2 Samuele 5:9 - Mawu a Mulluku

⁹ Nave Davide aanakhalla mumpandanimmo nave waromolliwa wi muzinda wa Davide. Vano aamakattho muzinda waapheella nipuronno ovenyera va mpanda wa Milo ophiyera muwari mwaye.

2 Samuele 5:9 ပူးပေါင်းရင်းမြစ်များ

1 Mamwene 9:24

Enthawi yeeyo mwaana aamutthiyana a Farao aavenyawo o muzinda wa Davide aya o enyumbaaye eyo Solomoni ammakelleeye. Vatulli viwa Solomoni aamaka masitepe a Milo.

1 Mamwene 9:15

Mwene Solomoni aalamula athu wi ephare mutteko wathangata voomakani enyumba ya Apwiya ni enyumbaaye, masitepe ooromolliwa Milo ni mpanda wawaapheella Yerusalemu. Aapharihattho mutteko wathangata voomakanittho mizinda dda Hazori, Megido ni Gezere.

2 Epilli 32:5

Hezekiya ahaamba ophara mutteko moollipa nave aamakattho esiri eyo yakumuwalle. Vano aamakattho mattattha vaddullu viwa nave otte wiwa aamakattho esiri emodda, aallipihattho mpanda nnddina niwa Milo mu muzinda wa Davide. Aapangattho ezida ddakhoto ni ddawiitetezellana ddinchichi.

1 Mamwene 11:27

Yerobowamu amuwukilalle Solomoni ekaamba yawi aamaka masitepe a Milo ni omakattho vakumuwalle va mipanda dda m'mizindani dda Davide, attiitthinnya.

2 Samuele 5:7

Koma Davide ahaakha mpandiiwa wa Ziyoni awuromolla wi muzinda wa Davide.

1 Epilli 11:8

Vano aamakattho muzinda waapheella nipuronno ovenyera va mpanda wa Milo nave Yowabu sika apotokosille embali ddimodda dda muzindooyo.

Oweeruza 9:20

Koma ddaarimi ddihiri ddiiddo, munllo okhume mwa Abimeleki waashellihe aneetthi attheene a o Shekemu ni athu a o enyumba ya Betemilo. Nave munllo okhume mwa aneetthi a o Shekemu navettho mwa athu a o Betemilo ni omushelliha Abimeleki.”

Oweeruza 9:6

Vano aneetthi a ellapo ya Shekemu yaatthukumana o enyumba ya Betemilo, eya o muteekho wa muthundu vakhuviru ni opoto oollapellavo a o Shekemu, yamuvollochiha omwene Abimeleki.

2 Samuele 5:8

Nllapo nenno Davide aallota wa athwaaye wi, “Oyo anapaalla owiipha Ayebusi, anaphwanella avollowe oweelle mungalandeni yamaaddi wi awiiphe athu oorakalla ni oohoona ayo kiitannemina.” Ella sika ekaambiiwa ddinallotiwiiwa wi, “Oohoona ni oorakalla khevollowa mu enyumba ya Apwiya.”

2 Mamwene 12:20

Enduna ddaye ddaamweerella echiwembu nave ddaamwiipha ompandani wa enyumba ya Milo eyo eri va ettilla yookitthella o Sila.

Masalimo 122:3

Yerusalemu aamakiwa phaama, woonanko muzinda woopharaana phaama.

Yesaya 29:1

We Ariyele, Ariyele, muzinda oyo Davide atthipellilleeyewo misasa ddakhoto, wookhalla ni otulli. Viviralle muyakha mmodda apaalle miilli, mallapo mattheene a ehakallallo eviralle

2 Samuele 6:10

Sika Davide khaayiillena nibokosinne owaniwa, o muzinda wa Davide koma anihiyalle o enyumba ya Obedi Edomu Mugiti.

1 Mamwene 2:10

Vano Davide aakhwa aavitthiwa mu muzinda wa Davide.

2 Mamwene 12:21

Yosakara mwaana a Shimeati ni Yozabadi mwaana a Shomere sika yeerille ddenndda. Nave yaamuvittha mu mahame a makhollwaaye mu muzinda wa Davide. Vano Amaziya mwanaye aavollowa omwene munipuroni mwaye.

Nehemiya 3:15

Nave Shalumi mwaana a Kolihoze oolamulella a echigawo ya Mizipa aamakattho mullako wa Neetuutu awuthunyella. Aamakellella maferemu vamodda ni machiwiiwa, ddoowallella ni mikoko ddoollipa. Aamakattho esiri ya nthiya na Shela ya emata ya mwene ophiya o masitepe ooya vatthi vookhumani mu muzinda wa Davide.