2 Samuele 3:31 - Mawu a Mulluku

³¹ Vano Davide aamulleella Yowabu ni athu attheene aariiyena wi, “Ahullani ddoowara ddanyu nave muware eziguduli wi mumwinllelleke Abinere.” Nave Davide aanaathwara vatulli ootukhulla mutembwaayo.

2 Samuele 3:31 ပူးပေါင်းရင်းမြစ်များ

Genesis 37:34

Sika Yakobo ahaahulla ddoowara ddaye nave awara echiguduli vawoonihani ethakaraka. Nave ahinlla maliro a mwanayaayo va enthawi yoorekama.

2 Samuele 1:11

Enthawi yeeyo Davide aaphara ddoowara ddaye aahulla. Nave athu ayo yaari ni Davide yaheera emoddamoddave yeeyo.

2 Samuele 1:2

Nllapo naneeraru aamoona akhoto oovenyera o mulloko wakhoto wa Sauli. Aawara matapwata nave ahiihella ethaya m'muruni mwaye wooniha omoriwa ethakaraka. Aphiyalle wa Davide aakokhora amuvaha olemu.

Oweeruza 11:35

Yefita amoonille mwanaye, ahaahulla ddoowara ddaye allota wi, “Moowe kookhwa, we mwanaka, wookiphadda mutthoma nave wookiwiihella ddoohoosa dduullupalli vawi kaallupella wa Apwiya ni vayanoni vaka nave ngiwora wiinyipulla nnddo kallupenlleemi.”

Yoswa 7:6

Yoswa ni attekweene a Aisraele yiiwalle ddenndda yaamoriwa ethakaraka wunchichi nave yahaahulla ddoowara ddiwa, yiivokhella vatthi moopopheya ekhove vahoollo va nibokosi na echipangano na Apwiya ophiyera misikuwa, yiihella nthupi omuruni wiwa.

Luka 7:14

Vano Yesu aawaatamella nave attannya nibokosi na malironno nave athu yatukhunllaayo yahiimella. Nave Yesu aallota wi, “Musombwe we, kinimuulleella wi ovenye!”

2 Mamwene 19:1

Hezekiya iiwalleeye ddenndda, ahaahulla ddoowara ddaye mwathakaraka nave aawara echiguduli avollowa mu enyumba ya Apwiya.

Genesis 37:29

Vano Rubeni ahokollweelle wiihimeni wulle amuphwanyille Yosefe ahiimo. Vaavo ahaahulla ddoowara ddaye moomoriwa ethakaraka.

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

1 Mamwene 20:31

Nave oorumeyellaaye yaamulleella wi, “Ngoonani vano, nohiiwa wi mamwene a o Aisraele tti eethakaraka. Hankoni niware eziguduli muyuununi ni waapheelliha mikwe munikohini wooniha ogonja, niye wa mwene a o Israele apaalle khawiiphani.”

1 Mamwene 21:27

Ahabu iiwalle mawu yaalla, ahaahulla ddoowara ddaye, awara eziguduli. Aahalla ocha,* akona va ezigudulinnddo nave ahaamba weeta mwawiiyeviha.

2 Mamwene 19:2

Nave aamuruma Eliyakimu muullupalli oowehera enyumba yoomwene, Shebina namalembella ni muullupalli a allupa mukutho, attheene ewarille eziguduli wi eye wa namallotella Yesaya, mwaana a Amozi.