2 Samuele 23:5 - Mawu a Mulluku

⁵ Vano Mulluku aneerodalisa edduullu ddaka kaambiiwa olliye aheera echipangano yoohimalla ni miyaano. Echipangano yootthopoowa phaama ni yoohimalla. Nndda sika kinakhallelleemi munkhella nave sika ddinaakivulluse, Mulluku sika anaaweere ddenndda.

2 Samuele 23:5 ပူးပေါင်းရင်းမြစ်များ

Yesaya 55:3

Apellani maaru nave muwe wa miyaano, kiiwellelle wi mukhalle ni okumi. Kineerokeraatthiha ni nyuwaano echipangano yoohimalla, kineerowoonihani echikondi yoohisintheya ni yoohikayikiha eyo kamulonjezilleemi Davide.

Yeremiya 32:40

Kineerokeraatthiha echipangano yoohimalla ni alliwa nave ngihiya oweerella ddaphaama. Kineerewaavaha murima wookova, mwawi ddiiddo khewa ekihiyattho.

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

Aheberi 6:19

Nookhalla ni etiyerello yeella wonanko nangula* ookumaahu eyo eri yookeraattheya ni yoollipa nave ennavollowa ohiyana ni ekatani ya mu enyumba ya Mulluku yooddullu yaphiya muwari mwa nipuro naweella.

Mitteko 13:34

Dda omuvenyiha olliye wa ookhwa nave ohimuhiya wi untellettho mu mahame, Mulluku aallota khalle wi, ‘Kineerewuuvaha madaliso aweella ni oororomelleya ayo kalonjezilleemi khalle wa Davide.’

Amosi 9:11

Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

Ezekiele 37:26

Kineerokeraatthihana echipangano yamurendelle. Echipangano yeella eneerokhalla yayiwa wa enthawi yoohimalla. Kineerewaakeraatthiha ni Waaruuwiha nave kineerohiya enyumbaaka variyari viwa wa enthawi yoohimalla.

Yesaya 61:8

Apwiya enallota wi, “Mi kinnakonda echilungamo, kinniitana ni ddawiiya ni ddoonanara. Athwaaka kineerewaathuva moororomelleya, kineerokeraatthihana echipangano yoohimalla.

Yesaya 27:6

Mallapo enawaayo Yakobo aneerotthipella misisi, Israele aneerophuwa ni ottaphulla malluwa. Ellapo ettheene yavatthi eneeroddalla ni ezipaso ddaye.

Yesaya 11:1

Enthambi eneerophuwa va nikoto na Yese nave yoophuwa eneerokhuma o misisi ddaye.

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Yesaya 4:2

Enthawi yeeyo enthambi ya Apwiya enaakhalle yaphaama wunchichi ni yooreera. Nave echipaso ya ellapo ya Israele eneerewaakotiha ni waariiha attheene oohalla.

Masalimo 119:81

Okumaaka woofooka vootiyerani ovullusa wanyu, koma kinnaroromella mawaanyu

Masalimo 89:3

Moollota wi, “Koopangana ni ootthoolliwaaka, koollupella wa Davide oorumeyellaaka wi,

Masalimo 62:2

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Masalimo 27:4

Kinaveka ello emodda wa Apwiya, ello yoopaalleya wunchichi, yawi kikhalleke mu enyumba ya Apwiya, mallapo mattheene a okumaaka, wi kihakallalleke ni oreera murima wa Apwiya, wi kaallapelleke alliwa mu enyumbiiwa.

1 Mamwene 12:14

Nave aallota moollikana ni malangizo a asombwaalle wi, “Attiitthaaka yahuureyani nigoli noollemella koma miyaano kineerewaanjereravo. Navettho yahuuwashullani ni miwashullo shisha miyaano kineerewuuwashullani ni miwashullo ddamukoko.”

