2 Samuele 3:28 - Mawu a Mulluku

²⁸ Vatulli viwa Davide iiwalle aallota wi, “Mi ni athu attheene a mu omwenaaka khanichimwale vamiitthoni va Apwiya va okhwa wa Abinere, mwaana a Nere.

2 Samuele 3:28 ပူးပေါင်းရင်းမြစ်များ

Numeri 35:33

Muhiripihe ellapo eyo munakhalleenyu. Nikhame ninnaripiha ellapo nave tti woohiworeya woopolla ellapweeyo ekaamba ya nikhame nimorihiwe mwemmo ophiyera mumorihalle nikhame na muthu amorihalle nikhamooyo.

Mateyu 27:24

Pilato oonilleeye wi khaphuravo ello vawi vaakhalla mapokoso, aakusa maaddi anawa m'mattani vamiitthoni va athwaayo allota wi, “Mi nginna mullatu va nikhame na muthu yoolla, muddoonelle nyookha!”

Eksodo 21:12

“Arive muthu anamuukutha muthu ni omwiipha, olliyettho iiphiwe.

Genesis 9:6

Arive muthu oomwiipha muthu, nayeenettho aneerewiiphiwa ni muthu vawi muthu aphatusiwe moophwanaphwana ni Mulluku.”

Genesis 4:10

Apwiya yaamukohattho wi, “Ethiyo weerille tini? Nikhame na mung'onong'onwaawo ninnakinllella miyaano ovenyera muthayani.

2 Samuele 1:16

Vano Davide aallota wi, “Oddiiphihalle weekha vawi waallota wi, ‘Kaamwiipha oozoziwa a Apwiya.’ ”

2 Samuele 3:27

Vano Abinere ahokollweelleeye o Hebroni, Yowabu aamukusella vakhwipi waatamella va mullako wa etawoneeyo, anakhalla wonanko anaaka akambiranena ddeko ddawi athu amodda ehiiwe. Vano Yowabu aamuhoma Abinere vamirimani, akhwella vaavo. Yowabu enre ddenndda kaambiiwa Abinere aamwiipha Asahele mwanamunne a Yowabu.

2 Samuele 3:29

Mullatu yoolla okhalle wa Yowabu ni nibanja nittheene na attiitthinnya. Nave Mulluku amullake Yowabu ni nibanja naye nittheene nave attheene evoriiwe ni erata ya echisonono apaalle ereta ya makate apaalle orakalla apaalle yiiphiwe okhotoni apaallettho erame yoocha.”

2 Samuele 16:8

Apwiya aawaakha omwene emwinnya mwanawo Abishalomu kaambiiwa waawiipha a va nibanja na Saulo owaakhattho omwenaaye. Vano Apwiya aawaakha omwenaawo emwinnya mwanawo Abishalomu. Omalla wawo tti wenngu vawi weyaano tti muthu oowiipha athu.”