2 Samuele 24:16 - Mawu a Mulluku

¹⁶ Vano mungelo attaphurusalleeye mattaaye wi oononge muzinda wa Yerusalemu, Apwiya yaakhurumusa murima va ollakanko emulleella mungelwaaye oyo awoononga athoolle wi, “Wookwakhwana, hokollosa nnatta nawo.” Nave mungelo a Apwiya aari iimenlle va nipuro noomuuputhellavo tirigu na Arauna Muyebusi.

2 Samuele 24:16 ပူးပေါင်းရင်းမြစ်များ

Eksodo 12:23

Apwiya eneerovira mu ellapo ettheene ya Iguputo wi ewiiphe anamwani attheene aallopwana awaamba a Aiguputo. Yaawoonaka nikhamenno va embali ddiraru dda eferemu ya vamullakoni eneerekokhwaranya mullakooyo nave khemwaakhullellaka mungelwaaye awoononga wi avollowe mpa mwanyu wi awiipheni.

Genesis 6:6

yaamoriwa ethakaraka wi yahaaphatusa athu ni waahiya va ellapo yavatthi. Vawi murima wahaavoreya wunchichi,

Mitteko 12:23

Enthawi yeeyo mungelo a Apwiya aamweeriha Herode wi avoriiweke kaambiiwa khaamutitimihalle Mulluku. Aakhuma miingu nave aakhwa.

2 Epilli 3:1

Vano Solomoni ahaamba otthipella musasa wa Apwiya o Yerusalemu va mwaango wa Moriya mvo Apwiya yamooneyelliiwa Davide attiitthinnya, va nipuro nno Davide aatthoollilleeye, nipuro nawuuputhellavo tirigu na Orinani Muyebusi.

2 Mamwene 19:35

Sika mahiiyu yaayo mungelo a Apwiya aaya o misasa ddakhoto dda Aasiriya awiiphawo akhoto 185,000. Ohinase athu yaawoona akhoto attheenaayo ekhwille, eri millumillu!

1 Samuele 15:11

“Kinamoriwa ethakaraka vawi kaamuvaha omwene Saulo. Oohokollweella mutulli ohiya okithwara miyaano vohiiwellellani malamulwaaka.” Samuele aasha murima nave ahinllella wa Apwiya mahiiyu mattheene.

2 Epilli 32:21

Vano Apwiya yaamuruma mungelo nave aawiipha akhoto attheene amasiva ni oohoollella a o misasa dda mwene a o Asiriya. Sika aahokollweella owaniwa ari oowulliwa muru. Vano avollowille mu enyumba ya mullukwaaye, anaaye amodda yaamwiipha ni nsupada.

2 Akorinto 2:6

Muthu yoolla oollakiwa mookwakhwanella oweella mwa eyo anchichi a nyuwaano mwiiwananeenyu.

Mariko 14:41

Awiilleeye waneeraru, aallota waalliwa wi, “Munimakona ni wiithuuwa? Ddookwakhwanella! Enthawi yookwakhwana yawi mi, Mwaana a Muthu, kivelleelliwe wa athu oochimwa.

Zekariya 9:7

Khewa echattho enama yanikhame apaalle erive yoocha yoohaakhullelliwa. Oohalla attheene enaakhalle athwaaka nave enaakhalle wonanko a nlloko na Yuda. Aekeroni enaakhallettho mmodda mwa athwaaka wonanko yeerelle Ayebusi.

Habakuku 3:2

Nyu Apwiya, kahiiwa epillaanyu ni woova, Apwiya, hihimullani muttekwaanyu mallapo allello, muwudduwanyeyihe mu mallapwaahu. Naari mushille murima, muhitiwalle echifundwaanyu.

Amosi 7:6

Vaavo Apwiya yaamoriwa ethakaraka ellota wi, “Ddennddattho khaddiwa ddeereya.”

Amosi 7:3

Vano Apwiya yaamoriwa ethakaraka ellota wi, “Ddenndda khaddiwa ddeereya.”

Yesaya 57:16

Ngihumullulla wa enthawi yoohimalla apaalle ovirellella waashella murima wi munepa wa muthu ohingomowe vamiitthoni vaka, mpweya woovaha okumi oyo kawuphatusalleemi.

Yesaya 27:8

Apwiya yahaallaka voowiikarihani ni waarumiha wuukaporoni. Yahaaviddeellella ni ephevwiiwa yawoopiha yoovenyera wookhuma nndduwa.