1 Mamwene 11:38

Nave waawiiwellaka ddittheddene kinuulamuleemi ni othwara malamulwaaka, oneera echilungamo vamiitthoni vaka voothwarani malangizwaaka ni malamulwaaka wonanko Davide oorumeyellaaka, nguuhiya nave kineereweera wi okhalle mwene a Aisraele. Navettho edduullu ddawo ddineerekolamulella wonanko mmo kamweerelleemi Davide oorumeyellaaka.

1 Mamwene 1:5

Vano Adoniya mwaana a Davide ni Hagiti ahaamba wiitukhulla wi, “Mi sika kinaakhalle mwene.” Ahiikhozella magareta ni athu oowella va akavalo navettho akhoto makhumi matthanu oowehera.

2 Samuele 18:14

Yowabu aallota wi, “Onimakiselliha!” Nave aakusa mavaka mararu amuhomana Abishalomu vamurimani ahinakhwe aangille m'muteekhoni wa muthundooyo.

2 Samuele 13:28

Vano Abishalomu ahaalamula allupa muttekwaaye wi emuweheseseke Aminoni enthawi eyo anaalezeleeye ni vinyo. Kuulleellani wi, “Mwiipheni, mumwiiphe muhoove vawi tti miyaano kuulleelleni wi mweere yeeyo. Mullipe murima nave mukhalle wonanko allopwana.”

2 Samuele 13:14

Koma Aminoni khaawiiwellelle allota Tamarannddo. Nave vawi aakhalla ni masiva omukhwaranya Tamara, Aminonooyo aamuwatihera Tamara nave aamupharella.

2 Samuele 12:10

Ekaamba ya yeella ekhoto khewa emalla vanibanjani vawo kaambiiwa wookivevulla miyaano nave woomutthella mwaara a Uriya Muhiti.

2 Samuele 7:18

Vano Davide aavollowa mumusasani wowaallapellamo Apwiya. Akeraatthi anavekella allotaka wi, “Nyu Apwiya Mulluku, mi kiri aani nave nibanja naka tti tini wi mooniphiyiha vaava?

1 Samuele 25:28

Pepaani mukhululukelle machimo a miyaano kaporwaanyu. Ddawoona, Apwiya eneerokeraatthiha nibanja nanyu mu omwene vawi munnamuwanella ekhoto. Nave yoonanara khephwanyeya mwa nyuwaano okumaanyu muttheene.

1 Samuele 2:35

Vatulli viwa kineeromutthoolla mullupa mukutho oyo anaakhalle oororomelleya wa miyaano ni weera nnddo ddiri m'murimani mwaka ni ddoopaalla ddaka. Kineeromwinnya edduullu nnddo ddinaarumeyelleke vamiitthoni va mwenaaka oozoziwa enthawi ddittheddene.

Genesis 9:16

Mwiisherima wooneya m'miraponi, miyaano kineerewoona nave kineerekewuupuwella echipangano yoohimalla ya variyari va miyaano ni ddookumi ddittheddene ddookhalla va ellapo yavatthi.

2 Samuele 7:12

Mallapwaawo yakwakhwana wi okhwe, kineeromutthoolla mmodda a anaawo wi akhalle mwene nave kineerokeraatthiha omwenaaye.

Yesaya 54:10

Miyaango ttuususeya, asimiyaango ttuutikheya koma echikondaaka yoohisintheya va weyaano khewa emalla, Echipanganwaaka yamurendelle kineeroyisunga murendelle wa enthawi yoohimalla.” Apwiya ayo enaweerella echifundo sika enallota ddenndda.

Yeremiya 33:21

Emoddamoddave yeeyo, kaakeraatthiha echipangano ni Davide, oorumeyellaaka wi enthawi ddittheddene kharamaka edduullu yookhalla va mpando woomwene. Kaakeraatthihattho echipangano emodda ni allupa mukutho Aalevi wi ekirumeyelleke wa enthawi ddittheddene. Nave echipangano ddenndda kheddiwa dditathilliwa.

Masalimo 111:9

Yahaavullusa athwiiwa, yaakeraatthiha echipanganwiiwa wi ekhalle ya enthawi yoohimalla. Nnddina niwa tti naweella ni nawoopiha.