2 Samuele 24:22 - Mawu a Mulluku

²² Arauna aamulleella Davide wi, “Apwiyaaka, mukuse wi mwavelleelle mukutho ddeko nnddo ddinuuddivellani. Ngoonani kinapaalla kivelleelle eng'ombe wi ddikhalle mukutho wooshellelliha ni miteekho ddoomuuputhellana tirigu wi ddikhalle ekhuni.”

2 Samuele 24:22 ပူးပေါင်းရင်းမြစ်များ

1 Mamwene 19:21

Vano Elisha aahiya omuthwara, aahokollowa. Aakusa eng'ombe ddaye piilli addiipha. Sika magolaayo aviddeellellana munllo wawaapeyella enameeyo nave ahaavaha athu wi eche. Vatulli viwa aatimulla, anamuthwara Eliya monga oomurumeyellaaye.

1 Samuele 6:14

Nigaretanne naaphiya omata wa Yoswa o Beteshemeshi, niimella wenko. Wenko waakhalla nlluku nuullupalli. Athu a mutawoni yeella yaanitthalla nigaretanne enitthattusa ekhuni, eddiipha, eddiphaddaphadda eng'ombenndde eddivelleella wa Apwiya wonanko mukutho wooshellelliha.

1 Epilli 21:22

Nave Davide aamulleella Orinani wi, “Kivahe nipuro noomuuputhellavo tirigunna wi kaamakellevo Apwiya nikuwa wi mullilloolla ovenye wa athu. Okikullihelle va mutengwiiwa muttheene.”

Genesis 23:11

“Iyaayi, apwiya. Miyaano kineerewuuvahani emata ettheene ni nikhungunno. Kineerewuuvahani nipuronno vamiitthoni va athwaaka attheenaalla wi mwaavitthemo amwaarinyu.”

Oweeruza 6:26

Vano vaddullu va mpandamva omakevo nikuwa na Apwiya Mullukwaawo ni malluku ootthatta phaama. Okuse eng'ombe yaamullopwana, yaneepiilli, yamiyakha mitthanu ni miilli, yaattiitthweelle ovelleelle mukutho wooshellelliha. Okuse nifano na Asherimu nno onaakuheewe wi okhalle ekhuni.”