2 Samuele 3:25 - Mawu a Mulluku

²⁵ Nyu amwene khamunamudduwella Abinere, mwaana a Nere? Olliyooyo aweellathi wuumarani muyeepe owiitthoni. Apaalla wi adduwelle okhuma ni ovollowa wanyu nave wi adduwelle nnddo muneereenyu.”

2 Samuele 3:25 ပူးပေါင်းရင်းမြစ်များ

Yesaya 37:28

Koma kinnadduwella nko onakhalleewe, erive ello oneereewe ni okishella murima wawo.

Deuteronomo 28:6

“Apwiya eneerodalisa ddaweera ddanyu ddittheddene.

Aroma 2:1

Vano nyuwaano munaweeruza amodda, ethiyo munaddeesa wi nyuwaano ttaani! Khamunna mawu oothawellavo vawi mwaaweeruzaka athu amodda koma nyuwaano muneerattho ddeko ddimoddave ddennddo eneeriiwa, munaddiipa mullatu nyookha.

Yohane 7:47

Afarisaalle yahaakoha wi, nanyeenettho owoottotthani?

Yohane 7:12

Nave athu yaanong'ona mmodda ni mukhwaaye dda olliyooyo. Amodda yaallota wi, “Olla tti muthu aphaama.” Koma amodda yaallota wi, “Iyaayi, yoolla anawoottottha athu.”

Masalimo 121:8

Apwiya eneerewuupwatha vookhumani ni voovollowani waambeella ollello wa enthawi yoohimalla.

2 Mamwene 18:32

Muneereke ddiiddo ophiyera mwene uukusalleni oya o ellapo yoophwanaphwana ni yawinyweella, ellapo ya tirigu ni vinyo, ya buledi ni emata ddampesa, ya miteekho dda olivi ni enwi wi wenko mwakhalle ni okumi, oohikhwa. Sika nyu, muchenjere Hezekiya ahuukarangeyiheni vawuulleellani wi Apwiya eneerewuuvullusani.

2 Samuele 10:3

Koma enduna dda Aamoni ddaallota wa Hanuni pwiyiiwooyo wi, “Ethiyo munaganiza wi Davide uurumihelleeyeni athu wi yuukhurumuseni murima vawaavahani olemu attiitthaanyu? Woohikhalla wi Davide aarumihalle oorumeyellaayaayo wa nyuwaano wi yaashaashe ni azonda muzindoolla nave vatulli viwa ewoononge?”

2 Samuele 3:27

Vano Abinere ahokollweelleeye o Hebroni, Yowabu aamukusella vakhwipi waatamella va mullako wa etawoneeyo, anakhalla wonanko anaaka akambiranena ddeko ddawi athu amodda ehiiwe. Vano Yowabu aamuhoma Abinere vamirimani, akhwella vaavo. Yowabu enre ddenndda kaambiiwa Abinere aamwiipha Asahele mwanamunne a Yowabu.

Numeri 27:17

Muthooyo aahoollelleke vakhotoni nave aalamulelleke wi mullokwaanyu ohikhalle wonanko enkhosa ddoohikhalla ni mbusa.”

Genesis 42:16

Murumeni mmodda mwa nyuwaano wi aye amukuse. Amodda attheene oohallanyu munaawallelliwe mundendeni ophiyera mawaanywaalla esimikizelliwe, noone mwaarimi mullotaka ddawoona. Olephela mvo, kinimallupella mu okumi wa Farao, nyuwaano tti oozonda.”

Genesis 42:12

Yosefe aallota wi, “Iyaayi. Nyuwaano muweelle wi mweetellelle ellapwaahu wi moone mmo efookelliiwa.”

Genesis 42:9

Nave ahuupuwella mmo allohelleeye dda alliwaayo nave aallota ni asinnaayo wi, “Nyuwaano tti oozonda. Muweelle wi moone mmo efookelle ellapwaahwiilla.”

2 Samuele 3:24

Yowabu iiwalleeye ddennddo aaya wa amwene aakoha wi, “Nyu mwenreenywiilla tti tini? Abinere oophiyaphiyeene wuno moomwaakhullella wi aroweke? Ddiiddava oorowa?

2 Samuele 3:26

Yowabu avenyillewo wa amwene wulle, ahaaruma amithenga wi emuthware Abinere. Alliwaayo yaamphwanya veehimeni ya Sira, emuhokollosa, Davide ahidduwellaka ello.