2 Samuele 4:8 - Mawu a Mulluku

⁸ Vano muru wa Ishiboshetoolle yaayaana wa Davide o Hebroni. Yaamulleella wi, “Olla khohiyo muru wa Ishibosheti, mwaana a Saulo, mudanaanyu apaalla owiiphanoolle. Ollello Apwiya aamuhokollosella Saulo ni edduullu ddaye ekaamba ya nyuwaano, apwiya.”

2 Samuele 4:8 ပူးပေါင်းရင်းမြစ်များ

1 Samuele 25:29

Athu yuuwukilani enawaashaashani wi ewiipheni, Apwiya Mulluku eneerewuuvitthani wonanko muthu anavitthelleeye eyuuma. Koma okumi wa adanaanyu eneerowutathilla wonanko muthu anavokhelleeye nlluku ni yoovokhella malluku.

2 Samuele 22:48

Mulluku sika akikavihere wi kihokolloselle ddoonanara ni ogonjiha mitundu ddimodda.

Yawuupullulla 18:20

Hakallallani ooddullu nyu! Hakallallani athu a Mulluku ni amurummwa owaaka anamallotella nyu! Vawi Mulluku oomullaka va nnddo eerilleeye wa nyuwaano!

Yawuupullulla 6:10

Yaakhuwa moowelliha mawu wi, “Apwiya, muri aweella ni awoona! Munatiyerella ophiyera niini ohiwiipa mullatu ni waallaka athu a va ellapo yavatthi yaniiphallaayo?”

Mateyu 2:20

“Ngavenya omukuse mwaanooyo ni amennya, muye o Israele kaambiiwa ayo yapaalla omwiipha mwaanooyo yookhwa.”

Masalimo 71:24

Nllapo nittheene kineerollalleya ollota dda echilungamwaanyu wi oowaashaasha okivoreya, evevulliwe, ewulliwesese muru.

2 Samuele 18:31

Mukushoolle nayeene aaphiya nave aallota wi, “Kiwiille ni othenga waphaama, apwiyaaka amwene. Ollello Apwiya ahuuvullusani wa athu attheene yuuwukilallenaalle.”

2 Samuele 18:19

Vano Ahimaazi, mwaana a Zadoki allota wi, “Tiyerani kithamake kaalleelle amwene othenga woohakallallihoolla wawi Apwiya ahaavullusa amwene wa adaniiwa.”

1 Samuele 24:4

Vaavo athu a Davidaalle yaamulleella wi, “Enthawi yookwakhwana elle Apwiya yuulleelliiwani wi, ‘Kineerewuuvaha ekari wi waagonjihe adanaawo.’ ” Vano Davide aatimulla mwawiitta aya aphadda echigamba otthoka wa mukanjo wa Saulo olliye ahidduwellaka.

1 Samuele 23:15

Davide aadduwella wi Saulo annamwaashaasha wi amwiiphe. Enthawi yeeyo Davide aari muchipululuni mwa Zifi o etawoni ya Horeshi

1 Samuele 20:1

Vano Davide aathawawo o Nayoti mu Rama awa wa Yonatani. Nave aamukoha Yonatani wi, “Kaambiiwa tini attiittho enapaalliiwa okiipha? Yoonanara kiweerelleemi ttiivi?”

1 Samuele 19:15

Koma Saulo ahaarumattho athwaalle aalleella wi, “Khaweni mwamutukhulle Davide ni bediine yooyo wi kimwiiphe.”

1 Samuele 18:11

Saulo aaganiza wi, “Kimuhome mompataaniha ni esiri.” Aamuvokhella Davide nivakanno wookwakhwana wiilli Davide arapaka.

2 Samuele 2:8

Enthawi yeella Abinere mwaana a Nere, oyo aari akhoto muullupalli a Saulo aari amukusalle Ishibosheti mwaana a Saulo, oyaana okhopella, o Mahanaimu.

1 Samuele 19:1

Saulo aamulamula mwanaye Yonatani ni oohoollella ekhoto attheene wi emwiiphe Davide. Koma Yonatani aanamukonda wunchichi Davide.