ezipaso ddawumma, mukihihimulle ni mapulosi, vawi kinavoriiwa echikondi.

Hoseya 3:1

Vano Apwiya yaakilleella wi, “Khawettho wamukonde mwaariyo ooraruwa oyo ari ni ezibwenzi ddaye. Omukonde wonanko mmo kinamukondelleemi Israele naari allapellaka milluku ddimodda ni ooddivelliwa ovelleella mikutho ddampesa wawumma.”

Yoswa 22:6

Sika Yoswa ahaadalisa athwaayo aalleella wi eroweke. Vano athwaayo yaarowa owaniwa.