2 Samuele 5:6 - Mawu a Mulluku

⁶ Vano Davide ni athwaaye yaaya o Yerusalemu yawana ekhoto ni Ayebusi ayo yaari aneetthi a muzinda wa Yerusalemu. Athwaayo yaamulleella Davide wi, “Khowora ovollowa wuno. Athu oorakalla ni oohoona sika enaawiikarihe”

2 Samuele 5:6 ပူးပေါင်းရင်းမြစ်များ

Oweeruza 1:8

Vano Ayuda yaawana ekhoto ni athu a muzinda wa Yerusalemu nave yahaagonjiha ewiipha ni nsupada nawiisha athu attheene nave ewuhella munllo muzindooyo.

Yeremiya 37:10

Naari mwagonjihalle Ababiloni attheene ayo munawaneenyuna ekhoto naarittho mwa alliwa muhanlle oophoreyave m'misasani ddiwa, alliwaayo eneerotthupulluwa ni owuhella munllo muzindaanyu.”

Oweeruza 1:21

Koma Abenjamini kheyaawiikarihallemo Ayebusi ayo yakhalla mu Yerusalemu. Sika Ayebusaayo ennakhalla ni Abenjamini mu Yerusalemu ophiyera ollello.

Yoswa 18:28

Zela, Haelefe, Yebusi (sika wi Yerusalemu), Gibea ni Kiriyati Yearimu, mizinda khumi ni misese ni matawoniiwa. Ella tti yoohallaniiwa ya nlloko na Benjamini moollikana ni mabanjiiwa.

Yoswa 15:63

Koma athu a nlloko na Yuda kheyaawonre owiikariha Ayebusi, aneetthi a Yerusalemu. Nave ophiyera ollello Ayebusaayo enakhalla o Yerusalemu ni athu a nlloko na Yuda.

Aheberi 7:1

Melkizedeki aari mwene a o Salemu navettho mullupa mukutho oomurumeyella Mulluku Muullupalli. Abrahamu aweeye ovenyera okhotoni nko aagonjihalleeye mamwene masese, aakumana ni Melkizedeki* nave Melkizedekooyo aamudalisa.

Genesis 14:18

Nave Melkizedeki,* mwene a o Salemu, mullupa mukutho a Mulluku Amasiva Mattheene, aawa wa Abramu amukusalle buledi ni vinyo.

Yoswa 10:3

Sika Adonizedeki aarumiha othenga wa Hohamu mwene a o Hebroni, wa Piramu mwene a o Yaramuti, wa Yafiya mwene a o Lakishi ni wa Debiri mwene a o Egiloni wi,

2 Samuele 22:30

Ni okikavihera wanyu miyaano ttuugonjiha mulloko wakhoto, ni nyu Mulluku, miyaano ttuullupha esiri ya mpanda.

Miyambo 21:22

Muthu eezeru annagonjiha muzinda wa amasiva nave annakumulla mpanda oyo athwaayo enaroromelliiwa.

Yeremiya 21:13

Nyu ookhalla muntaponi, kinawiipani mullatu nyuwaano ookhalla wonanko nlluku na va ntapo. Nyu munallota wi, ‘Ethiyo ttaani anaanihelle ekhoto. Ttaani anaawore ovollowa m'millakoni mwahu?