2 Samuele 24:17 - Mawu a Mulluku

¹⁷ Davide aamoona mungeloolle nave aallota ni Apwiya wi, “Mi sika kichimwalle nave koheera ddoonanara. Koma enkhosanndda ddilakwille tini? Vano nnatta nanyu nikillake mi ni nibanja na attiitthaaka.”

2 Samuele 24:17 ပူးပေါင်းရင်းမြစ်များ

Masalimo 74:1

Nyu Mulluku, kaambiiwa tini munanikhooteenyu wa enthawi yoohimalla? Kaambiiwa tini onanariwa wanyu onoosiiwa enkhosa woochihella enama wanyu?

2 Samuele 24:10

Vatulli viwa Davide ahiivaanyiha m'murimani mwaye, oweerenga athu wulle omanlle. Vano aavekella wa Apwiya wi, “Koochimwa wunchichi vaweerani yeella. Koma vano, nyu Apwiya, kinuuvekani wi mukikhululukelle nichimo na mi oorumeyellaanyu. Vawi koheera ddookarangeya wunchichi.”

Yobu 42:6

Sika kohiinyaambusa meekha, kinalapa vawiihellani nthupi ni ntuura.’ ”

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Yesaya 6:5

Sika kaakhuwa wi, “Otulli miyaano! Koomalla vawi kiri muthu a eyano yooripihiwa nave kinakhalla variyari va athu a eyano ddooripihiwa. Komave miitthwaaka aawoona Amwene, Apwiya Amasiva Mattheene.”

Masalimo 44:11

Nyuwaano moonitthattusa enkhosa ddooya wowiiphiwa, moonipallallesa variyari va mitundu ddimodda athu.

Yobu 7:20

Ethiyo kachimwa kinnuukatamihani nyu mulonda a athu? Kaambiiwa tini mukitthattusalleenyu yaweerellavo echaandamale? Kaambiiwa tini kiriimi wonanko katundu oollemella wa nyuwaano?

1 Mamwene 22:17

Mikaya ahaakhulla wi, “Kaawoona Aisraele attheene emwareyelle va miyaango wonanko enkhosa ddoohikhalla ni mbusa.” Sika Apwiya yaallota wi, “Yaalla khenna pwiiwa owaahoollella. Arive muthu ayeeke owaniwa mwamurendelle.”

Genesis 44:33

Sika vano apwiya, kinimuuvekani wi miyaano kihalle wuno wi kikhalle kaporwaanyu munipuroni mwa musomboolla. Mwaakhullelleni wi olliyoolla aroweke ni asinnaalla.

Genesis 18:23

Enthawi yeeyo Abrahamu aawaatamella Apwiya nave aakoha wi, “Ethiyo wiiddiiddonko muneerewoononga athu oolungama ni oohilungama?

2 Samuele 7:8

Sika vano wamulleelle oorumeyellaaka Davide wi mi Apwiya Amasiva Mattheene kinallota wi, ‘Kahuukusa woochiha enkhosa wi okhalle mwene owaalamulella athwaaka, Aisraele.

Yona 1:12

Yona ahaakhulla wi, “Mukivokhelle munyanjanimmo, mweeddiiddo enyanjeeyo eneerokhurumuwa. Kinnadduwella wi oolakwa tti miyaano, sika ekaambeene ephevo yawoopiheella yuumorenlleni nyuwaano.”

Eksodo 10:16

Vano Farao aamwiithana Mose ni Aroni mwawaakuva aalleella wi, “Kohaachimwella Apwiya Mullukwaanyu nave kohuulakwellanittho.

Numeri 16:22

Koma alliwa yaakokhora ellota wi, “Nyu Mulluku, mwaneena a minepa dda athu attheene, ethiyo mwaashenlle murima athu attheenaalla ekaamba ya ochimwa wa muthu mmodda?”

2 Samuele 12:13

Davide aallota wa Natani wi, “Kohaachimwella Apwiya.” Natani aallota wi, “Apwiya ahuukhululukellani machimwaanyu, khamukhwa.

Masalimo 32:5

Koma kaawulula machimwaaka, ngaavitthalle onanara waka. Kaallota wi, “Kineerowulula machimwaaka wa Apwiya,” vaavo mwaakhululuka mullatwaaka.

Masalimo 78:71

Amukusalle nko achiheeyewo enkhosa nnddo ddaari ni asaana, wi akhalle mbusa a Yakobo, athwaaye, a Israele, yoohallanaaye.