2 Samuele 4:11 - Mawu a Mulluku

¹¹ Onaakhalle wa wiidde wa athu oonanara ayo emwiiphalle muthu oohichimwa akonaatthille mpa mwaye. Kineerewuullakani va okhwa wa muthu yoolla ophiyera kuuvenyihalleni va ellapo yavatthi.”

2 Samuele 4:11 ပူးပေါင်းရင်းမြစ်များ

Masalimo 9:12

Vawi oohokollosella nikhame, annawuupuwella oohoosiwa, khanatiwalla winlla wiwa.

1 Yohane 3:12

Nihikhalle wonanko Kaini oyo aari a Oonanaroolle nave aamwiipha mwanamunne Abele. Kaini aamwiiphelle tini? Tti ekaamba yawi ddeko eerilleeye ddaari ddoochiwa nave ddeko mwanamunne eerilleeye ddaari ddoolungama.

Habakuku 1:12

Nyu Apwiya, ethiyo khemuhiyo a enthawi yoohimalla? Nyu tti Mullukwaaka, Aweellaaka, oohikhwa. Nyu Apwiya, mohaatthoolla Ababiloni wi yeeruze, nyu nlluku naka, mohaakeraatthiha wi ellake.

Habakuku 1:4

Malamulo khenna masiva, echilungamo khenaphara mutteko. Oonanara yoowaapheella oolungama, echilungamo yoolepheleya.

Yeremiya 10:11

Athwaayo mwaalleelle wi milluku nnddo ddahiphatusalle ellapo yooddullu ni yavatthi ddineerotthollowa va ellapo yavatthi ni vatthi va eddullu.

Miyambo 25:26

Muthu oolungama amugonjella muthu oonanara tti wonanko neetuutu unttuwanyeriwe apaalle ehime ehelliwe nttipwi.

Miyambo 2:22

Koma athu oonanara eneerovenyihiwa va ellapo yavatthi. Oochimwa aneerewaakhumihamo mwiillaponimmo.

Masalimo 109:15

Apwiya ehikhululuke machimwiiwa wa enthawi yoohimalla, Koma athwaayo etiwalleye va ellapo yavatthi.

1 Mamwene 2:32

Apwiya eneeromullaka Yowabu kaambiiwa aawiipha ni nsupada athu eelli eechilungamo omukhwaranya olliye, attiitthaaka Davide ehidduwellaka. Athwaayo yaari Abinere mwaana a Nere oyo aari akhoto muullupalli a o Israele ni Amasa mwaana a Yetere akhoto muullupalli a o Yuda.

2 Samuele 3:39

Vano ollello kookhumuwa wunchichi naari kiri mwene oozoziwa.* Athu yaalla, anamwani a Zeruya, aakiramiha yaweera. Apwiya emuhokolloselle muthu aweera ddoonanara moollikana ni onanara waye.”

2 Samuele 3:27

Vano Abinere ahokollweelleeye o Hebroni, Yowabu aamukusella vakhwipi waatamella va mullako wa etawoneeyo, anakhalla wonanko anaaka akambiranena ddeko ddawi athu amodda ehiiwe. Vano Yowabu aamuhoma Abinere vamirimani, akhwella vaavo. Yowabu enre ddenndda kaambiiwa Abinere aamwiipha Asahele mwanamunne a Yowabu.

Eksodo 21:12

“Arive muthu anamuukutha muthu ni omwiipha, olliyettho iiphiwe.

Eksodo 9:15

Katukhullalleke nnatta naka wi kuullakena weyaano ni athwaawo, ddaano mutthollowille.

Genesis 7:23

Apwiya yahoononga ddookumi ddittheddene dda va ellapo, athu, enama, ddawaapadda ni epallame. Nowa yeekhave aavulluwa ni attheene aariiyena muchomboni.

Genesis 6:13

Sika Mulluku aamulleella Nowa wi, “Koosimikiza ni murima muttheene wi kiwoononge athu attheene. Kineerewaatthollosa ekaamba yawi ellapo yavatthi ettheene yooddalla ni echiwawa.

Genesis 4:11

Sika wootembeleliwa, khoyillimattho ethaya eyo ewinrye nikhame na mung'onong'onwaawo oyo omwiiphalleewe ni mattaawo.

2 Samuele 16:8

Apwiya aawaakha omwene emwinnya mwanawo Abishalomu kaambiiwa waawiipha a va nibanja na Saulo owaakhattho omwenaaye. Vano Apwiya aawaakha omwenaawo emwinnya mwanawo Abishalomu. Omalla wawo tti wenngu vawi weyaano tti muthu oowiipha athu.”