Masalimo 135:14

Vawi Apwiya eneerokamulla wi athwiiwa kheyinna mullatu, eneeroweerella echifundo alliwa.

Masalimo 90:13

Nyu Apwiya, hokollweellani wa hiyaano, munaananariwe ophiyera niini? Amorelleni ethakaraka oorumeyellaanyu.

Masalimo 78:38

Koma vawi Mulluku tti eechifundo, ahaakhululukella machimwiiwa, khaawoonongille. Wiilliwiilli aanahokollosa murima woohaanaariwella, khaakhullella wi ashe murima.

Masalimo 35:6

Ettilliiwa ekhalle yeepiphi ni yoottherenya, mungelo a Apwiya aawaathwaraka.

1 Mamwene 19:4

Koma Eliya aheeta olendo wa nllapo nimodda mu echipululu aya akeraatthi vatthi va mwanamuteekho. Vano aaveka wi akhwe, allota wi, “Ddookikwakhwana! Nyu Apwiya, waaweerokhalla phaama kakhwilleke vawi miyaano khe aphaama waakhwaranya makhollwaaka.”

2 Samuele 24:18

Nllapo nenno Gadi aaphiya wa Davide amulleella wi, “Muye mwaamakelle Apwiya nikuwa vanipuroni noomuuputhellavo tirigu na Arauna Muyebusoolle.”

2 Samuele 5:8

Nllapo nenno Davide aallota wa athwaaye wi, “Oyo anapaalla owiipha Ayebusi, anaphwanella avollowe oweelle mungalandeni yamaaddi wi awiiphe athu oorakalla ni oohoona ayo kiitannemina.” Ella sika ekaambiiwa ddinallotiwiiwa wi, “Oohoona ni oorakalla khevollowa mu enyumba ya Apwiya.”

Oweeruza 19:11

Yaphiyiiwa o Yebusi, waari osikuwalle wunchichi nave oorumeyellaayoolle ahaalleella apwinnyaalle wi, “Kaambiiwa tini nihinahapuweehu wi nivollowe m'muzindani wa Yebusoolla wi nakone mwemmo?”

Oweeruza 1:21

Koma Abenjamini kheyaawiikarihallemo Ayebusi ayo yakhalla mu Yerusalemu. Sika Ayebusaayo ennakhalla ni Abenjamini mu Yerusalemu ophiyera ollello.

Yoswa 15:63

Koma athu a nlloko na Yuda kheyaawonre owiikariha Ayebusi, aneetthi a Yerusalemu. Nave ophiyera ollello Ayebusaayo enakhalla o Yerusalemu ni athu a nlloko na Yuda.

Eksodo 12:13

Nikhamenno ninaakhalle echizindikiro ya enyumba nnddo munakhalleenyumo. Koona nikhamenno kineerewuukhwaranyani nyuwaano nave mullilli wawoononga khewuumorellani kaallakaka ellapo ya Iguputo.

Eksodo 9:28

Ddoottepa! Vekella wa Apwiya wi ehiihe ogugudeya wa murimu ni marallallaalla. Kineerowaakhullellani wi muvenyewo. Khemukhallattho wuno iyaayi.”

Genesis 10:16

Kanani aarittho nikhollo na Ayebusi, Aamori, Agirigashi,

Eksodo 32:14

Sika Apwiya yaasintha maganizwiiwa a ollaka wawoopiha nko yapaalliiwa oweerella athwiiwa.

1 Akorinto 10:10

Nihiwinyeke wonanko amodda a alliwaayo vawi yahiiphiwa ni Mungelo Awiipha.

Yeremiya 26:19

Ethiyo mwene Hezekiya ni athu attheene a o Yuda yaamwiipha? Ethiyo mwene khaawooville Apwiya nave avekella wi emweerelle echifundo? Sika Apwiya yaahaakhululukella, kheyaawaallakille wonanko mmo yallotelliiwa. Koma hiyaano niri vakhuviru oddiithanella otulli wawoopiha.”

1 Epilli 1:14

Kanani aarittho nikhollo na Ayebusi, Aamori, Agirigashi,

Yeremiya 42:10

‘Mwakhalla mu ellapweella, kineerewuumakellani vamodda ohiri wuukumullani. Kineerowaallani ohiri wuutullani. Kinnamoriwa ethakaraka ekaamba ya ddoohoosa nnddo kuumorihelleemini.