2 Samuele 24:25 - Mawu a Mulluku

²⁵ Nave Davide ahaamakella Apwiya nikuwa avelleella mikutho ddooshellelliha ni ddeeyaattano. Sika Apwiya yahiiwa oveka waye woovekella ellapo nave mullillooyo waamalla mu ellapo ettheene ya Israele.

2 Samuele 24:25 ပူးပေါင်းရင်းမြစ်များ

2 Samuele 21:14

Vano ahaavittha makhuva a Saulo ni makhuva a Yonatani mwanayoolle mu ellapo ya Benjamini o Zela mu mahame a Kishi, attiitthinnya a Saulo moollikana ni ddittheddene nnddo alamulalleeye. Vatulli viwa Mulluku ahiiwa mavekello oovekellella ellapweeyo.

2 Samuele 24:14

Davide aallota wa Gadi wi, “Mi kinimakhupanya wunchichi, ahiyeni Apwiya ekillake weekhiiwa vawi echifundwiiwa tti yuullupalli koma ohiri killakiwe ni athu.”

1 Samuele 7:17

Eeddiiddo aanahokollowella o Rama vawi sika waari owaniwa. Wenkottho aanaweeruzawo Aisraele nave ahaamakellawo Apwiya nikuwa.

Genesis 8:20

Enthawi yeeyo Nowa ahaamakella nikuwa Apwiya. Aakusavo orive mutundu wa enama ni epallame ddaweellihiwa nave aaddiipha, addivelleella mukutho wooshellelliha vanikuwanimvo.

1 Samuele 7:9

Vano Samuele aamukusa mwaanaankhosa awaamwa amwiipha amuphaddaphadda amuvelleella amututha wa Apwiya mukutho wooshellelliha. Ahaavekellella Aisraele wa Apwiya nave Apwiya yaamwaakhulla

Genesis 22:9

Ephiyalle onipuroni wulle Mulluku amulleelleeye, Abrahamu aamaka nikuwa nave aatthatta ekhuni vaddullu va nikuwanno. Enre ddiiddo ammaka mwanayoolle, amukonaatthiha vaddullu va ekhuninnddo.

Oweeruza 21:4

Osaka wene athwaayo yaavenya ohinase. Yamaka nikuwa wenko, evelleella mukutho wooshellelliha ni wa eyaattano.

1 Samuele 13:9

Sika Saulo aallota wi, “Wannani wuno mukutho wooshellelliha ni mukutho wa eyaattano,” Nave Saulo aavelleella mukutho wooshellellihoolle.

1 Samuele 14:35

Vano Saulo ahaamakella Apwiya nikuwa. Nna naari nikuwa naye nawaamba waamakella Apwiya.

1 Mamwene 1:1

Mwene Davide ahuulluvalla wunchichi wawi naari emukhuneelle ni mabulangete khiiwa oviha.

Ezekiele 16:42

Vano kineerohiya, owallaaka oneeromalla nave ngiwa kiweerellattho ehache. Kineereweera ellapo tuu, ngoopattho owalli.

Genesis 12:7

Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle.

Numeri 17:13

Aarimi arive muthu oyo anaatamella musasa wamutthukumano akhwaka, sika wi hiyaano attheene nookhwa.”

Oweeruza 6:24

Vano Gideoni ahaamakella Apwiya nikuwa vanipuroni vaavo nave aavaha nnddina nawi, “Apwiya tti murendelle.” Ophiyera ollello nikuwanno nookhallawo o Ofura, muzinda wa athu a nlloko na Abiyezere.